ಸಾಮಾನ್ಯ ಟೊಯೊಟಾ ಕಾರಿನಲ್ಲಿ ಕಾಣಿಸಿಕೊಂಡ ಬಿಲಿಯನೇರ್ ಅಂಬಾನಿ ಫ್ಯಾಮಿಲಿಯ ಸದಸ್ಯರು

ದೇಶದಲ್ಲಿ ಅಂಬಾನಿ (Ambani) ಫ್ಯಾಮಿಲಿಯನ್ನು ಪರಿಚಯಿಸುವ ಅಗತ್ಯವಿಲ್ಲ. ದೇಶದ ಅತ್ಯಂತ ಶ್ರೀಮಂತ ಕುಟುಂಬವಾಗಿ, ಇವರ ಬಳಿ ಐಷಾರಾಮಿ ಮತ್ತು ಅಪರೂಪದ ದುಬಾರಿ ಕಾರುಗಳ ವಿಸ್ತಾರವಾದ ಕಲೆಕ್ಷನ್ ಅನ್ನು ಹೊಂದಿದ್ದಾರೆ. ಕುಟುಂಬ ಸದಸ್ಯರೊಂದಿಗೆ ಭದ್ರತಾ ಅಧಿಕಾರಿಗಳು ಸಹ ಜಿ-ವ್ಯಾಗನ್ ಮತ್ತು ರೇಂಜ್ ರೋವರ್‌ನಂತಹ ದುಬಾರಿ ಕಾರುಗಳನ್ನು ಬಳಸುತ್ತಾರೆ.

ಅಂಬಾನಿ ಕುಟುಂಬದ ಸದಸ್ಯರು ತಮ್ಮ ದುಬಾರಿ ಕಾರುಗಳಲ್ಲಿ ಸಮಾರಂಭಗಳಿಗೆ ಆಗಮಿಸುವುದನ್ನು ನಾವು ನೋಡಿದ್ದೇವೆ. ಅವರು ಕಡಿಮೆ ಬೆಲೆಯ ವಾಹನಗಳಲ್ಲಿ ಪ್ರಯಾಣಿಸುವುದನ್ನು ನಾವು ಅಪರೂಪವಾಗಿ ಕಾಣುತ್ತೇವೆ. ರೆಡ್ಡಿಟ್‌ನಲ್ಲಿ ಮಾನವ್ ಮಂಗ್ಲಾನಿ ಅಪ್‌ಲೋಡ್ ಮಾಡಿದ ವೀಡಿಯೊದಲ್ಲಿ, ಇಶಾ ಅಂಬಾನಿ ಮತ್ತು ಅವರ ಪತಿ, ಉದ್ಯಮಿ ಕೈಗಾರಿಕೋದ್ಯಮಿ ಆನಂದ್ ಪಿರಾಮಲ್, ಮುಂಬೈನಲ್ಲಿ ಭೋಜನ ಕಾರ್ಯಕ್ರಮಕ್ಕಾಗಿ ಟೊಯೊಟಾ ಕ್ಯಾಮ್ರಿ (Toyota Camry) ಸೆಡಾನ್‌ನಲ್ಲಿ ಆಗಮಿಸಿದ್ದರು.

ಆಶ್ಚರ್ಯಕರವಾಗಿ, ಅವರು ಆಯ್ಕೆ ಮಾಡಿದ ಕಾರು ಯಾವುದೇ ಮಾಡಿಫೈಗೊಂಡಿಲ್ಲ. ಟೊಯೊಟಾ ಕ್ಯಾಮ್ರಿ ಪ್ರೀಮಿಯಂ ಸೆಡಾನ್. ಇನೋವಾ ಮತ್ತು ಫಾರ್ಚುನರ್‌ನಂತೆಯೇ, ಕ್ಯಾಮ್ರಿ ಕೂಡ ಪ್ರಪಂಚದಾದ್ಯಂತದ ಖರೀದಿದಾರರಲ್ಲಿ ಅತ್ಯಂತ ಜನಪ್ರಿಯ ಟೊಯೋಟಾ ಕಾರುಆಗಿದೆ. ಇದು ಭಾರತದಲ್ಲಿಯೂ ಮಾರಾಟಕ್ಕೆ ಲಭ್ಯವಿದೆ. ವೀಡಿಯೋದಲ್ಲಿ ಕಾಣುತ್ತಿರುವುದು ವಾಸ್ತವವಾಗಿ ಹಳೆಯ ತಲೆಮಾರಿನ ಮಾದರಿ

ಇನ್ನು ಅವರ ಟೊಯೊಟಾ ಕ್ಯಾಮ್ರಿ ಜೊತೆ ಭದ್ರತಾ ವಾಹನಗಳಾದ ಮಹೀಂದ್ರಾ XUV500, MG ಗ್ಲೋಸ್ಟರ್ ನಂತಹ ಇತರ ಎಸ್‍ಯುವಿಗಳಿದ್ದವು. ವೀಡಿಯೊದಲ್ಲಿ, ಇಶಾ ಅಂಬಾನಿ ಕಾರಿನಿಂದ ಇಳಿದು ಹೊರಗಿನ ಛಾಯಾಗ್ರಾಹಕರೊಂದಿಗೆ ಸಂವಹನ ನಡೆಸದೆ ಸರಳವಾಗಿ ಕಟ್ಟಡದೊಳಗೆ ನಡೆಯುವುದನ್ನು ಕಾಣಬಹುದು. ಇತರ ಟೊಯೋಟಾ ಮಾದರಿಗಳಂತೆ, ಕ್ಯಾಮ್ರಿ ತನ್ನ ವಿಶ್ವಾಸಾರ್ಹತೆಗೆ ಹೆಸರುವಾಸಿಯಾಗಿದೆ.

ಈ ಪ್ರೀಮಿಯಂ ಸೆಡಾನ್ ಅನ್ನು ಭಾರತದಲ್ಲಿ ಸುಮಾರು ರೂ 45 ಲಕ್ಷಕ್ಕೆ ಮಾರಾಟ ಮಾಡಲಾಯಿತು. ಈ ಬೆಲೆಯು ಎಕ್ಸ್ ಶೋರೂಂ ಪ್ರಕಾರವಾಗಿದೆ. ಟೊಯೊಟಾ ಕ್ಯಾಮ್ರಿ ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ಹೋಂಡಾ ಅಕಾರ್ಡ್ ಹೈಬ್ರಿಡ್‌ನಂತಹ ಕಾರುಗಳಿಗೆ ಪೈಪೋಟಿ ನೀಡುತ್ತಿತ್ತು. ಇದು ಕಡಿಮೆ ಅವಧಿಗೆ ಮಾರಾಟಕ್ಕೆ ಲಭ್ಯವಿತ್ತು.

ಹೆಚ್ಚು ಖರ್ಚು ಮಾಡದೆ ವಿಶ್ವಾಸಾರ್ಹ ಮತ್ತು ಐಷಾರಾಮಿ ಸೆಡಾನ್‌ಗಾಗಿ ಹುಡುಕುತ್ತಿರುವ ಅನೇಕ ಜನರು ಆಗ ಟೊಯೊಟಾ ಕ್ಯಾಮ್ರಿಯನ್ನು ಖರೀದಿಸಿದ್ದರು. ಇಂದಿಗೂ ಸಹ, ಉಪಯೋಗಿಸಿದ ಕಾರು ಮಾರುಕಟ್ಟೆಯಲ್ಲಿ ಯೋಗ್ಯ ಸಂಖ್ಯೆಯ ಕ್ಯಾಮ್ರಿ ಸೆಡಾನ್‌ಗಳು ಲಭ್ಯವಿವೆ. ಟೊಯೋಟಾ ಕ್ಯಾಮ್ರಿ ವಿಶ್ವಾಸಾರ್ಹ ಮತ್ತು ಐಷಾರಾಮಿ ಮಾತ್ರವಲ್ಲದೆ ದಕ್ಷತೆಯನ್ನು ಹೊಂದಿದೆ. ಇದು ARAI ಪ್ರಕಾರ ಸುಮಾರು 19.16 ಮೈಲೇಜ್ ಅನ್ನು ನೀಡುತ್ತದೆ.

ಇದು ವಿಶೇಷವಾಗಿ ಪೆಟ್ರೋಲ್ ಕಾರಿಗೆ ಗಮನಾರ್ಹವಾಗಿದೆ. ಕ್ಯಾಮ್ರಿಯ ಉತ್ತಮ ಮೈಲೇಜ್ ಅಂಕಿಅಂಶಗಳ ಹಿಂದಿನ ಕಾರಣವೆಂದರೆ ಅದು ಹೈಬ್ರಿಡ್ ಆಗಿರುವುದರಿಂದ. "ಸ್ಟ್ರಾಂಗ್ ಹೈಬ್ರಿಡ್" ಎಂಬ ಪದವು ಈಗ ಕಾರು ಖರೀದಿದಾರರಲ್ಲಿ ಜನಪ್ರಿಯವಾಗುತ್ತಿದೆ, ಆದರೆ ಟೊಯೋಟಾ ದೀರ್ಘಕಾಲದವರೆಗೆ ತಮ್ಮ ಕಾರುಗಳಲ್ಲಿ ಸ್ಟ್ರಾಂಗ್ ಹೈಬ್ರಿಡ್ ಸಿಸ್ಟಂ ಅನ್ನು ನೀಡುತ್ತಿದೆ. ಕ್ಯಾಮ್ರಿ ಸ್ಟ್ರಾಂಗ್ ಹೈಬ್ರಿಡ್ ಸೆಡಾನ್ ಆಗಿತ್ತು, ಇದರರ್ಥ ಪೆಟ್ರೋಲ್ ಎಂಜಿನ್ ಎಲೆಕ್ಟ್ರಿಕ್ ಮೋಟರ್ ಜೊತೆಗೆ ಕಾರನ್ನು ಹೆಚ್ಚು ಪರಿಣಾಮಕಾರಿಯಾಗಿ ಮಾಡಲು ಕೆಲಸ ಮಾಡುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡಲು ಮರೆಯದಿರಿ.