ಪ್ರತಿಯೊಬ್ಬ ಭಾರತೀಯನೂ ಹೆಮ್ಮೆಪಟ್ಟುಕೊಳ್ಳುವ ಇಸ್ರೋ ಸಾಧನೆಗಳು

By Nagaraja

Published: Thursday, June 2, 2016, 10:53 [IST]

ಭಾರತ ಸರಕಾರದ ಭಾಗವಾಗಿರುವ ಭಾರತದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಬೆಂಗಳೂರಿನಲ್ಲಿ ಕೇಂದ್ರ ಕಚೇರಿಯನ್ನು ಹೊಂದಿದೆ. ಇದರ ಮುಖ್ಯ ಉದ್ದೇಶ ಅಂತರಿಕ್ಷ ಸಂಶೋಧನೆ ಮತ್ತು ಭಾರತಕ್ಕೆ ಉಪಯೋಗವಾಗುವಂತೆ ಅವುಗಳ ಅಭಿವೃದ್ಧಿ. ಇಸ್ರೋ ಸಂಸ್ಥೆಯು ಉಪಗ್ರಹಗಳನ್ನಲ್ಲದೇ ಉಪಗ್ರಹ ವಾಹಕಗಳನ್ನು ನಿರ್ಮಿಸುತ್ತಿದೆ.

ಭಾರತೀಯ ಅಣುಶಕ್ತಿ ಇಲಾಖೆಯ ಅಡಿಯಲ್ಲಿ ಇಸ್ರೋವನ್ನು 1969ರಲ್ಲಿ ಸ್ಥಾಪಿಸಲಾಯಿತು. 1975ರಲ್ಲಿ ಮೊದಲ ಭಾರತೀಯ ಉಪಗ್ರಹ ಆರ್ಯಭಟ ವನ್ನು ರಷ್ಯಾದ ರಾಕೆಟ್ ಒಂದರ ಮೂಲಕ ಕಕ್ಷೆಗೆ ಸೇರಿಸಲಾಯಿತು.

ಪ್ರತಿಯೊಬ್ಬ ಭಾರತೀಯನೂ ಹೆಮ್ಮೆಪಟ್ಟುಕೊಳ್ಳುವ ಇಸ್ರೋ ಸಾಧನೆಗಳು

ಡಾ ವಿಕ್ರಮ್ ಸಾರಾಭಾಯ್ ಭಾರತೀಯ ಬಾಹ್ಯಾಕಾಶ ಅಭಿಯಾನದ ಪಿತಾಮಹ ಆಗಿದ್ದಾರೆ. ಅವರನ್ನು ಗೌರವಿಸಲು ತಿರುವನಂತಪುರದ ತುಂಬಾ ಕೇಂದ್ರಕ್ಕೆ ವಿಕ್ರಮ್ ಸಾರಾಭಾಯಿ ಸ್ಪೇಸ್ ಸೆಂಟರ್ ಎಂದು ಮರುನಾಮಕರಣ ಮಾಡಲಾಯಿತು.

ಎಸ್‌ಎಲ್‌ವಿ-3 ಭಾರತದ ಮೊದಲ ದೇಶಿಯವಾಗಿ ನಿರ್ಮಿತ ಉಡಾವಣಾ ವಾಹಕವಾಗಿದೆ. ಈ ಯೋಜನೆಗೆ ದಿವಂಗತ ರಾಷ್ಟ್ರಪತಿ ಡಾ. ಎ.ಪಿ.ಜೆ. ಅಬ್ದುಲ್ ಕಲಾಂ ನಿರ್ದೇಶಕರಾಗಿದ್ದರು. 1980ರಲ್ಲಿ ರೋಹಿಣಿ ಉಪಗ್ರಹವನ್ನು ಕಕ್ಷೆಗೆ ಸೇರಿಸಲಾಯಿತು.

ಕಳೆದ 40 ವರ್ಷಗಳ ಇಸ್ರೋ ವ್ಯಯ ಮಾಡಿರುವ ಖರ್ಚು ಮಾಡಿರುವ ಒಟ್ಟು ಮೊತ್ತವು ನಾಸಾ ಒಂದು ವರ್ಷದಲ್ಲಿ ವ್ಯಯ ಮಾಡುತ್ತಿರುವುದಕ್ಕೆ ಅರ್ಧದಷ್ಟಗಿದೆ.

ಇಸ್ರೋ ಬಜೆಟ್, ಕೇಂದ್ರ ಸರಕಾರದ ವ್ಯಯ ಮಾಡುತ್ತಿರುವುದರ ಖರ್ಚಿನ ಶೇಕಡಾ 0.34ರಷ್ಟು ಮತ್ತು ನಿವ್ವಳ ದೇಶೀಯ ಉತ್ಪನ್ನದ ಶೇಕಡಾ 0.8 ರಷ್ಟು ಮಾತ್ರವಾಗಿದೆ.

ಭುವನ್ ಎಂಬ ವೆಬ್ ತಳಹದಿಯ ತ್ರಿಡಿ ಸ್ಯಾಟಲೆಟ್ ಚಿತ್ರಣ ಉಪಕರಣವನ್ನು ಇಸ್ರೋ ಅಭಿವೃದ್ಧಿಪಡಿಸಿದ್ದು, ಇದು ಗೂಗಲ್ ಅರ್ಥ್‌ ಸಮಾನವಾದ ಭಾರತದ ಅವತಾರವಾಗಿದೆ.

ಭಾರತದೆಲ್ಲೆಡೆ ಇಸ್ರೋ 13 ಕೇಂದ್ರಗಳನ್ನು ಹೊಂದಿದೆ. ಇವುಗಳಲ್ಲಿ ಬೆಂಗಳೂರು, ತಿರುವನಂತಪುರ, ಶ್ರಿಹರಿಕೋಟ, ಅಹಮದಾಬಾದ್, ಮಹೇಂದ್ರಗಿರಿ ಪ್ರಮುಖವಾಗಿದೆ.

ನಾಸಾಗೆ ಸಮಾನವಾಗಿ ಬೆಳೆದು ನಿಂತಿರುವ ಇಸ್ರೋ ಈಗ 14 ಬಿಲಿಯನ್ ರುಪಾಯಿಗಳ ವಹಿವಾಟನ್ನು ಹೊಂದಿದೆ.

ಭಾರತದ ಚಂದ್ರಯಾನ ಯೋಜನೆಗೆ (ಚಂದ್ರಯಾನ I) ಸರಿ ಸುಮಾರು 390 ಕೋಟಿ ರುಪಾಯಿಗಳಷ್ಟು ಖರ್ಚಾಗಿತ್ತು. ಇದು ನಾಸಾ ಯೋಜನಾ ವೆಚ್ಚಕ್ಕಿಂತಲೂ ಒಂಬತ್ತು ಪಟ್ಟುಗಳಷ್ಟು ಕಡಿಮೆಯಾಗಿದೆ.

ಉಪಗ್ರಹಗಳನ್ನು ಅಂತರಿಕ್ಷಕ್ಕೆ ಹಾರಿ ಬಿಡುವುದಲ್ಲದೆ ಗಗನಯಾತ್ರಿಗಳನ್ನು ಬಾಹ್ಯಾಕಾಶಕ್ಕೆ ಕೊಂಡೊಯ್ಯುವ ಮಹತ್ತರ ಯೋಜನೆಯನ್ನು ಇಸ್ರೋ ಕೈಗೆತ್ತಿಕೊಂಡಿದೆ. ಇದು ಮುಂದಿನ ವರ್ಷಗಳಲ್ಲಿ ನನಸಾಗಲಿದ್ದು, ಈ ನಿಟ್ಟಿನಲ್ಲಿ ನುರಿತ ತರಬೇತಿಯನ್ನು ನೀಡುತ್ತಿದೆ.

ಆ್ಯಂಟ್ರಿಕ್ಸ್ ಕಾರ್ಪೋರೇಷನ್ ಲಿಮಿಟೆಡ್ ಇಸ್ರೋದ ವಾಣಿಜ್ಯ ವಹಿವಾಟುಗಳನ್ನು ನಿರ್ವಹಿಸುತ್ತದೆ. ಯುರೋಪ್, ಮಧ್ಯ ಪೂರ್ಪ ಮತ್ತು ದಕ್ಷಿಣ ಪೂರ್ವ ಏಷ್ಯಾದಲ್ಲಿ ಆ್ಯಂಟ್ರಿಕ್ಸ್ ಗೆ ಗಿರಾಕಿಗಳಿದ್ದಾರೆ. 'ಅಂತರಿಕ್ಷ' ಎಂಬ ಸಂಸ್ಕೃತ ಪದದಿಂದ ಆ್ಯಂಟ್ರಿಕ್ಸ್ ಎಂಬ ಹೆಸರನ್ನಿಡಲಾಗಿದೆ.

ತನ್ನ ಮೊದಲ ಪ್ರಯತ್ನದಲ್ಲೇ ಮಂಗಳಯಾನ ಯೋಜನೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿರುವ ಇಸ್ರೋ ಒಟ್ಟು 450 ಕೋಟಿ ರುಪಾಯಿಗಳನ್ನು ವ್ಯಯ ಮಾಡಿದೆ. ಅಂದರೆ ಪ್ರತಿ ಕೀ.ಮೀ. ಕೇವಲ 12 ರುಪಾಯಿ ಮಾತ್ರವಾಗಿದ್ದು, ಆಟೋ ರಿಕ್ಷಾ ಶುಲ್ಕಕ್ಕೆ ಸಮಾನವಾಗಿದೆ.

ಮಂಗಳಯಾನ ಯೋಜನೆಯಲ್ಲಿ ಅಮೆರಿಕ ಐದು ಬಾರಿ ವಿಫಲತೆಯನ್ನು ಅನುಭವಿಸಿದ್ದರೆ ಸೋವಿಯತ್ ಒಕ್ಕೂಟ ಎಂಟು ಬಾರಿ, ಚೀನಾ ಮತ್ತು ರಷ್ಯಾ ತಲಾ ಒಂದು ಬಾರಿ ವೈಫಲ್ಯವನ್ನು ಅನುಭವಿಸಿದೆ. ಆದರೆ ಭಾರತ ತನ್ನ ಚೊಚ್ಚಲ ಪ್ರಯತ್ನದಲ್ಲೇ ಯಶಸ್ಸಿನ ತುತ್ತ ತುದಿಗೇರಿತ್ತು.

ಯಾವುದೇ ವೈಜ್ಞಾನಿಕ ಸಂಸ್ಥೆಯನ್ನು ಪರಿಗಣಿಸಿದಾಗ ಇಸ್ರೋದಲ್ಲಿ ಅತಿ ಹೆಚ್ಚು ಅವಿವಾಹಿತರು ಸೇವೆ ಸಲ್ಲಿಸುತ್ತಿದ್ದಾರೆ. ಈ ಮೂಲಕ ತಮ್ಮ ಸೇವೆಯನ್ನು ಪೂರ್ಣವಾಗಿಯೂ ಇಸ್ರೋಗೆ ಮುಡಿಪಾಗಿಟ್ಟಿದ್ದಾರೆ.