ಹೆದ್ದಾರಿಯಲ್ಲಿ ಮೋಜು, ಮಸ್ತಿ... ಸರಿಯಾಗಿ ಬುದ್ಧಿ ಕಲಿಸಿದ ಹಿಂಬದಿ ಚಾಲಕ

ಚಾಲಕನೊಬ್ಬ ಮಾರುತಿ ರಿಟ್ಜ್ ಕಾರನ್ನು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಎಲ್ಲಾ ನಾಲ್ಕು ಬಾಗಿಲುಗಳನ್ನು ತೆರೆದು ವಾಹನ ಚಲಾಯಿಸಿರುವ ವಿಡಿಯೋ ವೈರಲ್ ಆಗಿದೆ. ವೈರಲ್ ವಿಡಿಯೋವನ್ನು ಆಧರಿಸಿ ಗೋವಾ ಪೊಲೀಸರು ತನಿಖೆ ನಡೆಸಿ ಚಾಲಕ ಹಾಗೂ ಮಾಲೀಕ ಇಬ್ಬರನ್ನು ಬಂಧಿಸಿ ಅದೇ ಸೋಷಿಯಲ್ ಮೀಡಿಯಾದಲ್ಲಿ ಉತ್ತರಿಸಿದ್ದಾರೆ.

ವರದಿಗಳ ಪ್ರಕಾರ, ಈ ಘಟನೆಯು ಗೋವಾದ ಪೊರ್ವೊರಿಮ್‌ನಲ್ಲಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದಿದೆ. ಮಾರುತಿ ರಿಟ್ಜ್ ಹಿಂದೆ ಬರುತ್ತಿದ್ದ ಕಾರು ಚಾಲಕನಿಂದ ಈ ವಿಡಿಯೋ ವೈರಲ್ ಆಗಿದೆ. ಇಂತಹ ಕೃತ್ಯಗಳ ವಿರುದ್ಧ ಕ್ರಮಕ್ಕಾಗಿ ಅದರ ನೋಂದಣಿ ಸಂಖ್ಯೆಯನ್ನು ಆನ್‌ಲೈನ್‌ನಲ್ಲಿ ಪೋಸ್ಟ್ ಮಾಡಲಾಗಿತ್ತು. ಟ್ವಿಟ್ಟರ್ ಸೇರಿದಂತೆ ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ.

ವೀಡಿಯೊ ವೈರಲ್ ಆದ ನಂತರ, ಗೋವಾ ಪೊಲೀಸರು ತನಿಖೆಯನ್ನು ಪ್ರಾರಂಭಿಸಿದ್ದರು. ಕೊನೆಗೂ ಕಾರಿನ ಚಾಲಕ ಮತ್ತು ಮಾಲೀಕರನ್ನು ಯಶಸ್ವಿಯಾಗಿ ಪತ್ತೆಹಚ್ಚಿದರು. ಚಾಲಕನನ್ನು ಫಾಹಿದ್ ಹಮಾಜಾ ಎಂದು ಗುರುತಿಸಲಾಗಿದ್ದು, ಕಾರನ್ನು ವಶಪಡಿಸಿಕೊಳ್ಳಲಾಗಿದೆ. ಹೆಚ್ಚುವರಿಯಾಗಿ, ರಿಟ್ಜ್ ಮಾಲೀಕರ ವಿರುದ್ಧ ಉಲ್ಲೇಖವನ್ನು ನೀಡಲಾಗಿದೆ. ಪ್ರಸ್ತುತ, ಉಲ್ಲೇಖಕ್ಕೆ ಸಂಬಂಧಿಸಿದ ವಿವರಗಳನ್ನು ಬಹಿರಂಗಪಡಿಸಲಾಗಿಲ್ಲ.

ನಾರ್ತ್ ಗೋವಾ ಪೊಲೀಸ್ ಅಧೀಕ್ಷಕರು ಟ್ವಿಟರ್‌ನಲ್ಲಿ ಅಪರಾಧಿಗಳ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಅವರ ವಿರುದ್ಧ ಎಫ್‌ಐಆರ್ ದಾಖಲಿಸುವುದಾಗಿ ಘೋಷಿಸಿದ್ದಾರೆ. ಇವರು ಮದ್ಯ ಸೇವಿಸಿ ವಾಹನ ಚಲಾಯಿಸುತ್ತಿದ್ದಾರೋ ಇಲ್ಲವೋ ಎಂಬುದನ್ನು ತಿಳಿಸಿಲ್ಲ. ಅದೇನೇ ಇದ್ದರೂ, ತೆರೆದ ಬಾಗಿಲುಗಳೊಂದಿಗೆ ಕಾರನ್ನು ಚಾಲನೆ ಮಾಡುವುದು ಅವರಿಗೂ ಅಪಾಯ ಇತರ ಪ್ರಯಾಣಿಕರನ್ನು ಅಪಾಯಕ್ಕೆಳೆಯುವಂತಾಗುತ್ತದೆ.

ಪುಣ್ಯಾತ್ಮರು ಮಾಡಿದ್ದೇನು?: ನಾಲ್ಕು ಬಾಗಿಲುಗಳನ್ನು ತೆರೆದು ಹೆದ್ದಾರಿಯ ಎಡ ಲೇನ್‌ನಲ್ಲಿ ಕಾರನ್ನು ಓಡಿಸಿದ್ದಾರೆ. ಇತರ ಚಾಲಕರ ಪರಿಸ್ಥಿತಿಯ ಬಗ್ಗೆ ಏನೂ ಚಿಂತಿಸದೇ ಅವರ ಮೋಜು ಅವರದ್ದಾಗಿತ್ತು. ಅದೃಷ್ಟವಶಾತ್ ಅಕ್ಕ-ಪಕ್ಕದ ಯಾವುದೇ ವಾಹನಗಳಿಗೆ ಅಪಘಾತವಾಗಿಲ್ಲ, ಇತರ ಚಾಲಕರು ಎಚ್ಚರಿಕೆಯಿಂದ ವಾಹನದಿಂದ ಸುರಕ್ಷಿತ ಅಂತರವನ್ನು ಕಾಯ್ದುಕೊಂಡಿದ್ದರು.

ವಿಡಿಯೋದಲ್ಲಿ ಕಾಣುವಂತೆ ಟ್ರಾಫಿಕ್ ಸಿಗ್ನಲ್‌ನಲ್ಲಿ ಮಾರುತಿ ರಿಟ್ಜ್ ತೀಕ್ಷ್ಣ ಬಲ ತಿರುವು ತೆಗೆದುಕೊಳ್ಳುವುದನ್ನು ಗಮನಿಸಬಹುದು. ವಾಹನದ ಹಿಂಬದಿಯಲ್ಲಿ ಪ್ರಯಾಣಿಕರು ಇದ್ದಾರಾ ಎಂಬುದು ಖಚಿತವಾಗಿಲ್ಲ ಒಂದು ವೇಳೆ ಇದ್ದಿದ್ದರೇ ಖಂಡಿತ ಅಂತಹ ಯು ಟರ್ನ್ ತೆಗೆದುಕೊಂಡಾಗ ಕೆಳಗೆ ಬೀಳುತ್ತಿದ್ದರು. ಜೊತೆಗೆ ಕಾರಿನಲ್ಲಿ ಯಾರೂ ಕೂಡ ಸೀಟ್ ಬೆಲ್ಟ್‌ಗಳನ್ನು ಧರಿಸಿಲ್ಲ ಎಂದು ತಿಳಿದುಬಂದಿದೆ.

ಮೊದಲೇ ಹೇಳಿದಂತೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಕಾರು ಓಡಿಸಲಾಗುತ್ತಿತ್ತು. ಒಬ್ಬ ವ್ಯಕ್ತಿಯು ಚಲಿಸುವ ವಾಹನದಿಂದ ರಸ್ತೆಗೆ ಬಿದ್ದರೆ, ಹಿಂದೆ ಬರುವ ವಾಹನಗಳಿಗೆ ಪ್ರತಿಕ್ರಿಯಿಸಲು ಅಥವಾ ಕೂಡಲೇ ನಿಲ್ಲಿಸಲು ಸಮಯ ಇರೋದಿಲ್ಲ. ಇಂತಹ ಕೃತ್ಯಗಳು ನಿಮೆಗೆ ಕಾಣಿಸಿಕೊಂಡರೆ ಜವಾಬ್ದಾರಿಯುತ ನಾಗರೀಕರಾಗಿ ನೀವು ಏನು ಮಾಡಿತ್ತೀರಿ ಎಂಬುದನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ಒದಗಿಸುತ್ತೇವೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್, ರಿವ್ಯೂ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ನೀವು ಮರೆಯದಿರಿ.