ರಸ್ತೆಯಲ್ಲೂ ಓಡುವ ಗೂಡ್ಸ್ ಬಂಡಿ; ಇದುವೇ ರೋಡ್ ಟ್ರೈನ್..!

ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ಅತಿ ಭಾರದ ಸರಕುಗಳನ್ನು ಅತಿ ಸುಲಭವಾಗಿ ಸಾಗಿಸುವುದೇ ರೋಡ್ ಟ್ರೈನ್ ಗಳ ಹಿಂದಿರುವ ಪ್ರಮುಖ ಉದ್ದೇಶವಾಗಿದೆ.

ಆಸ್ಟ್ರೇಲಿಯಾದಲ್ಲಿದ್ದು ರೋಡ್ ಟ್ರೈನ್ ಎಂಬ ಹೆಸರಿನಿಂದಲೇ ಜನಪ್ರಿಯವಾಗಿದೆ. ಅಂತೆಯೇ ಅಮೆರಿಕದಲ್ಲಿ ಟ್ರಿಪಲ್ಸ್, ಟರ್ನ್ ಪೈಕ್ ಡಬಲ್ಸ್, ರೋಕಿ ಮೌಂಟೆನ್ ಡಬಲ್ಸ್ ಎಂಬ ಪದಗಳಿಂದಲೂ ಕರೆಯಲ್ಪಡುತ್ತದೆ.

ರೋಡ್ ಟ್ರೈನ್ ಹಿಂದುಗಡೆ ಒಂದಕ್ಕಿಂತ ಹೆಚ್ಚು ಸರಕು ಹೊರುವ ಟ್ರೈಲರುಗಳನ್ನು (ಹಿಂಜೋಡು ವಾಹನ) ಜೋಡಣೆ ಮಾಡಲಾಗುತ್ತದೆ.

ಇತಿಹಾಸದ ಪುಟವನ್ನು ತೆರೆದು ನೋಡಿದಾಗ ರೋಡ್ ಟ್ರೈನ್ ಅನೇಕ ಯುದ್ಧಗಳಲ್ಲಿ ನಿರ್ಣಾಯಕ ಪಾತ್ರ ವಹಿಸಿರುವುದನ್ನು ನೀವು ಗಮನಿಸಬಹುದು. ಇದರ ನೆರವನ್ನು ಎರಡನೇ ಬೋಯರ್ ಯುದ್ಧದಲ್ಲಿ ಬ್ರಿಟನ್ ಪಡೆದುಕೊಂಡಿತ್ತು.

ಅಂದೆಲ್ಲ ಸ್ಟೀಮ್ ನಿಂದ ನಿಯಂತ್ರಿತ ರೋಡ್ ಟ್ರೈನ್ ಬಳಿಕ 1930 ಹಾಗೂ 1940ರ ದಶಕದಲ್ಲಿ ಆಸ್ಟ್ರೇಲಿಯಾ ಮಿಲಿಟರಿ ಪಡೆಯನ್ನು ಸೇರ್ಪಡೆಗೊಂಡಿತ್ತು.

ನಿಮ್ಮ ಮಾಹಿತಿಗಾಗಿ ಇಡೀ ವಿಶ್ವದಲ್ಲೇ ಆಸ್ಟ್ರೇಲಿಯಾಯವು ಅತ್ಯಂತ ದೊಡ್ಡ ಮತ್ತು ಭಾರವಾದ ರಸ್ತೆ ಕಾನೂನು ಮಾನ್ಯತಾ ವಾಹನಗಳನ್ನು ಹೊಂದಿದೆ. ಕೆಲವೊಂದು 200 ಟನ್ ಗಳಷ್ಟು ಭಾರವನ್ನು ಹೊಂದಿದೆ.

ಡಬಲ್ ರೋಡ್ ಟ್ರೈನ್ ವಾಹನವು ಆಸ್ಟೇಲಿಯಾದ ಬಹುತೇಕ ಪ್ರದೇಶದಲ್ಲಿ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದೆ.

ರೋಡ್ ಟ್ರೈನ್ ವಾಹನಗಲಲ್ಲಿ ಬಿ ಡಬಲ್, ಬಿ ಟ್ರಿಪಲ್, ಡಬಲ್ ರೋಡ್ ಟ್ರೈನ್, ಎಬಿ ಟ್ರಿಪಲ್, ಬಿಎಬಿ ಕ್ವಾಡ್, ಎಬಿಬಿ ಕ್ವಾಡ್, ಟ್ರಿಪಲ್ ರೋಡ್ ಟ್ರೈನ್, 2ಎಬಿ ಟ್ರೈನ್ ಮತ್ತು ಪವರ್ ಟ್ರೈನ್ ಗಳು ಪ್ರಮುಖ ಶ್ರೇಣಿಗಳಾಗಿವೆ. ಈ ಪೈಕಿ ಪವರ್ ಟ್ರೈನ್ ಅತ್ಯಂತ ಬೃಹತ್ತಾಗಿದೆ.

ಆಸ್ಟ್ರೇಲಿಯಾ ರಾಷ್ಟ್ರೀಯ ಘನ ವಾಹನ ವಿಭಾಗವು ರೋಡ್ ಟ್ರೈನ್ ಸಂಚಾರಕ್ಕೆ ಗಂಟೆಗೆ ಗರಿಷ್ಠ 100 ಕೀ.ಮೀ. ವೇಗಮಿತಿಗೊಳಿಸಿದೆ.