ಜೀಮ್‌ಗೆ ಐಷಾರಾಮಿ ಕಾರಿನಲ್ಲಿ ಬಂದ ರೂಪದರ್ಶಿ: ವಿಡಿಯೋ ನೋಡಿ ಬೆಚ್ಚಿಬಿದ್ದ ಯುವಕರು!

ಸಿನಿಮಾ ನಟರು ಮಾತ್ರವಲ್ಲದೇ ನಟಿಯರು ಕೂಡ ಕಾರುಗಳ ಮೇಲೆ ಕ್ರೇಜ್ ಹೊಂದಿದ್ದಾರೆ. ನಟಿಯರು ಹೆಚ್ಚಾಗಿ ಐಷಾರಾಮಿ ಕಾರುಗಳಲ್ಲಿ ಓಡಾಡಲು ಇಷ್ಟ ಪಡುತ್ತಾರೆ. ಇತ್ತೀಚೆಗೆ ನಟಿ ಜಾರ್ಜಿಯಾ ಆಂಡ್ರಿಯಾನಿ (Giorgia Andriani) ತಮ್ಮ ಹೊಸ ಮರ್ಸಿಡಿಸ್ ಬೆಂಝ್ ಕಾರಿನಲ್ಲಿ ಕಾಣಿಸಿಕೊಂಡಿದೆ. ಮರ್ಸಿಡಿಸ್ ಬೆಂಝ್ (Mercedes Benz) ಸೆಲೆಬ್ರಿಟಿಗಳ ಮೆಚ್ಚಿನ ಪ್ರೀಮಿಯಂ ಕಾರ್ ಬ್ರ್ಯಾಂಡ್ ಕಾರ್ ಆಗಿದೆ. ನಟಿ ಜಾರ್ಜಿಯಾ ಕೂಡ ಮರ್ಸಿಡಿಸ್ ಬೆಂಝ್‌ನ ಜಿಎಲ್ಸಿ ಕಾರನ್ನು ಇತ್ತೀಚೆಗೆ ಖರೀದಿಸಿದ್ದಾರೆ. ಇಟಲಿಯಲ್ಲಿ ಹುಟ್ಟಿದ ಮಾಡೆಲ್ ಜಾರ್ಜಿಯಾ ಆಂಡ್ರಿಯಾನಿ ಜನಪ್ರಿಯ ಬಾಲಿವುಡ್‌ ನಟಿಗಳಲ್ಲಿ ಒಬ್ಬರು.

ಅರ್ಬಾಜ್​ ಖಾನ್​ ನಟಿ ಮಲೈಕಾ ಅರೋರಾ ಜೊತೆ ಮದುವೆಯಾಗಿ ಬೇರ್ಪಟ್ಟ ಬಳಿಕ ಇಟಲಿಯ ನಟಿ ಮತ್ತು ರೂಪದರ್ಶಿ ಜಾರ್ಜಿಯಾ ಆಂಡ್ರಿಯಾನಿ ಜೊತೆ ಮದುವೆಯಾಗದಿದ್ದರೂ ಸುದೀರ್ಘ ಸಂಬಂಧ ಹೊಂದಿ ಬ್ರೇಕ್​ ಮಾಡಿಕೊಂಡರು. ನಟಿ ಜಾರ್ಜಿಯಾ ಆಂಡ್ರಿಯಾನಿ ಅವರ ವೀಡೀಯೋ ಇತ್ತೀಚೆಗೆ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. ವೀಡಿಯೋದಲ್ಲಿ ಅವರು ಹೊಸ ದುಬಾರಿ ಕಾರಿನಲ್ಲಿ ಇಳಿಯುವುದನ್ನು ನಾವು ನೋಡಬಹುದು.

ಬಹುಶಃ ಈ ವಿಡಿಯೋವನ್ನು ಅವರು ಜಿಮ್‌ಗೆ ಬರುವ ವೇಳೆ ಕಾರಿನಲ್ಲಿ ಇಳಿಯುವ ವೀಡಿಯೋ ಆಗಿರಬಹುದು. ನಟಿ ಜಾರ್ಜಿಯಾ ಆಂಡ್ರಿಯಾನಿ ಖರೀದಿಸಿದ ಹೊಸ ಕಾರ್ ಮರ್ಸಿಡಿಸ್ ಬೆಂಝ್ GLC ಆಗಿದೆ. ಈ ಐಷಾರಾಮಿ ಆರಂಭಿಕ ಕಾರಿನ ಬೆಲೆಯು 75.90 ಲಕ್ಷ ರೂ. ಆಗಿದೆ. ಇನ್ನು ಈ ಕಾರಿನ ಟಾಪ್ ರೂಪಾಂತರದ ಬೆಲೆ 76.90 ಲಕ್ಷ ರೂ. ಆಗಿದೆ.

ಮರ್ಸಿಡಿಸ್ ಬೆಂಝ್ ಜಿಎಲ್‌ಸಿ ಕಾರಿನ ಬಗ್ಗೆ ಹೇಳುವುದಾದರೆ, ಈ ಎಸ್‍ಯುವಿ 4,716mm ಉದ್ದ, 2,075mm ಅಗಲ ಮತ್ತು 1,650mm ಎತ್ತರವನ್ನು ಹೊಂದಿದೆ. ಇದು ಹಿಂದಿನ ಮಾದರಿಗೆ ಹೋಲಿಸಿದರೆ, 60mm ಉದ್ದವಾಗಿದೆ, 21mm ಕಿರಿದಾಗಿದೆ ಮತ್ತು ಅದು ಬದಲಿಸುವ ಮಾದರಿಗಿಂತ 4mm ಕಡಿಮೆಯಾಗಿದೆ. ಅಲ್ಲದೆ, ಹೊಸ ಮಾದರಿಯು 15 ಎಂಎಂ ಉದ್ದದ ವೀಲ್‌ಬೇಸ್ ಅನ್ನು ಹೊಂದಿದೆ.

ಮರ್ಸಿಡಿಸ್ ಜಿಎಲ್‌ಸಿ ಎಸ್‍ಯುವಿಯ ಒಳಬಾಗದಲ್ಲಿ ಹೆಚ್ಚು ಆಧುನಿಕ ಮತ್ತು ಐಷಾರಾಮಿ ಆಗಿ ಕಾಣುತ್ತದೆ. ಈ ಐಷಾರಾಮಿ ಎಸ್‍ಯುವಿಯಲ್ಲಿ 11.9-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಯುನಿಟ್ ಮತ್ತು ಇನ್ನೂ ದೊಡ್ಡದಾದ 12.3-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ವೈಶಿಷ್ಟ್ಯಗಳೊಂದಿಗೆ ಇತ್ತೀಚಿನ ತಲೆಮಾರಿನ ಸಿ-ಕ್ಲಾಸ್ ಸೆಡಾನ್‌ನ ಒಳಭಾಗವನ್ನು ಅನುಕರಿಸುತ್ತದೆ.

ಈ ಜಿಎಲ್‌ಸಿ ಎಸ್‍ಯುವಿಯಲ್ಲಿ ವೈರ್‌ಲೆಸ್ ಫೋನ್ ಸಂಪರ್ಕ, ಹೆಡ್-ಅಪ್ ಡಿಸ್ಪ್ಲೇ, 15-ಸ್ಪೀಕರ್ ಬರ್ಮೆಸ್ಟರ್ ಆಡಿಯೊ ಸಿಸ್ಟಮ್, ಪನರೊಮಿಕ್ ಸನ್‌ರೂಫ್, 360-ಡಿಗ್ರಿ ಸರೌಂಡ್-ವ್ಯೂ ಕ್ಯಾಮೆರಾ, ಸಕ್ರಿಯ ಬ್ರೇಕ್ ಅಸಿಸ್ಟ್, ಬ್ಲೈಂಡ್-ಸ್ಪಾಟ್ ಅಸಿಸ್ಟ್ ಸೇರಿದಂತೆ ಇತರ ಗಮನಾರ್ಹ ವೈಶಿಷ್ಟ್ಯಗಳು , ಸಕ್ರಿಯ ಲೇನ್ ಕೀಪಿಂಗ್ ಅಸಿಸ್ಟ್, ಮತ್ತು ಇನ್ನೂ ಅನೇಕ ಫೀಚರ್ಸ್ ಗಳನ್ನು ಪಡೆಯಲಿವೆ.

ಮರ್ಸಿಡಿಸ್ ಜಿಎಲ್‌ಸಿ ಎಸ್‍ಯುವಿಯಲ್ಲಿ 2.0-ಲೀಟರ್, ಟರ್ಬೋಚಾರ್ಜ್ಡ್, 4-ಸಿಲಿಂಡರ್ ಪೆಟ್ರೋಲ್ ಎಂಜಿನ್‌ನೊಂದಿಗೆ ಬರುತ್ತದೆ. ಈ ಎಂಜಿನ್ ಆರೋಗ್ಯಕರ 254bhp ಮತ್ತು 400Nm ಟಾರ್ಕ್ ಅನ್ನು ಉತ್ಪಾದಿಸವ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಜಿಎಲ್‌ಸಿ ಎಸ್‍ಯುವಿಯ 4MATIC ರೂಪಾಂತರವು 2.0-ಲೀಟರ್, ಟರ್ಬೋಚಾರ್ಜ್ಡ್, 4-ಸಿಲಿಂಡರ್ ಡೀಸೆಲ್ ಎಂಜಿನ್‌ ಅನ್ನು ಹೊಂದಿದೆ. ಈ ಎಂಜಿನ್ ಕೇವಲ 194.4bhp ಮತ್ತು 440Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಎರಡೂ ಪವರ್‌ಟ್ರೇನ್ ಯುನಿಟ್ ಗಳು, ಇಂಟಿಗ್ರೇಟೆಡ್ ಸ್ಟಾರ್ಟರ್ ಜನರೇಟರ್ (ISG) ಜೊತೆಗೆ 48-ವೋಲ್ಟ್ ಮೈಲ್ಡ್ ಸಿಸ್ತಂ ಅನ್ನು ಹೊಂದಿದೆ. ಈ ISG ಯುನಿಟ್ ಹೆಚ್ಚುವರಿ 23 bhp ಮತ್ತು 200 Nm ಟಾರ್ಕ್‌ನೊಂದಿಗೆ ಎರಡೂ ಪವರ್‌ಟ್ರೇನ್‌ಗಳನ್ನು ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹೊಸ ಮರ್ಸಿಡಿಸ್ ಜಿಎಲ್‌ಸಿ ಎಸ್‍ಯುವಿ ಎರಡೂ ರೂಪಾಂತರಗಳು 9-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ಮರ್ಸಿಡಿಸ್ ಜಿಎಲ್‌ಸಿ ಎಸ್‍ಯುವಿಯಲ್ಲಿನ 4MATIC ಆಲ್-ವೀಲ್-ಡ್ರೈವ್ ಸಿಸ್ಟಮ್ ಆಫ್-ರೋಡಬಿಲಿಟಿಯನ್ನು ಗಮನಾರ್ಹವಾಗಿ ಸುಧಾರಿಸುತ್ತದೆ ಮತ್ತು ಎಲ್ಲಾ ಹವಾಮಾನ ಪರಿಸ್ಥಿತಿಗಳಲ್ಲಿ ಅತ್ಯುತ್ತಮವಾದ ಟ್ರ್ಯಾಕ್ಷನ್ ಅನ್ನು ಒದಗಿಸುತ್ತದೆ. GLC 300 4MATIC ಕೇವಲ 6.2 ಸೆಕೆಂಡ್‌ಗಳಲ್ಲಿ 100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇದು 14.72 ಕಿ.ಮೀ ಮೈಲೇಜ್ ಅನ್ನು ನೀಡುತ್ತದೆ. ಇನ್ನು GLC 220d 4Matic 8 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗ ಪಡೆದುಕೊಳ್ಳುತ್ತದೆ ಮತ್ತು 19.47 ಕಿ.ಮೀ ಮೈಲೇಜ್ ನೀಡುತ್ತದೆ.