ಗುರುಗ್ರಾಮ ಪೊಲೀಸರ ಗಸ್ತು ನಿರ್ವಹಣೆಗೆ ಮಿಷನ್ ಗನ್ ಹೊಂದಿರುವ ಮಾಡಿಫೈ ಸ್ಕಾರ್ಪಿಯೊ

ಅಂದ ಹಾಗೆ ತಮ್ಮ ವಾಹನವನ್ನು ಮಾಡಿಫೈಗೊಂಡಿರುವ ವಾಹನವನ್ನು ಬಳಸುತ್ತಿರುವುದು ಗುರುಗ್ರಾಮ ಪೊಲೀಸರು. ಗುರುಗ್ರಾಮ ಪೊಲೀಸರು ಮಹೀಂದ್ರಾ ಕಂಪನಿಯ ಮಾಡಿಫೈ ಸ್ಕಾರ್ಪಿಯೊವನ್ನು ಬಳಸುತ್ತಿದ್ದಾರೆ. ಈ ಕಾರ್ ಅನ್ನು ಅತ್ಯಾಧುನಿಕ ಮಿಷನ್ ಗನ್‍‍ಗಳನ್ನು ಹೊಂದುವ ಸಲುವಾಗಿ ಮಾಡಿಫೈ ಮಾಡಲಾಗಿದೆ.

ಹೆಚ್ಚುತ್ತಿರುವ ಉಗ್ರಗಾಮಿಗಳ ಉಪಟಳವನ್ನು ಹತ್ತಿಕ್ಕುವ ಸಲುವಾಗಿ ಈ ಮಿಷನ್ ಗನ್‍‍ಗಳನ್ನು ಹೊಂದಲಾಗುತ್ತಿದೆ. ಇದರಿಂದಾಗಿ ಒಂದೇ ಬಾರಿಗೆ ನೂರಾರು ಜನ ಉಗ್ರರನ್ನು ಕೊಲ್ಲಬಹುದಾಗಿದೆ. ವರದಿಗಳ ಪ್ರಕಾರ, ಮೂರು ಮಿಷನ್ ಗನ್‍‍ಗಳನ್ನು ಮೂರು ಮಹೀಂದ್ರಾ ಸ್ಕಾರ್ಪಿಯೊ ವಾಹನಗಳಲ್ಲಿ ಅಳವಡಿಸಲಾಗಿದೆ.

ಮಿಷನ್ ಗನ್ ಹೊಂದಿರುವ ಈ ವಾಹನಗಳನ್ನು ಡಿ‍ಎಲ್‍ಎಫ್ ಕಂಪನಿಯು ಗುರುಗ್ರಾಮ ಪೊಲೀಸರಿಗೆ ನೀಡಿದೆ. ಗುರುಗ್ರಾಮದಲ್ಲಿ ನಡೆದ ಸಮಾರಂಭದಲ್ಲಿ ಡಿ‍ಎಲ್‍ಎಫ್ ಕಂಪನಿಯ ಸಿ‍ಇ‍ಒ ಮೊಹಮ್ಮದ್ ಅಖಿಲ್‍‍ರವರು, ಗುರುಗ್ರಾಮ ಪೊಲೀಸ್ ಕಮೀಷನರ್‍‍ರವರಿಗೆ ಈ ಕಾರುಗಳನ್ನು ಹಸ್ತಾಂತರಿಸಿದರು.

ಈ ಮೂರು ಮಹೀಂದ್ರಾ ಕಾರುಗಳಲ್ಲಿರುವ ರೂಫ್‍‍ಗಳನ್ನು ಮಾಡಿಫೈ ಮಾಡಲಾಗಿದ್ದು, ಮಿಷನ್ ಗನ್‍‍ಗಳನ್ನು ಅಲ್ಲಿ ಅಳವಡಿಸಲಾಗಿದೆ. ಕಾರುಗಳ ರೂಫ್ ಮೇಲೆ ಗನ್‍‍ಗಳನ್ನು ಇಟ್ಟಿರುವ ಕಾರಣಕ್ಕೆ ಸುಲಭವಾಗಿ ಗುರಿಯಾಗಿರಿಸಿಕೊಂಡು ಶೂಟ್ ಮಾಡಬಹುದಾಗಿದೆ.

ಈ ಲೈಟ್ ಮಿಷನ್ ಗನ್, ಒಂದೇ ಬಾರಿಗೆ ಹಲವಾರು ಗುಂಡುಗಳನ್ನು ಹಾರಿಸುವ ಸಾಮರ್ಥ್ಯವನ್ನು ಹೊಂದಿದೆ. ಮಹೀಂದ್ರಾದ ಈ ಕಾರಿನಲ್ಲಿರುವ ಗನ್ ಸಸ್ಪೆಂಷನ್‍‍ನಲ್ಲಿ ಹಲವಾರು ಅಡ್ಜಸ್ಟ್ ಮೆಂಟ್‍‍ಗಳನ್ನು ಮಾಡಲಾಗಿದೆ. ಈ ಮಿಷನ್ ಗನ್ 360 ಡಿಗ್ರಿಯಲ್ಲಿ ಶೂಟ್ ಮಾಡಬಲ್ಲದು.

ಪ್ರತಿಕೂಲ ಹವಾಮಾನ ಪರಿಸ್ಥಿತಿಯನ್ನು ಎದುರಿಸಲು ಈ ಕಾರುಗಳ ರೂಫ್ ಮೇಲೆ ಸ್ನೋ ಲೈಟ್‍‍ಗಳನ್ನು ಅಳವಡಿಸಲಾಗಿದೆ. ಈ ಲೈಟ್‍‍ಗಳು ಕತ್ತಲಿನಲ್ಲಿ, ಮಳೆಯಲ್ಲಿ, ಹಿಮ ಬೀಳುವಾಗ ಬೆಳಕು ಸ್ಪಷ್ಟವಾಗಿ ಕಾಣುವಂತೆ ಮಾಡುತ್ತವೆ.

ಅತ್ಯಾಧುನಿಕ ಮಿಷನ್ ಗನ್ ಹೊಂದಿರುವ ಈ ಸ್ಕಾರ್ಪಿಯೊಗಳಲ್ಲಿ ಒಂದನ್ನು ಗಾಲ್ಫ್ ಕೋರ್ಸ್ ರೋಡ್‍‍ನಲ್ಲಿಟ್ಟರೆ, ಇನ್ನೆರಡನ್ನು ಸೈಬರ್ ಸೆಕ್ಯುರಿಟಿ ಸೆಂಟರ್‍‍‍ನಲ್ಲಿಡಲಾಗುವುದು. ಈ ಕಾರುಗಳನ್ನು ಕೇವಲ ಭದ್ರತೆಗಾಗಿ ಮಾತ್ರ ಬಳಸದೇ, ಗಸ್ತು ತಿರುಗಲೂ ಸಹ ಬಳಸಲಾಗುವುದು.

ಅತಿಗಣ್ಯ ವ್ಯಕ್ತಿಗಳ ಭದ್ರತೆಗಾಗಿಯೂ ಸಹ ಈ ಕಾರುಗಳನ್ನು ಬಳಸಲಾಗುವುದರ ಜೊತೆಗೆ, ತುರ್ತು ಸಂಖ್ಯೆಯಾದ 100ರೊಂದಿಗೆ ಕನೆಕ್ಟ್ ಮಾಡಲಾಗುವುದು. ಮಹೀಂದ್ರಾದ ಈ ಕಾರುಗಳು ಬಹುಪಯೋಗಿ ಕಾರುಗಳಾಗಿರಲಿವೆ.

ಗುರುಗ್ರಾಮ ಪೊಲೀಸರು ಆಧುನಿಕ ಕಾರುಗಳನ್ನು ಹೊಂದುತ್ತಿರುವುದು ಇದು ಮೊದಲ ಬಾರಿಯಲ್ಲ. ಕಳೆದ ವರ್ಷ ಇದೇ ರೀತಿಯ ಹೊಸ ಆರು ಕಾರುಗಳನ್ನು ಗುರುಗ್ರಾಮ ಪೊಲೀಸ್ ಪಡೆಗೆ ಸೇರಿಸಲಾಗಿತ್ತು. ಈ ಕಾರುಗಳನ್ನು ಎನ್‍‍ಜಿ‍ಒ ವೊಂದು ಗುರುಗ್ರಾಮ ಪೊಲೀಸರಿಗೆ ನೀಡಿತ್ತು.

ಈ ಕಾರುಗಳನ್ನು ಸೊಸೈಟಿ ಫಾರ್ ಸೇಫ್ ಗುರುಗ್ರಾಮ ಎಂಬ ಯೋಜನೆಯಡಿಯಲ್ಲಿ ನೀಡಲಾಗಿತ್ತು. ಈ ಕಾರುಗಳನ್ನು ಗುರುಗ್ರಾಮ ಪೊಲೀಸರು ಕಾನೂನು ಸುವ್ಯವಸ್ಥೆ ಕಾಪಾಡಲು ಗುರುಗ್ರಾಮ ನಗರದಾದ್ಯಂತ ಬಳಸುತ್ತಿದ್ದಾರೆ.