ಸೆಲೆಬ್ರಿಟಿಗಳಿಗೆ ಗುಲಾಬಿ ಬಣ್ಣದ ಕಾರು ಯಾಕೆ ಇಷ್ಟ?

By Nagaraja

Published: Tuesday, April 23, 2013, 9:42 [IST]

ಹಾಲಿವುಡ್‌ನ ಅನೇಕ ಸೆಲೆಬ್ರಿಟಿಗಳು ಅದರಲ್ಲೂ ಪ್ರಮುಖವಾಗಿ ನಟಿಯರು ಗುಲಾಬಿ ಬಣ್ಣದ ಕಾರನ್ನೇ ಹೆಚ್ಚು ಇಷ್ಟಪಡುತ್ತಾರೆ. ತಮ್ಮ ಆಡಂಬರದ ಜೀವನ ಶೈಲಿ ಜೀವನಕ್ಕೆ ಹೊಂದಿಕೆಯಾಗುವ ರೀತಿಯಲ್ಲಿ ಲಗ್ಷುರಿ ಪಿಂಕ್ ಕಾರುಗಳನ್ನು ಹೊಂದಿರಲು ಬಯಸುತ್ತಾರೆ.

ಸಾಮಾನ್ಯವಾಗಿ ಹಾಲಿವುಡ್ ನಟ-ನಟಿಯರು ಏನೇ ಮಾಡಿದರೂ ತಕ್ಷಣ ಮಾಧ್ಯಮ ಗಮನ ಸೆಳೆಯುತ್ತಿದೆ. ಇದರಂತೆ ಶೋಧನೆ ಮಾಡುತ್ತಾ ತೆರಳಿದಾಗ ಹಾಲಿವುಡ್‌ನ ಅನೇಕ ಮಹಿಳಾ ಸೆಲೆಬ್ರಿಟಿಗಳ ಬಳಿ ನಸುಗೆಂಪು ಬಣ್ಣದ ಕಾರು ಇರುವುದು ಕಂಡುಬಂದಿದೆ.

ನಾವು ಈ ಹಿಂದೆಯೂ ಪ್ರತಿಪಾದಿಸಿದಂತೆ ನಸುಗೆಂಪು ಅಥವಾ ಪಿಂಕ್ ಬಣ್ಣವನ್ನು ಹೆಣ್ಮಕ್ಕಳು ಅತಿ ಹೆಚ್ಚು ಇಷ್ಟಪಡುತ್ತಾರೆ. ಇದು ಹೆಣ್ಣಿನ ತಾರುಣ್ಯ ಮುಗ್ಧತೆಯ ಸಂಕೇತವಾಗಿದೆ.

ಇಲ್ಲಿ ಕೊಡಲಾಗಿರುವ ಫೋಟೊ ಫೀಚರ್ ಮುಂದಕ್ಕೆ ಕ್ಲಿಕ್ಕಿಸುತ್ತಾ ಯಾವೆಲ್ಲ ಹಾಲಿವುಡ್ ನಟಿಯರು ಪಿಂಕ್ ಬಣ್ಣದ ಕಾರನ್ನು ಹೊಂದಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ಪಡೆಯಿರಿ.

Taylor Swift

23ರ ಹರೆಯದ ಅಮೆರಿಕ ಗಾಯಕಿ ಟೇಲರ್ ಸ್ವಿಫ್ಟ್ ಗುಲಾಬಿ ಬಣ್ಣದ ಎಸ್‌ಯುವಿ ಕಾರನ್ನು ಹೊಂದಿದ್ದಾರೆ.

Paris Hilton

ಹಾಲಿವುಡ್‌ನ ಹೆಸರಾಂತ ನಟಿ ಪ್ಯಾರಿಸ್ ಹಿಲ್ಟನ್ ಕೂಡಾ ನಸುಗೆಂಪು ಬಣ್ಣದ ಕಾಂಟಿನೆಂಟಲ್ ಬೆಂಟ್ಲಿ ಕಾರನ್ನು ಹೊಂದಿದ್ದಾರೆ. ಇದು ಆಕೆಯ ಸೌಂದರ್ಯವನ್ನು ಇನ್ನಷ್ಟು ಹೆಚ್ಚಿಸಿದೆ.

Paris Hilton

ಅಮೆರಿಕದ ಜನಪ್ರಿಯ ಮಾಡೆಲ್ ರೂಪದರ್ಶಿ ಆಗಿರುವ 32ರ ಹರೆಯದ ಪ್ಯಾರಿಸ್ ಗ್ಯಾರೇಜ್‌ನಲ್ಲಿ ಅನೇಕ ಲಗ್ಷುರಿ ಕಾರುಗಳಿವೆ. ಆದರೂ ಪಿಂಕ್ ಬಣ್ಣವನ್ನು ಹೆಚ್ಚು ಇಷ್ಟಪಡುತ್ತಾರೆ.

katie price

ಇನ್ನು ಬ್ರಿಟನ್ ಮೂಲದ ಲೇಖಕಿ ಕೇಟಿ ಪ್ರೈಸ್ ಕೂಡಾ ಆಕರ್ಷಕ ಗುಲಾಬಿ ಬಣ್ಣದ ಎಸ್‌ಯುವಿ ರೇಂಜ್ ರೋವರ್ ಹೊಂದಿದ್ದಾರೆ. ಹಾಗಿದ್ದರೂ ಸದ್ಯ ಈ ಕಸ್ಟಮೈಸ್ಡ್ ಕಾರನ್ನು ಮಾರಾಟ ಮಾಡಲು ಇಚ್ಛಿಸುತ್ತಿರುವುದಾಗಿ ಟ್ವಿಟರ್‌ನಲ್ಲಿ ಘೋಷಿಸಿದ್ದಾರೆ.

Rapper Nicki Minaj

ನಿಕ್ಕಿ ಮಿನಾಜ್ ಎಂಬ ನಿಕ್ ನೇಮ್‌ಗಿಂತ ಅರಿಯಲ್ಪಡುವ ಒನಿಕಾ ತನ್ಯಾ ಮರಾಜ್ ಟ್ರೆನಿಡಿಯನ್‌ನಲ್ಲಿ ಹುಟ್ಟಿ ಬೆಳೆದ ಅಮೆರಿಕರನ್ ರಾಂಪ್ ಸಿಂಗರ್ ಆಗಿದ್ದಾರೆ. ಈ 30ರ ಹರೆಯದ ನಿಕ್ಕಿ ಬಳಿಯೂ ಹಿಲ್ಟನ್ ತರಹನೇ ಪಿಂಕ್ ಬೆಂಟ್ಲಿ ಕಾರಿದೆ.