ದೇಶದ ಗುಜುಗುಜು ಬಂಡಿಗೆ ವಿಮಾನ ಶೈಲಿಯ ಲಗ್ಷುರಿ ಕೋಚ್

By Nagaraja

Published: Monday, January 11, 2016, 11:00 [IST]

ಈ ಮೊದಲೇ ತಿಳಿಸಿರುವಂತೆಯೇ ಬದಲಾವಣೆಯ ಪರ್ವದಲ್ಲಿರುವ ಭಾರತದ ಗುಜುಗುಜು ಬಂಡಿಗೆ ಶೀಘ್ರದಲ್ಲೇ ವಿಮಾನ ಶೈಲಿಯ ಲಗ್ಷುರಿ ಕೋಚ್ ಗಳು ಜೋಡಣೆಯಾಗಲಿದೆ.

Also Read: ದೇಶದ ಟಾಪ್ 10 ಅತಿ ವೇಗದ ರೈಲುಗಳು

ಭೋಪಾಲ್ ನಲ್ಲಿ ಸ್ಥಿತಗೊಂಡಿರುವ ಕೋಚ್ ಪುನಶ್ಚೈತನ್ಯ ಕಾರ್ಯಾಗಾರದಲ್ಲಿ (CRWS) ಹೊಚ್ಚ ಹೊಸ ರೈಲ್ವೇ ಆಂತರಿಕ ಭಾಗಗಳನ್ನು ವಿನ್ಯಾಸಗೊಳಿಸಲಾಗಿದ್ದು, ಯಾತ್ರಿಕರ ಸುಖ ಪ್ರವಾಸವನ್ನು ಖಾತ್ರಿಪಡಿಸಲಿದೆ.

ದೇಶದ ಗುಜುಗುಜು ಬಂಡಿಗೆ ವಿಮಾನ ಶೈಲಿಯ ಲಗ್ಷುರಿ ಕೋಚ್

ಕಡಿಮೆ ಎಳೆತದ ಜೆರ್ಕ್ ಲೆಸ್ (Jerk less) ಸುಖಾಸನಗಳು ಹೊಸ ರೈಲು ಕೋಚ್ ಗಳ ಪ್ರಮುಖ ವೈಶಿಷ್ಟ್ಯವಾಗಿರಲಿದೆ.

ಯಾತ್ರಿಕರಿಗೆ ಐಷಾರಾಮಿ ಪಯಣದ ಅನುಭವ ನೀಡುವ ನಿಟ್ಟಿನಲ್ಲಿ ಈಗಿರುವ ಹಸಿರು ಹಾಗೂ ಕೆಂಪು ಬಣ್ಣಗಳ ಜೊತೆಗೆ ಹೊಸತಾದ ನೇರಳೆ ಬಣ್ಣವು ಸೇರ್ಪಡೆಯಾಗಲಿದೆ.

ವಿಶಾಲವಾದ ಕ್ಯಾಬಿನ್, ಮಲಗುದಾಣ, ಎಲ್‌ಇಡಿ ರೀಡಿಂಗ್ ಬೆಳಕು, ಸ್ನ್ಯಾಕ್ ಟೇಬಲ್, ಜೈವಿಕ ಶೌಚಾಲಯಗಳು ಇತರ ಪ್ರಮುಖ ವೈಶಿಷ್ಟ್ಯಗಳಾಗಿವೆ.

ಇಂದಿನ ಇಂಟರ್ ನೆಟ್ ಯುಗದಲ್ಲಿ ಮೊಬೈಲ್ ಹಾಗೂ ಲ್ಯಾಪ್ ಟಾಪ್ ಗಳನ್ನು ಬಿಟ್ಟು ಯಾರೂ ತೆರಳುವಾಗಿಲ್ಲ. ಹಾಗಿರುವಾಗ ಹೊಸತಾದ ಐಷಾರಾಮಿ ಕೋಚ್ ಗಳಲ್ಲಿ ಮೊಬೈಲ್ ಹಾಗೂ ಲ್ಯಾಪ್ ಟಾಪ್ ಚಾರ್ಚಿಂಗ್ ಪಾಯಿಂಟ್ ಗಳನ್ನು ಕೊಡಲಾಗಿದೆ.

ನೀವು ಮನೆಯಲ್ಲಿರುವಂತೆಯೇ ಭಾಸವಾಗುವಂತೆಯೇ ಪ್ರಯಾಣದ ವೇಳೆ ಯಾವುದೇ ತೊಂದರೆಯಾಗದಂತೆ ಹೆಚ್ಚು ಮನೆತನದ ಅನುಭವ ನೀಡುವುದು ಯೋಜನೆಯ ಹಿಂದಿರುವ ಪ್ರಮುಖ ಉದ್ದೇಶವಾಗಿದೆ.

ಇದರೊಂದಿಗೆ ಇಂಡಿಯಲ್ ರೈಲ್ವೇ ಸಹವಾಸವೇ ಬೇಡ ಅಂತಿದ್ದವರು ಬಹುಬೇಗನೇ ತಮ್ಮ ಮಾತನ್ನು ಬದಲಾಯಿಸಲಿದ್ದು, ಭಾರತೀಯ ರೈಲ್ವೇ ಈಸ್ ಬೆಸ್ಟ್ ಎಂದು ಭೇಷ್ ಹೇಳುವ ಕಾಲ ದೂರವಿಲ್ಲ.

ಸದ್ಯದ ಯೋಜನೆಯ ಪ್ರಕಾರ ಭೋಪಾಲ ಕೋಚ್ ಪುನಶ್ಚೈತನ್ಯ ಕಾರ್ಯಾಗಾರದಲ್ಲಿ ಒಟ್ಟು 111 ಆಧುನಿಕ ರೈಲ್ವೇ ಕೋಚ್ ಗಳು ನಿರ್ಮಾಣವಾಗಲಿದೆ. ಇದರಲ್ಲಿ 87 ನಾನ್ ಎಸಿ, 17 ಎಸಿ 3 ಟೈರ್, 5 ಎಸಿ 2 ಟೈರ್ ಮತ್ತು ತಲಾ ಒಂದು ಎಸಿ 1 ಹಾಗೂ ಚೈರ್ ಕಾರು ಕೋಚ್ ಗಳಿರಲಿದೆ.

ಈ ಮಹತ್ತರ ಯೋಜನೆಯಂತೆ ಎಸಿ ಕೋಚ್ ಗಳನ್ನು ನಿರ್ಮಿಸಲು 70 ಲಕ್ಷ ರು. ಹಾಗೂ ಎಸಿ ರಹಿತ ಸ್ಲೀಪರ್ ಕೋಚ್ ಗಳ ನಿರ್ಮಾಣಕ್ಕೆ 49 ಲಕ್ಷ ರು. ವೆಚ್ಚ ತಗುಲಿದೆ.

ನೂತನ ಕೋಚ್ ಗಳು ಮೊದಲ ಬಾರಿಗೆ ಐಎಸ್‌ಒ ಪ್ರಮಾಣೀಕೃತ ರಾಜಧಾನಿ ಎಕ್ಸ್ ಪ್ರೆಸ್ ನಲ್ಲಿ ಆಳವಡಿಸುವ ಸಾಧ್ಯತೆಯಿದೆ. ತದಾ ಬಳಿಕ ಎರಡನೇ ಹಂತದ ಲಗ್ಷುರಿ ಕೋಚ್ ನಿರ್ಮಾಣ ಪ್ರಕ್ರಿಯೆ ಆರಂಭವಾಗಲಿದೆ.