ಭಾರತದಲ್ಲಿ ನಿರ್ಮಾಣವಾದ ಮೊದಲ ಕಾರು ಯಾವುದು?

By Nagaraja

Updated: Friday, May 22, 2015, 11:34 [IST]

1897ನೇ ಇಸವಿಯಲ್ಲಿ ಭಾರತೀಯ ರಸ್ತೆಯಲ್ಲಿ ಮೊದಲ ಬಾರಿಗೆ ಕಾರು ಓಡಾಟ ಆರಂಭಿಸಿತ್ತು. ಅಲ್ಲದೆ 1930ರ ವರೆಗೂ ವಿದೇಶಗಳಿಂದ ದೇಶಕ್ಕೆ ಕಾರುಗಳನ್ನು ಆಮದು ಮಾಡಲಾಗುತ್ತಿತ್ತು. ಅಂದರೆ ಭಾರತೀಯ ವಾಹನೋದ್ಯಮ ನಿಜಕ್ಕೂ 1940ರ ದಶಕದಲ್ಲಿ ಆರಂಭವಾಗಿತ್ತು.

ನೀವು ತಿಳಿದುಕೊಳ್ಳಬೇಕಾದ ವಾಹನ ಸತ್ಯಗಳಿಗಾಗಿ ಭೇಟಿ ಕೊಡಿರಿ

ತದಾ ಬಳಿಕ ಕಳೆದ ಏಳು ದಶಕಗಳಿಂದಲೂ ಕಾರುಗಳು ಭಾರತೀಯ ಜೀವನ ಶೈಲಿಯ ಅವಿಭಾಜ್ಯ ಘಟಕವಾಗಿ ಬೆಳೆದು ಬಂದಿದೆ. ಅಷ್ಟಕ್ಕೂ ಭಾರತದಲ್ಲಿ ನಿರ್ಮಾಣವಾದ ಮೊದಲ ಯಾರು ಯಾವುದು ಗೊತ್ತೇ?

ಭಾರತದಲ್ಲಿ ನಿರ್ಮಾಣವಾದ ಮೊದಲು ಕಾರು ಯಾವುದು?

ಇದು ಯಾವುದೇ ಪ್ರೀಮಿಯರ್ ಪದ್ಮನಿ ಅಥವಾ ಇನ್ಯಾವುದೇ ಕಾರು ಅಲ್ಲ. ಭಾರತದಲ್ಲಿ ನಿರ್ಮಾಣವಾದ ಮೊದಲ ಕಾರಿನ ಶ್ರೇಯಸ್ಸು 'ಹಿಂದೂಸ್ತಾನ್ 10'ಗೆ ಸೇರುತ್ತದೆ. ಇದು ಬ್ರಿಟನ್ ನ ಮೋರಿಸ್ 10 ಸಿರೀಸ್ ಎಂ ಕಾರಿನ ಮರು ಲಾಂಛನ (ರಿ ಬ್ಯಾಡ್ಜ್) ಕಾರಾಗಿದೆ.

1940ರ ದಶಕದಲ್ಲಿ ಹಿಂದೂಸ್ತಾನ್ ಮೋಟಾರು ಸಂಸ್ಥೆಯು ಗುಜರಾತ್ ನ ಸಣ್ಣದಾದ ಪೋರ್ಟ್ ಓಕಾ ಘಟಕದಲ್ಲಿ ದೇಶದ ಮೊದಲ ಕಾರಾಗಿರುವ ಹಿಂದೂಸ್ತಾನ್ 10 ಕಾರನ್ನು ನಿರ್ಮಿಸಿತ್ತು.

ಹಿಂದೂಸ್ತಾನ್ 10 ಕಾರು 1.3 ಲೀಟರ್ ಎಂಜಿನ್ ಪಡೆದುಕೊಂಡಿತ್ತು. ಇದು 37 ಅಶ್ವಶಕ್ತಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಅಲ್ಲದೆ 4 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಇದರಲ್ಲಿತ್ತು.