ನಕಲು, ನಕಲು...ಐಷಾರಾಮಿ ಕಾರುಗಳೇ ನಕಲು

By Nagaraja

Published: Tuesday, October 22, 2013, 15:31 [IST]

ತಂತ್ರಜ್ಞಾನ ಮುಂದುವರಿದಿರುವ ಇಂದಿನ ಆಧುನಿಕ ಯುಗದಲ್ಲಿ ಪ್ರತಿಯೊಂದು ವಸ್ತುವಿನ ನಕಲು ಪ್ರತಿ ಲಭ್ಯವಿರುತ್ತದೆ. ಇಂತಹ ವಸ್ತುಗಳು ಥೇಟ್ ನೈಜ ರೂಪವನ್ನು ಹೊಂದಿರುತ್ತದೆ.

ಮಾರುಕಟ್ಟೆಯಲ್ಲಿ ಮೊಬೈಲ್‌ ಸಹಿತ ಇತರ ಎಲೆಕ್ಟ್ರಾನಿಕ್ ವಸ್ತುಗಳ ನಕಲು ವಸ್ತುಗಳನ್ನು ನಾವು ಹೆಚ್ಚಾಗಿ ನೋಡಬಹುದು. ಆದರೆ ಬರು ಬರುತ್ತಾ 'ರಾಯರ ಕುದುರೆ ಕತ್ತೆಯಾದ ಹಾಗೆ' ಎಂಬ ಗಾದೆ ಮಾತಿನಂತೆ ಸಮಕಾಲೀನ ಕಾಲಘಟ್ಟದಲ್ಲಿ ವಾಹನೋದ್ಯಮ ಸಹ ಇದರಿಂದ ಹೊರತಾಗಿಲ್ಲ.

ಹೌದು, ಐಷಾರಾಮಿ ಕಾರುಗಳ ನಕಲು ಪ್ರಕರಣಗಳೀಗ ಜಾಸ್ತಿಯಾಗಿಬಿಟ್ಟಿದೆ. ಇತ್ತೀಚೆಗಷ್ಟೇ ದುಬಾರಿ ಲಂಬೊರ್ಗಿನಿ ಲಗ್ಷುರಿ ಕಾರಿನ ನಕಲು ಪ್ರಕರಣವನ್ನು ನಾವು ವರದಿ ಮಾಡಿದ್ದೆವು. ಇದರ ಬೆನ್ನಲ್ಲೇ ಇನ್ನೊಂದು ಐಷಾರಾಮಿ ಬುಗಾಟಿ ವೆರೊನ್ ಐಷಾರಾಮಿ ಕಾರಿನ ನಕಲಿ ಪ್ರಕರಣ ಕೇಳಿ ಬಂದಿದೆ.

ಬುಗಾಟಿ ವೆರೊನ್ ಜಗತ್ತಿನ ಅತಿ ದುಬಾರಿ ಹಾಗೂ ಅತ್ಯಂತ ವೇಗದಲ್ಲಿ ಚಲಿಸುವ ಕಾರುಗಳಲ್ಲಿ ಒಂದಾಗಿದೆ.

ಪ್ರಸ್ತುತ ವಿಶ್ವದ ವಿವಿಧ ಕಡೆಗಳಿಂದ ಬುಗಾಟಿ ನಕಲು ಕಾರುಗಳ ಪ್ರಕರಣ ಕೇಳಿಬರುತ್ತಿವೆ. ಆದರೆ ನಿಖರ ಮಾಹಿತಿ ಕಲೆಹಾಕುವಲ್ಲಿ ಆಟೋ ವಲಯ ವಿಫಲವಾಗಿದೆ.

ವ್ಯಕ್ತಿಗಳು ಬುಗಾಟಿ ಮೇಲೆ ಆಗಾಧ ಪ್ರೀತಿಯಿಂದ ನಕಲಿ ಬುಗಾಟಿ ಕಾರು ಸೃಷ್ಟಿ ಮಾಡುತ್ತಿದ್ದಾರೆಯೇ ಎಂಬುದು ಸಂಶಯಕ್ಕೆ ಎಡೆಮಾಡಿಕೊಟ್ಟಿದೆ.

ಯಾಕೆಂದರೆ ಗರಿಷ್ಠ ನಿರ್ವಹಣೆಯ ನೈಜ ಬುಗಾಟಿ ಕಾರೊಂದನ್ನು ಖರೀದಿಸಬೇಕೆಂದರೆ 16 ಕೋಟಿ ರು.ಗಳಷ್ಟು ಖರ್ಚು ಮಾಡಬೇಕಾಗಿದೆ. ಆದರೆ ಜನರಲ್ಲಿ ಅಷ್ಟೊಂದು ದೊಡ್ಡ ಮೊತ್ತ ಪಾವತಿಸಲು ಹಣವಿಲ್ಲದಿದ್ದರಿಂದ ನಕಲಿ ಕಾರುಗಳನ್ನು ಉತ್ಪಾದಿಸುವುದರತ್ತ ಮೊರೆ ಹೋಗುತ್ತಿದ್ದಾರೆ.