Just In
- 19 min ago ನಟಿ ಶಿಲ್ಪಾ ಶೆಟ್ಟಿಗೆ ಮತ್ತೊಂದು ಸಮಸ್ಯೆ ತಂದಿಟ್ಟ ಪತಿ: ಐಷಾರಾಮಿ ಕಾರುಗಳು ಸೀಜ್!
- 59 min ago ಕ್ರ್ಯಾಶ್ ಟೆಸ್ಟ್ನಲ್ಲಿ ಕಳಪೆ ಪ್ರದರ್ಶನ ನೀಡಿ ನಿರಾಸೆ ಮೂಡಿಸಿದ ಮಧ್ಯಮ ವರ್ಗದ ಮೆಚ್ಚಿನ ಸ್ವದೇಶಿ ಕಾರು
- 1 hr ago ಕ್ರ್ಯಾಶ್ಟೆಸ್ಟ್ನಲ್ಲಿ ಈ ಹೋಂಡಾ ಕಾರಿಗೆ ಕೇವಲ 2 ಸ್ಟಾರ್: ಆದರೂ ಭಾರತೀಯರಿಗೆ ಈ ಕಾರು ಅಚ್ಚುಮೆಚ್ಚು!
- 1 hr ago ಹ್ಯುಂಡೈ ಕ್ರೆಟಾಗೆ ಪೈಪೋಟಿ ನೀಡಲು ಬರಲಿವೆ ಟಾಟಾ, ಸಿಟ್ರನ್ ಕಾರುಗಳು.. ಇವೇ ಜನಸಾಮಾನ್ಯರ ಲ್ಯಾಂಬೋರ್ಗಿನಿಗಳು!
Don't Miss!
- Finance ಬೆಂಗಳೂರು, ನೋಯ್ಡಾ, ಪುಣೆಯಲ್ಲಿ ಶೀಘ್ರದಲ್ಲೇ ಹೊಸ ಆಪಲ್ ಸ್ಟೋರ್ ಪ್ರಾರಂಭ
- News Dr.Rajkumar: ಹುಟ್ಟೂರಲ್ಲಿ ಮುತ್ತುರಾಜಣ್ಣನ ನೆನಪುಗಳು ನೂರಾರು.. ನಿಮಗೆ ಗೊತ್ತಿರದ ಕುತೂಹಲಕಾರಿ ಸಂಗತಿಗಳು ಇಲ್ಲಿವೆ
- Technology ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- Lifestyle ವೋಟರ್ ಐಡಿ ಇಲ್ಲದೆಯೂ ಮತ ಚಲಾಯಿಸಬಹುದು.! ಹೇಗೆ ಗೊತ್ತಾ?
- Sports 2025ರ ಚಾಂಪಿಯನ್ಸ್ ಟ್ರೋಫಿಗಾಗಿ ಭಾರತ ತಂಡ ಪಾಕಿಸ್ತಾನಕ್ಕೆ ಪ್ರಯಾಣಿಸಲಿದೆಯೇ?; ಬಿಸಿಸಿಐ ಹೇಳಿದ್ದೇನು?
- Movies ಅದ್ಧೂರಿ 'ರಾಮಾಯಣ' ಚಿತ್ರದ ಬಗ್ಗೆ ರಾಕಿಂಗ್ ಸ್ಟಾರ್ ಯಶ್ ಮೊದಲ ಮಾತು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಾಹನಗಳಲ್ಲಿರುವ ವಿಶಿಷ್ಟ ಗುರುತಿನ ಸಂಖ್ಯೆಗಳ ಬಗೆಗಿನ ವಿವರಗಳಿವು
ಭಾರತದ ಪ್ರತಿಯೊಬ್ಬ ನಿವಾಸಿಗಳಿಗೂ ವಿಶಿಷ್ಟ ಸಂಖ್ಯೆಯನ್ನು ಹೊಂದಿರುವ ಆಧಾರ್ ಕಾರ್ಡ್ ನೀಡಲಾಗಿದೆ. ಒಬ್ಬ ವ್ಯಕ್ತಿಯ ಆಧಾರ್ ಸಂಖ್ಯೆ ಮತ್ತೊಬ್ಬ ವ್ಯಕ್ತಿಯ ಆಧಾರ್ ಸಂಖ್ಯೆಗಿಂತ ಭಿನ್ನವಾಗಿರುತ್ತದೆ.
ಅದೇ ರೀತಿ ವಾಹನಗಳಿಗೂ ವಿಶಿಷ್ಟ ಗುರುತಿನ ಸಂಖ್ಯೆಯನ್ನು ನೀಡಲಾಗುತ್ತದೆ. ಅವುಗಳನ್ನು ವಿಐಎನ್ ಅಂದರೆ ವೆಹಿಕಲ್ ಐಡೆಂಟಿಫಿಕೇಶನ್ ನಂಬರ್ ಎಂದು ಕರೆಯಲಾಗುತ್ತದೆ. ಜಗತ್ತಿನಲ್ಲಿ ಮಾರಾಟವಾಗುವ ಸ್ಕೂಟರ್, ಬೈಕ್, ಕಾರು, ಟ್ರಕ್ ಸೇರಿದಂತೆ ಎಲ್ಲಾ ವಾಹನಗಳು ವಿಐಎನ್ ಸಂಖ್ಯೆಯನ್ನು ಹೊಂದಿರುತ್ತವೆ.
ಒಂದು ವಾಹನದ ವಿಐಎನ್ ಸಂಖ್ಯೆ ಮತ್ತೊಂದು ವಾಹನದ ವಿಐಎನ್ ಸಂಖ್ಯೆಗಿಂತ ವಿಭಿನ್ನವಾಗಿರುತ್ತದೆ. ವಿಐಎನ್ 17 ಅಂಕಿಗಳನ್ನು ಹೊಂದಿರುತ್ತದೆ. ವಾಹನದ ಯಾವುದೇ ಭಾಗದಲ್ಲಿ ಈ 17 ಅಂಕಿಯ ಸಂಖ್ಯೆಯನ್ನು ನೀಡಲಾಗುತ್ತದೆ.
ವಾಹನಗಳನ್ನು ಅವಲಂಬಿಸಿ ವಿಐಎನ್ ಸಂಖ್ಯೆಯನ್ನು ನೀಡುವ ಸ್ಥಳವು ಬದಲಾಗುತ್ತದೆ. ಈ ಸಂಖ್ಯೆ ವಾಹನವನ್ನು ಕಾನೂನುಬದ್ಧವಾಗಿ ಗುರುತಿಸುತ್ತದೆ. 1981ರ ನಂತರ ತಯಾರಿಸಿದ ವಾಹನಗಳಿಗೆ ಮಾತ್ರ 17 ಅಂಕಿಗಳ ವಿಐಎನ್ ಸಂಖ್ಯೆಯನ್ನು ನೀಡಲಾಗುತ್ತದೆ.
1981ಕ್ಕಿಂತ ಮೊದಲು ತಯಾರಾದ ವಾಹನಗಳು 11ರಿಂದ 17 ಅಂಕಿಗಳವರೆಗಿನ ವಿವಿಧ ಅಂಕಿಗಳಲ್ಲಿ ವಿಐಎನ್ ಸಂಖ್ಯೆಯನ್ನು ಹೊಂದಿರುತ್ತವೆ. ಈ 17 ಅಂಕಿಯ ವಿಐಎನ್ ಸಂಖ್ಯೆಯ ಮೂಲಕ ವಾಹನವನ್ನು ಯಾವ ದೇಶದಲ್ಲಿ ತಯಾರಿಸಲಾಯಿತು, ತಯಾರಿಸಿದ ವರ್ಷ, ವಾಹನದ ಪ್ರಕಾರ ಹಾಗೂ ಎಂಜಿನ್ ಪ್ರಕಾರವನ್ನು ತಿಳಿಯಬಹುದು.
ಕಾರುಗಳು ಹಾಗೂ ಕಮರ್ಷಿಯಲ್ ವಾಹನಗಳಲ್ಲಿ ವಿಐಎನ್ ಸಂಖ್ಯೆ ಶೀಟ್ ವಿಂಡ್ ಶೀಲ್ಡ್, ಡ್ರೈವರ್ ಬದಿಯ ಡ್ಯಾಶ್ ಬೋರ್ಡ್, ಡ್ರೈವರ್ ಬದಿಯಲ್ಲಿ ಡೋರ್ ಪಿಲ್ಲರ್ ಹಾಗೂ ಎಂಜಿನ್ ಬೇ ಬದಿಯಲ್ಲಿ ನೀಡಲಾಗುತ್ತದೆ.
ಬೈಕ್ಗಳಲ್ಲಿ ವಿಐಎನ್ ಸಂಖ್ಯೆಯನ್ನು ಹ್ಯಾಂಡಲ್ಬಾರ್ಗಳ ನೆಕ್ ಬಳಿ ಅಥವಾ ಮೋಟರ್ ಬಳಿ ನೀಡಲಾಗಿರುತ್ತದೆ. ಸ್ಕೂಟರ್ಗಳಲ್ಲಿ ವಿಐಎನ್ ಸಂಖ್ಯೆಯನ್ನು ಸೆಂಟರ್ ಸ್ಟ್ಯಾಂಡ್ ಬಳಿ ಅಥವಾ ಡ್ಯಾಶ್ಬೋರ್ಡ್ ಅಡಿಯಲ್ಲಿ ನೀಡಲಾಗಿರುತ್ತದೆ.
ವಾಹನದ ನೋಂದಣಿ ಪ್ರಮಾಣಪತ್ರ ಹಾಗೂ ವಿಮಾ ದಾಖಲೆಗಳಲ್ಲಿ ಸಹ ವಿಐಎನ್ ಸಂಖ್ಯೆಯನ್ನು ಕಾಣಬಹುದು. ವಿಐಎನ್ ಸಂಖ್ಯೆಯಲ್ಲಿನ ಸಂಖ್ಯೆಗಳು ಹಾಗೂ ಅಕ್ಷರಗಳು ವಿವಿಧ ಮಾಹಿತಿಯನ್ನು ನೀಡುತ್ತವೆ.
ವಿಐಎನ್ ಸಂಖ್ಯೆಯಲ್ಲಿನ ಮೊದಲ ಅಕ್ಷರ ವಾಹನವನ್ನು ಯಾವ ದೇಶದಲ್ಲಿ ತಯಾರಿಸಲಾಯಿತು ಎಂಬುದನ್ನು ತಿಳಿಸುತ್ತದೆ. ಈ ಮೊದಲ ಅಕ್ಷರ ಶೂನ್ಯದಿಂದ ಒಂಬತ್ತರವರೆಗೆ ಒಂದು ಪೂರ್ಣಾಂಕವಾಗಿರಬಹುದು ಅಥವಾ ಇಂಗ್ಲಿಷ್ ಅಕ್ಷರಗಳಾಗಿರಬಹುದು ಅಥವಾ ಎರಡರ ಮಿಶ್ರಣವಾಗಿರಬಹುದು.
ವಾಹನವು ಭಾರತದಲ್ಲಿ ತಯಾರಾಗಿದ್ದರೆ ವಿಐಎನ್ ಸಂಖ್ಯೆ ಎಂಎ, ಎಂಇ, ಎಂಝಡ್ ಆರಂಭವಾಗುತ್ತದೆ. ಬ್ರೆಜಿಲ್'ನಂತಹ ಕೆಲವು ದೇಶಗಳಲ್ಲಿ ವಿಐಎನ್ ಸಂಖ್ಯೆ 9 ಎ, 9 ಇ ಯೊಂದಿಗೆ ಆರಂಭವಾಗುತ್ತದೆ.
ವಿಐಎನ್ ಸಂಖ್ಯೆಯ ಮೊದಲ ಮೂರು ಅಕ್ಷರಗಳನ್ನು ಡಬ್ಲುಎಂಐ (ವಿಶ್ವ ತಯಾರಕ ಗುರುತಿಸುವಿಕೆ) ಎಂದು ಕರೆಯಲಾಗುತ್ತದೆ. ಇದು ವಾಹನದ ತಯಾರಕರನ್ನು ಹುಡುಕಲು ನೆರವಾಗುತ್ತದೆ. ಕೆಲವೊಮ್ಮೆ 3ನೇ ಅಕ್ಷರವು ವಾಹನ ತಯಾರಕರನ್ನು ಮಾತ್ರ ಸೂಚಿಸುತ್ತದೆ. ಕೆಲವೊಮ್ಮೆ 3ನೇ ಅಕ್ಷರವು ವಾಹನದ ವಿಧವನ್ನು ಸೂಚಿಸುತ್ತದೆ. (ಕಾರು, ಬಸ್, ಟ್ರಕ್)
ಮೊದಲ ಮೂರು ಅಕ್ಷರಗಳು ವಾಹನ ತಯಾರಕರ ವಿಭಾಗವನ್ನು ಸೂಚಿಸುತ್ತವೆ. ನಾಲ್ಕರಿಂದ ಒಂಬತ್ತನೇ ಅಕ್ಷರಗಳುನ್ನು ವಿಡಿಎಸ್ (ವಾಹನ ವಿವರಣಾ ವಿಭಾಗ) ಎಂದು ಕರೆಯಲಾಗುತ್ತದೆ. ಈ ವಿಭಾಗದಲ್ಲಿನ ಅಕ್ಷರಗಳು ವಿವಿಧ ಮಾಹಿತಿಯನ್ನು ಒದಗಿಸುತ್ತವೆ. ಇವುಗಳಲ್ಲಿ ವಾಹನ ತಯಾರಾದ ವೇದಿಕೆ, ಮಾದರಿ, ಎಂಜಿನ್ ಪ್ರಕಾರಗಳು ಸೇರಿರುತ್ತವೆ. ಈ ವಿಭಾಗದಲ್ಲಿ ಪ್ರತಿಯೊಂದು ಆಟೋ ಕಂಪನಿಯು ಪ್ರತಿಯೊಂದು ಸ್ಥಳದಲ್ಲೂ ಮಾಹಿತಿಯನ್ನು ಒದಗಿಸುತ್ತದೆ.
ಉದಾಹರಣೆಗೆ ಒಂದು ಕಂಪನಿಯು ಆರನೇ ಅಕ್ಷರದಲ್ಲಿ ವೇದಿಕೆಯನ್ನು ಪ್ರತಿನಿಧಿಸಿದರೆ, ಇನ್ನೊಂದು ಕಂಪನಿ ಏಳನೇ ಅಕ್ಷರದಲ್ಲಿ ವೇದಿಕೆಯನ್ನು ಪ್ರತಿನಿಧಿಸುತ್ತದೆ. ಆದರೆ ಹೆಚ್ಚಾಗಿ ಎಂಟನೇ ಅಕ್ಷರವು ಎಂಜಿನ್ ಪ್ರಕಾರವನ್ನು ಸೂಚಿಸುತ್ತದೆ. ಒಂಬತ್ತನೇ ಅಕ್ಷರ ಸುರಕ್ಷತಾ ಸಂಕೇತ ಅಥವಾ ವಾಹನವನ್ನು ತಯಾರಿಸಿದ ತಿಂಗಳು ಆಗಿರುತ್ತದೆ.
ಇನ್ನು ಹತ್ತನೇ ಅಕ್ಷರ ಯಾವ ವರ್ಷದಲ್ಲಿ ವಾಹನವನ್ನು ಉತ್ಪಾದಿಸಲಾಯಿತು ಎಂಬುದನ್ನು ಸೂಚಿಸುತ್ತದೆ. 11ನೇ ಅಕ್ಷರವು ವಾಹನವನ್ನು ಯಾವ ಘಟಕದಲ್ಲಿತಯಾರಿಸಲಾಯಿತು ಎಂಬುದನ್ನು ಹಾಗೂ 12-17ನೇ ಅಕ್ಷರ (ಕೊನೆಯ 6 ಅಕ್ಷರಗಳು) ವಾಹನದ ಸರಣಿ ಸಂಖ್ಯೆಯನ್ನು ಸೂಚಿಸುತ್ತವೆ.
ಗಮನಿಸಿ: ಈ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.