ಕೋಟಿ ಬೆಲೆಯ ಕಾರು ಖರೀದಿಸಿ ಬಾಲ್ಯದ ಕನಸು ನನಸು ಮಾಡಿಕೊಂಡ ಖ್ಯಾತ ಕ್ರಿಕೆಟಿಗ

ವಾಹನಗಳ ಬಗ್ಗೆ ಕ್ರೇಜ್ ಅನ್ನೋದು ಯಾರಿಗೆ ಇರಲ್ಲ ಹೇಳಿ, ಅದರಲ್ಲಿಯು ಸಿನಿಮಾ ಸೆಲಬ್ರಿಟಿಗಳಿಗೆ ಮತ್ತು ಕ್ರಿಕೆಟಿಗರಿಗೆ ಈ ಕ್ರೇಜ್ ಸ್ವಲ್ಪ ಹೆಚ್ಚು ಇರುತ್ತದೆ. ತಾವು ಹೆಚ್ಚಾಗಿ ಐಷಾರಾಮಿ ಕಾರುಗಳಲ್ಲಿ ಓಡಾಡಲು ಇಷ್ಟ ಪಡುತ್ತಾರೆ. ಇದರಿಂದ ಮಾರುಕಟ್ಟೆಗೆ ಲಗ್ಗೆ ಇಡುವ ಹೊಸ ಐಷಾರಾಮಿ ಕಾರುಗಳನ್ನು ಖರೀದಿಸುತ್ತಾರೆ. ಟೀಂ ಇಂಡಿಯಾದ ಖ್ಯಾತ ಕ್ರಿಕೆಟಿಗ ವೃದ್ಧಿಮಾನ್ ಸಹಾ (Wriddhiman Saha) ಅವರು ಹೊಸ ಬಿಎಂಡಬ್ಲ್ಯು X7 (BMW X7) ಐಷಾರಾಮಿ ಎಸ್‍ಯುವಿಯನ್ನು ಖರೀದಿಸಿದ್ದಾರೆ. ಇವರ ಹೆಸರು ಕ್ರಿಕೆಟ್ ಪ್ರೇಮಿಗಳಿಗೆ ಗೊತ್ತೇ ಇರುತ್ತದೆ.

ಒಂದು ಕಾಲದಲ್ಲಿ ಭಾರತ ಟೆಸ್ಟ್ ತಂಡದ ವಿಕೆಟ್ ಕೀಪ್ ಮಾಡಿದ್ದ ವೃದ್ಧಿಮಾನ್ ಸಹಾ ಅವರನ್ನು ಕ್ರಿಕೆಟ್ ಪ್ರೇಮಿಗಳು ಮೆರೆಯಲು ಸಾಧ್ಯವಿಲ್ಲ. ಇದೀಗ ಇವರು ಹೊಸ ಬಿಎಂಡಬ್ಲ್ಯು X7 ಕಾರು ಖರೀದಿಸಿ ತಮ್ಮ ಬಾಲ್ಯದ ಕನಸನ್ನು ನನಸಾಗಿಸಿದ್ದಾರೆ. ನಟ ತನ್ನ 39 ನೇ ವಯಸ್ಸಿನಲ್ಲಿ ಐಷಾರಾಮಿ ಕಾರು ಖರೀದಿಸಿ ಸೊಷಿಯಲ್ ಮೀಡಿಯಾಗಳಲ್ಲಿ ಶೇರ್ ಮಾಡಿದ್ದಾರೆ.

12ನೇ ವಯಸ್ಸಿನಿಂದ ಕಂಡ ಕನಸು ನನ್ನ ವೃತ್ತಿಜೀವನದ ಕೊನೆಯಲ್ಲಿ ನನಸಾಯಿತು. ಕಾಯುವವರಿಗೆ ಒಳ್ಳೆಯದೇ ಆಗುತ್ತದೆ ಎಂಬುದಕ್ಕೆ ಈ BMW ಸಾಕ್ಷಿ. ಇದು ನನಗೆ ಮತ್ತು ನನ್ನ ಕುಟುಂಬಕ್ಕೆ ಭಾವನಾತ್ಮಕ ಕ್ಷಣವಾಗಿದೆ" ಎಂದು ಕ್ರಿಕೆಟಿಗರು ಹೊಚ್ಚಹೊಸ ಕಾರಿನ ಬಳಿ ಪೋಸ್ ಮಾಡಿದ ಚಿತ್ರಕ್ಕೆ ಶೀರ್ಷಿಕೆ ನೀಡಿದ್ದಾರೆ. ತಂಡದ ಆಟಗಾರರಾದ ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ರಿಷಬ್ ಪಂತ್ ಮತ್ತು ಮೊಹಮ್ಮದ್ ಶಮಿ ಸಹಾ ಅವರನ್ನು ಅಭಿನಂದಿಸಿದ್ದಾರೆ.

BMW X7 ಜರ್ಮನ್ ಐಷಾರಾಮಿ ಬ್ರಾಂಡ್‌ನ ಪ್ರಮುಖ SUV ಆಗಿದೆ. ಈ ಕಾರನ್ನು ಭಾರತದಲ್ಲಿ ಮೂರು ರೂಪಾಂತರಗಳಲ್ಲಿ ಮಾರಾಟ ಮಾಡಲಾಗುತ್ತದೆ - xdrie40i M Sport ಬೆಲೆ 1.27 ಕೋಟಿ, xDrive40d ವಿನ್ಯಾಸ ಪ್ಯೂರ್ ಎಕ್ಸಲೆನ್ಸ್ ಬೆಲೆ 1.29 ಕೋಟಿ ಮತ್ತು xDrive40d M Sport ಬೆಲೆ 1.30 ಕೋಟಿ. ನೋಂದಣಿ ದಾಖಲೆಗಳ ಪರಿಶೀಲನೆಯು ರೂ 1.29 ಕೋಟಿ ಮೌಲ್ಯದ ಎಸ್‌ಯುವಿಯ ಡೀಸೆಲ್ ರೂಪಾಂತರವನ್ನು ಸಹಾ ಹೊಂದಿದೆ ಎಂದು ಬಹಿರಂಗಪಡಿಸುತ್ತದೆ.

ವೃದ್ಧಿಮಾನ್ ಸಹಾ ಖರೀದಿಸಿದ ಬಿಎಂಡಬ್ಲ್ಯು X7 ಕಾರಿನ ಬೆಲೆಯು ರೂ.1.29 ಕೋಟಿಯಾಗಿದೆ. ಇದು ಡೀಸೆಲ್ ಆವೃತ್ತಿಯಾಗಿದೆ. ಈ ಬಿಎಂಡಬ್ಲ್ಯು X7 ಕಾರಿನ ಬಗ್ಗೆ ಹೇಳುವುದಾದರೆ, ಈ ಬಿಎಂಡಬ್ಲ್ಯು X7 ಎಸ್‍ಯುವಿಯು ಆಕರ್ಷಕ ವಿನ್ಯಾಸ ಮತ್ತು ಅತ್ಯಾಧುನಿಕ ಫೀಚರ್ಸ್ ಗಳನ್ನು ಹೊಂದಿವೆ. ಬಿಎಂಡಬ್ಲ್ಯು X7 ಎಸ್‍ಯುವಿಯು ಮಿನರಲ್ ವೈಟ್, ಬ್ಲ್ಯಾಕ್ ಸಫೈರ್, ಕಾರ್ಬನ್ ಬ್ಲಾಕ್, ದ್ರಾವಿಟ್ ಗ್ರೇ, ಮತ್ತು ಟಾಂಜಾನೈಟ್ ಎಂಬ ಐದು ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ.

ಇವುಗಳಲ್ಲಿ, ನಂತರದ ಎರಡು ಬಣ್ಣ ಆಯ್ಕೆಗಳು ಬಿಎಂಡಬ್ಲ್ಯು ಇಂಡಿವಿಜುವಲ್ ಪೇಂಟ್‌ವರ್ಕ್‌ಗಳ ಭಾಗವಾಗಿದೆ. ಹೊಸ ಬಿಎಂಡಬ್ಲ್ಯು X7 ಎಸ್‍ಯುವಿಯಲ್ಲಿ ಹೆಚ್ಚು ಶಕ್ತಿಶಾಲಿ ಎಂಜಿನ್ ಆಯ್ಕೆಗಳೊಂದಿಗೆ ಬರುತ್ತದೆ, ಈ ಎಸ್‍ಯುವಿಯಲ್ಲಿ 3.0-ಲೀಟರ್, ಟರ್ಬೋಚಾರ್ಜ್ಡ್, ಇನ್-ಲೈನ್ 6, ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 380 ಬಿಹೆಚ್‍ಪಿ ಪವರ್ ಮತ್ತು 520 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇದರೊಂದಿಗೆ 3.0-ಲೀಟರ್, ಟರ್ಬೋಚಾರ್ಜ್ಡ್, ಇನ್-ಲೈನ್ 6, ಡೀಸೆಲ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 340 ಬಿಹೆಚ್‍ಪಿ ಪವರ್ ಮತ್ತು 700 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಎರಡೂ ಎಂಜಿನ್ ಆಯ್ಕೆಗಳು 8-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಮತ್ತು 48V ಎಲೆಕ್ಟ್ರಿಕ್ ಮೋಟರ್‌ನೊಂದಿಗೆ ಬರುತ್ತವೆ.

ಇದು 12 ಬಿಹೆಚ್‍ಪಿ ಪವರ್ ಮತ್ತು 200 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಇದರ ಪರಿಣಾಮವಾಗಿ, ಪೆಟ್ರೋಲ್ ಎಂಜಿನ್‌ನೊಂದಿಗೆ ಬಿಎಂಡಬ್ಲ್ಯು X7 ಎಸ್‍ಯುವಿಯು ಕೇವಲ 5.8 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇದಲ್ಲದೆ, ಬಳಕೆದಾರರು ಕಂಫರ್ಟ್, ಎಫಿಶಿಯೆಂಟ್, ಸ್ಪೋರ್ಟ್ ಮತ್ತು ಸ್ಪೋರ್ಟ್ ಪ್ಲಸ್ ಮೋಡ್‌ಗಳ ನಡುವೆ ಶಫಲ್ ಮಾಡುವ ಮೂಲಕ ಎಸ್‌ಯುವಿಯ ಪಾತ್ರವನ್ನು ಬದಲಾಯಿಸಬಹುದು.

ಇದರ ಜೊತೆಯಲ್ಲಿ, BMW X- ಡ್ರೈವ್ ಆಲ್-ವೀಲ್ ಡ್ರೈವ್ ತಂತ್ರಜ್ಞಾನವು ಹೊಂದಿದೆ. ಇದರೊಂದಿಗೆ ಈ ಐಷಾರಾಮಿ ಬಿಎಂಡಬ್ಲ್ಯು X7 ಎಸ್‍ಯುವಿಯಲ್ಲಿ ಅಡಾಪ್ಟಿವ್ 2-ಆಕ್ಸಲ್ ಏರ್ ಸಸ್ಪೆನ್ಷನ್ ಮತ್ತು ಆಟೋಮ್ಯಾಟಿಕ್ ಡಿಫರೆನ್ಷಿಯಲ್ ಬ್ರೇಕ್‌ಗಳು/ಲಾಕ್ಸ್' (ADB-X), ವಿಸ್ತೃತ 'ಡೈನಾಮಿಕ್ ಟ್ರಾಕ್ಷನ್ ಕಂಟ್ರೋಲ್' (DTC), ಹಿಲ್ ಸ್ಟಾರ್ಟ್ ಅಸಿಸ್ಟ್, ಹಿಲ್ ಡಿಸೆಂಟ್ ಕಂಟ್ರೋಲ್, ಡಿಜಿಟಲ್ ಕೀ ಮುಂತಾದ ಇತರ ವೈಶಿಷ್ಟ್ಯಗಳನ್ನು ಹೊಂದಿವೆ.