Just In
- 1 min ago Vande Bharat: ವಂದೇ ಭಾರತ್ ಸ್ಲೀಪರ್ ವಿಶೇಷತೆಗಳು: ಇಂಟೀರಿಯರ್ಗೆ ಫಿದಾ ಆಗ್ತೀರ!
- 18 min ago ಎಲೆಕ್ಟ್ರಿಕ್ ಲೋಕಕ್ಕೆ ಎಸ್ಯುವಿ ದೈತ್ಯನ ಎಂಟ್ರಿ: ಇನ್ನು ಉಳಿದ ಕಾರುಗಳನ್ನು ದೇವರೇ ಕಾಪಾಡಬೇಕು!
- 1 hr ago Tata Nexon: ಟಾಟಾ ನೆಕ್ಸಾನ್ ಹೊಸ ರೂಪಾಂತರಗಳು ಬಿಡುಗಡೆ, ರೂ.10 ಲಕ್ಷ ಬೆಲೆ.. ಆಕರ್ಷಕ ವೈಶಿಷ್ಟ್ಯಗಳು
- 2 hrs ago Jonty Rhodes: ರಾಯಲ್ ಎನ್ಫೀಲ್ಡ್ ಬೈಕ್ಗಳಿಗೆ ಮನಸೋತ ದ.ಆಫ್ರಿಕಾ ಕ್ರಿಕೆಟರ್!
Don't Miss!
- News Karnataka Lok Sabha: 28 ಕ್ಷೇತ್ರಗಳ ಜಾತಿವಾರು ಅಭ್ಯರ್ಥಿಗಳ ಯಾರು? ಮಾಹಿತಿ ಇಲ್ಲಿದೆ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Finance ಬೆಂಗಳೂರು-ತುಮಕೂರು ನಮ್ಮ ಮೆಟ್ರೋ ಯೋಜನೆ: ಬರಲಿವೆ 19 ಎತ್ತರದ ನಿಲ್ದಾಣಗಳು
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Movies "ಇವರು ಆಡೋ ಮಾತುಗಳಿಂದ ನಮ್ಮ ತಾಯಿ ಊಟ ಮಾಡ್ತಿಲ್ಲ"; ಕಣ್ಣೀರಿಟ್ಟ ವರ್ತೂರು ಸಂತೋಷ್
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೋಂಡಾಜೆಟ್ ವಿಮಾನದ ವಿಶಿಷ್ಟತೆಗಳೇನು?
ಜಗತ್ತಿನ ವಿಶ್ವಾಸಾರ್ಹ ಪ್ರಯಾಣಿಕ ಕಾರು ತಯಾರಿಕ ಸಂಸ್ಥೆಗಳಲ್ಲಿ ಒಂದಾಗಿರುವ ಹೋಂಡಾ ಕೇವಲ ಕಾರು ನಿರ್ಮಾಣದಲ್ಲಿ ಮಾತ್ರ ಗಮನ ಕೇಂದ್ರಿತವಾಗಿಲ್ಲ. ಬದಲಾಗಿ ಹೋಂಡಾ ಬೈಕ್, ಎಟಿವಿ, ಹುಲ್ಲುಗತ್ತರಿ, ಎಂಜಿನ್, ಮಾನವ ನಿರ್ಮಿತ ರೋಬೋಟ್ ಎಂಬಿತ್ಯಾದಿ ತಯಾರಿಯಲ್ಲೂ ತನ್ನ ಕೊಡುಗೆಯನ್ನು ಜಗತ್ತಿಗೆ ಸಲ್ಲಿಸುತ್ತಿದೆ.
ವಿಶ್ವದ ಟಾಪ್ 10 ಅತಿದೊಡ್ಡ ಯುದ್ಧ ವಾಯುಪಡೆಗಳು
ಈ
ಪಟ್ಟಿಗೊಂದು
ಸದ್ಯದಲ್ಲೇ
ಹೊಸತೊಂದು
ಸೇರ್ಪಡೆಯಾಗಲಿದ್ದು,
ಜೆಟ್
ವಿಮಾನಗಳನ್ನು
ಜಪಾನ್ನ
ಈ
ದೈತ್ಯ
ಸಂಸ್ಥೆ
ನಿರ್ಮಿಸಲಿದೆ.
ಈ
ಸಂಬಂಧ
ತನ್ನ
ಮೊದಲ
ನಿರ್ಮಾಣ
ಸಿದ್ಧ
ಜೆಟ್
ವಿಮಾನ
'ಹೋಂಡಾಜೆಟ್'
ಬಿಡುಗಡೆ
ಮಾಡುವುದರತ್ತ
ಹೋಂಡಾ
ಕಾರ್ಯಮಗ್ನವಾಗಿದೆ.
ಈ
ಬಗ್ಗೆ
ಮಹತ್ವದ
ಮಾಹಿತಿಗಳನ್ನು
ವಾಹನ
ಪ್ರಿಯರ
ಜೊತೆ
ಹಂಚಿಕೊಳ್ಳಲು
ನಾವು
ಬಯಸುತ್ತಿದ್ದೇವೆ.
ಹೋಂಡಾಜೆಟ್ ಹಗುರ ಭಾರದ ಖಾಸಗಿ ಜೆಟ್ ವಿಮಾನವಾಗಿರಲಿದೆ. ಅಲ್ಲದೆ ಈಗಾಗಲೇ ವಿಶ್ವದಲ್ಲಿ ಅತ್ಯಂತ ಸುಂದರ ಹಾಗೂ ತನ್ನದೇ ಆದ ವಿಶಿಷ್ಟ ವಿನ್ಯಾಸ ಕಾಪಾಡಿಕೊಂಡಿದೆ.
ನಿಮ್ಮ ಮಾಹಿತಿಗಾಗಿ, 1980ನೇ ದಶಕದಿಂದಲೇ ಹೋಂಡಾ ಸಣ್ಣ ವಿಮಾನಗಳ ಸಂಶೋಧನೆ ಹಾಗೂ ಅಭಿವೃದ್ಧಿಯಲ್ಲಿ ಕಾರ್ಯದಲ್ಲಿ ತೊಡಗಿಸಿಕೊಂಡಿತ್ತು. ಇದರ ಪರಿಣಾಮವೆಂಬಂತೆ 2003ನೇ ಇಸವಿಯಲ್ಲಿ ಹೋಂಡಾಜೆಟ್ ಅಭಿವೃದ್ಧಿ ಕಾರ್ಯ ಆರಂಭಗೊಂಡಿತ್ತು.
ಪ್ರಸ್ತುತ ಹೋಂಡಾಜೆಟ್ ವಿಮಾನಗಳ ನಿರ್ಮಾಣ ಕಾರ್ಯ ಬಹುತೇಕ ಅಂತಿಮ ಹಂತ ತಲುಪಿರುವುದು ಖುಷಿಯ ಸಂದೇಶವಾಗಿದೆ.
ಇದಕ್ಕೆ ಜನರಲ್ ಎಲೆಕ್ಟ್ರಿಕ್ ಸಹಯೋಗದಿಂದ ಸಣ್ಣದಾದ ಜಿಇ ಹೋಂಡಾ ಎಚ್ಎಫ್120 ಟರ್ಬೊಫ್ಯಾನ್ ಜೆಟ್ ಎಂಜಿನ್ (2050 lb-ft) ಅಭಿವೃದ್ಧಿಪಡಿಸಲಾಗಿದೆ.
ಈ ಎರಡು ಎಂಜಿನ್ಗಳು ಹೋಂಡಾಜೆಟ್ ವಿಮಾನವನ್ನು ಗಂಟೆಗೆ ಗರಿಷ್ಠ 780 ಕೀ.ಮೀ. ವೇಗತೆಯಲ್ಲಿ ಸಂಚರಿಸಲು ಸಹಕಾರಿಯಾಗಲಿದೆ.
ಹಾಗೆಯೇ ಟೇಕ್ ಆಫ್ ಮಾಡಲು 4000 ಅಡಿ ಹಾಗೂ ಲ್ಯಾಡಿಂಗ್ ಮಾಡಲು 3,000 ಅಡಿ ರನ್ವೇ ಸಾಕಾಗಲಿದೆ.
ಜೆಟ್ ವಿಮಾನಗಳ ಪೈಕಿ ತನ್ನದೇ ಆದ ಯೂನಿಕ್ ವಿನ್ಯಾಸ ಪಡೆದುಕೊಂಡಿರುವ ಹೋಂಡಾಜೆಟ್ನಲ್ಲಿ ಹಿಂದುಗಡೆಯ ಬದಲು ಎರಡು ರೆಕ್ಕೆಗಳ ಮೇಲ್ಗಡೆಯಾಗಿ ಎಂಜಿನ್ ಲಗತ್ತಿಸಲಾಗಿರುತ್ತದೆ.
ಈ ವಿಶಿಷ್ಟ ವಿನ್ಯಾಸ ತಂತ್ರಗಾರಿಕೆಯನ್ನು ಹೋಂಡಾ 'ಓವರ್ ದಿ ವಿಂಗ್ ಎಂಜಿನ್ ಮೌಂಟ್' (OTWEM) ಎಂದು ವಿಶ್ಲೇಷಿಸಿದೆ. ಇದರ ಪ್ರಮುಖ ಪ್ಲಸ್ ಪಾಯಿಂಟ್ ಏನೆಂದರೆ ಹೆಚ್ಚು ಕ್ಯಾಬಿನ್ ಸ್ಥಳಾವಕಾಶ, ಶಬ್ದ ಕಡಿಮೆ ಹಾಗೂ ಗರಿಷ್ಠ ಇಂಧನ ದಕ್ಷತೆ ನೀಡಲು ನೆರವಾಗುತ್ತದೆ.
ಇದೇ ತಂತ್ರಜ್ಞಾನದ ಮೂಲಕ 66 ಘನ ಅಡಿ (cubic feet) ಲಗ್ಗೇಜ್ ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೋಂಡಾಜೆಟ್ ಹೊಂದಿರುತ್ತದೆ.
ಇನ್ನುಳಿದಂತೆ ಕಡಿಮೆ ಪ್ರಮಾಣದ ನೈಟ್ರೋಜನ್ ಡೈಓಕ್ಸೈಡ್ ಹೊರಸೂಸುವ ಹೋಂಡಾಜೆಟ್ ಹೆಚ್ಚು ಇಂಧನ ಕ್ಷಮತೆಯನ್ನು ನೀಡಲಿದೆ.
ಇನ್ನು ಕೆಲವೇ ಕೆಲವು ವಿಮಾನ ತಯಾರಕ ಸಂಸ್ಥೆಗಳ ಸಾಲಿನಲ್ಲಿ ಗುರುತಿಸಿಕೊಂಡಿರುವ ಹೋಂಡಾಜೆಟ್, ನಿರ್ಮಾಣದಲ್ಲಿ ಅಲ್ಯೂಮಿನಿಯಂ ಬದಲು ಫೈಬರ್ ಪರಿಕರಗಳನ್ನು ಬಳಕೆ ಮಾಡಲಾಗಿದೆ.
ಅಂತೆಯೇ ಹೋಂಡಾಜೆಟ್, ನ್ಯಾಚುರಲ್ ಲ್ಯಾಮಿನರ್ ಫ್ಲೋ (ಎನ್ಎಲ್ಎಫ್) ತಂತ್ರಜ್ಞಾನವನ್ನು ಅನುಸರಿಸಿದೆ. ಇದು ಏರೋಡೈನಾಮಿಕ್ ಸುಧಾರಿಸಲು ನೆರವಾಗಿದೆ.
ಮೇಲೆ ತಿಳಿಸಿದ ಎಲ್ಲ ಅಂಶಗಳ ನೆರವಿನಿಂದ ಆಧುನಿಕ ಜೆಟ್ ವಿಮಾನಗಳಲ್ಲಿ ಗುರುತಿಸಿಕೊಂಡಿರುವ ಹೋಂಡಾ ಹೆಚ್ಚು ಇಂಧನ ಕ್ಷಮತೆ ನೀಡುವಲ್ಲಿ ಯಶಸ್ವಿಯಾಗಲಿದೆ.
ಅಂದ ಹಾಗೆ ಹೋಂಡಾಜೆಟ್ ಹಗುರ ಭಾರದ ಖಾಸಗಿ ಜೆಟ್ ವಿಮಾನಗಳ ಸಾಲಿನಲ್ಲಿ ಗುರುತಿಸಿಕೊಂಡಿದೆ. ಇದು ಗರಿಷ್ಠ ಏಳು ಮಂದಿಯನ್ನು ಹೊತ್ತೊಯ್ಯುವ ಸಾಮರ್ಥ್ಯ ಹೊಂದಿದೆ.
ಇನ್ನು ಹೋಂಡಾಜೆಟ್ ಮೊಬೈಲ್ ಡಿಸೈನ್ ನಿಯಂತ್ರಿತ ಕ್ಯಾಬಿನ್ ಪಡೆದುಕೊಂಡಿದೆ. ಅಂದರೆ ಪ್ರಯಾಣಿಕರು ಸ್ಮಾರ್ಟ್ಫೋನ್ ಅಥವಾ ಟ್ಯಾಬ್ಲೆಟ್ ಬಳಕೆ ಮಾಡುವ ಮುಖಾಂತರ ಕ್ಯಾಬಿನ್ ಒಳಗಡೆಯ ಆಡಿಯೋ, ಲೈಟಿಂಗ್, ತಾಪಮಾನ, ಎಲೆಕ್ಟ್ರೋಕ್ರೋಮಿಕ್ ವಿಂಡೋ ಸಿಸ್ಟಂಗಳನ್ನು ನಿಯಂತ್ರಿಸಬಹುದಾಗಿದೆ.
ಏತನ್ಮಧ್ಯೆ ಕಾಕ್ಪಿಟ್ (ವಿಮಾನದಲ್ಲಿ ಚಾಲಕನು ಕೂರುವ ಕೋಣೆ) ಮುಂದಿನ ತಲೆಮಾರಿನ ಗಾರ್ಮಿನ್ ಜಿ300 ಆಲ್ ಗ್ಲಾಸ್ ಆವಿಯೋನಿಕ್ಸ್ ಸಿಸ್ಟಂ ಜತೆ ಡ್ಯುಯಲ್ ಟಚ್ ಸ್ಕ್ರೀನ್ ಕಂಟ್ರೋಲರ್ ಹಾಗೂ 14 ಇಂಚಿನ ಲ್ಯಾಂಡ್ಸ್ಕೇಪ್ ಹೈ ರಿಸೊಲ್ಯೂಷನ್ ಡಿಸ್ಪ್ಲೇ ಪಡೆದುಕೊಳ್ಳಲಿದೆ. ಇಂತಹ ಬಳಕೆದಾರ ಸ್ನೇಹಿ ಕಾಕ್ಪಿಟ್ ಅನ್ನು ಓರ್ವ ಅಥವಾ ಇಬ್ಬರು ಪೈಲಟ್ಗಳು ನಿಯಂತ್ರಿಸಬಹುದಾಗಿದೆ.
ಅಂದ ಹಾಗೆ ಮೊತ್ತ ಮೊದಲ ಹೋಂಡಾಜೆಟ್ ವಿಮಾನಕ್ಕೆ, ಹಸಿರು ಮುತ್ತಿನ ಜತೆಗೆ ಚಿನ್ನ ಪಟ್ಟಿಯಂತಹ ಬಣ್ಣಗಳನ್ನು ಬಳಿಯಲಾಗಿದೆ. ಇನ್ನುಳಿದಂತೆ ಬೆಳ್ಳಿ, ಕೆಂಪು, ಹಳದಿ ಹಾಗೂ ನೀಲಿ ಬಣ್ಣಗಳಲ್ಲಿಯೂ ಲಭ್ಯವಿರಲಿದೆ.
ಸದ್ಯ ಹೋಂಡಾ ಏರ್ಕ್ರಾಫ್ಟ್ ಸಂಸ್ಥೆಯು ವಿಶ್ವದ್ಯಾಂತ ಸಂಪರ್ಕ ಜಾಲ, ಡೀಲರ್ ಹಾಗೂ ವಿತರಕರನ್ನು ಅಭಿವೃದ್ಧಿಪಡಿಸುವುದರಲ್ಲಿ ಕಾರ್ಯ ಮಗ್ನರಾಗಿದ್ದು, ಚೊಚ್ಚಲ ಜೆಟ್ ವಿಮಾನ ಹಾರಾಟಕ್ಕೂ ಮೊದಲು ಗ್ರಾಹಕರಿಗೆ ಎಲ್ಲ ಸೌಲಭ್ಯಗಳನ್ನು ಸಿದ್ಧಗೊಳಿಸುವುದು ನಮ್ಮ ಗುರಿಯಾಗಿದೆ ಎಂದು ಸಿಇಒ ಮಿಚಿಮಸ ಫ್ಯುಜಿನೊ ಅಭಿಪ್ರಾಯಪಟ್ಟಿದ್ದಾರೆ.