ಜೆಸಿಬಿ ಮೈಲೇಜ್ ಮೈಲೇಜ್ ಎಷ್ಟು? ಕುತೂಹಲಕಾರಿ ವಿಷಯಗಳು... ಯಾರೂ ಹೇಳುವುದಿಲ್ಲ!

ನಿತ್ಯ ನಮ್ಮ ಕೆಲಸಗಳ ಮೇಲೆ ಹೊರಗೆ ಓಡಾಡುವ ಸಂದರ್ಭಗಳಲ್ಲಿ ಕಾಣಸಿಗುವ ಬೃಹದಾಕಾರದ ಜೆಸಿಬಿಗಳು ಎಂಥವರನ್ನಾದರು ತನ್ನತ್ತ ಸೆಳೆಯುತ್ತವೆ. ಭಾರೀ ಆಕಾರದ ದೊಡ್ಡ ದೊಡ್ಡ ಭಾಗಗಳನ್ನು ಒಳಗೊಂಡಿರುವ ಈ ವಾಹನಗಳನ್ನು ನೋಡಿದಾಗ ತಿಳಿಯದ ದೈತ್ಯ ಅನುಭವವಾಗುತ್ತದೆ. ಈ ಭಾರೀ ಯಂತ್ರಗಳನ್ನು ಮುಖ್ಯವಾಗಿ ನಿರ್ಮಾಣ ಮತ್ತು ಇತರ ಭಾರವಾದ ಕೆಲಸಗಳಿಗೆ ಹೆಚ್ಚಾಗಿ ಬಳಸಲಾಗುತ್ತದೆ. ಇಂತಹ ದೈತ್ಯ ಜೆಸಿಬಿಗಳ ಮೈಲೇಜ್ ಎಷ್ಟಿರಬಹುದು ಎಂಬ ಪ್ರಶ್ನೆ ನಿಮ್ಮಲ್ಲಿ ಒಂದು ಬಾರಿಯಾದ್ರೂ ಮೂಡಿರಬಹುದು. ಹಾಗಾದ್ರೆ ಇದರ ಮೈಲೆಜ್ ಬಗ್ಗೆ ತಿಳಿಯೋಣ ಬನ್ನಿ.

ಸಾಮಾನ್ಯವಾಗಿ ಜೆಸಿಬಿಗಳೊಂದಿಗೆ ಕೆಲಸ ಮಾಡುವವರು ಹಾಗೂ ಮಾಡಿಸುವವರಿಗೆ ಇದರ ಬಾಡಿಗೆ ತಿಳಿದಿರುತ್ತದೆ. ಒಂದು ಗಂಟೆ ಅಥವಾ ದಿನದ ಲೆಕ್ಕದಲ್ಲಿ ಬಾಡಿಗೆ ಪಡೆಯಲಾಗುತ್ತದೆ. ಇದರ ನಿರ್ವಹಣಾ ವೆಚ್ಚ ತುಂಬಾ ಹೆಚ್ಚಾಗಿರುವುದರಿಂದಲೇ ಅದರ ಮಾಲೀಕರು ಕೂಡ ಹೆಚ್ಚಿನ ಬಾಡಿಗೆ ಪಡೆಯುತ್ತಾರೆ. ಜೆಸಿಬಿ ಯಂತ್ರಗಳ ನಿರ್ವಹಣೆಯಂತೆಯೇ ಇದರ ಮೈಲೇಜ್ ಕೂಡ ಅವುಗಳ ಬಳಕೆ, ಮಾದರಿ ಮತ್ತು ಕೆಲಸದ ಹೊರೆಯನ್ನು ಅವಲಂಬಿಸಿರುತ್ತದೆ.

ನಿಮ್ಮ ಜೆಸಿಬಿಯನ್ನು ಉತ್ತಮ ಆಪರೇಟರ್ ಚಾಲನೆ ಮಾಡುತ್ತಿದ್ದರೆ, ನಿಮ್ಮ ಮೈಲೇಜ್ ಸ್ವಯಂಚಾಲಿತವಾಗಿ ಹೆಚ್ಚಾಗುತ್ತದೆ. ಏಕೆಂದರೆ ನುರಿತ ಆಪರೇಟರ್ ಯಾವುದೇ ಕೆಲಸವನ್ನು ಆದಷ್ಟು ಬೇಗ ಮುಗಿಸುತ್ತಾನೆ. ಹಾಗಾಗಿ ಈ ಜೆಸಿಬಿಯ ಮೈಲೇಜ್ ಎಂಬುದು ಅದರ ನಿರ್ವಹಣೆ ಮತ್ತು ಕೆಲಸದ ಜೊತೆಗೆ ಅದರ ಆಪರೇಟರ್ ಅನ್ನು ಸಹ ಅವಲಂಬಿಸಿರುತ್ತದೆ. ಆಪರೇಟರ್ 1 ಗಂಟೆಯ ಕೆಲಸಕ್ಕೆ 2 ಗಂಟೆ ತೆಗೆದುಕೊಂಡರೆ ಮೈಲೇಜ್ ಕುಸಿಯುತ್ತದೆ.

ಸಾಮಾನ್ಯವಾಗಿ ಜೆಸಿಬಿ ಬ್ಯಾಕ್ಹೋ ಲೋಡರ್‌ನಂತಹ ಮಾದರಿಯು ಪ್ರತಿ ಲೀಟರ್ ಡೀಸೆಲ್‌ಗೆ ಸುಮಾರು 4 ರಿಂದ 6 ಕಿ.ಮೀ ಮೈಲೇಜ್ ನೀಡುತ್ತದೆ. ಎಲ್ಲರಿಗೂ ತಿಳಿದಿರುವಂತೆ ಜೆಸಿಬಿ ತುಂಬಾ ಭಾರವಾಗಿರುವುದರಿಂದ ಮೈಲೇಜ್ ಕಡಿಮೆ ಎಂದುಕೊಳ್ಳುತ್ತಾರೆ. ಆದರೆ ಅನುಭವ ಇಲ್ಲದ ಆಪರೇಟರ್ ಕೆಲಸವನ್ನು ಪೂರ್ಣಗೊಳಿಸಲು ಸಮಯ ತೆಗೆದುಕೊಳ್ಳುವುದರಿಂದ ಇಂಧನ ಬಳಕೆ ಹೆಚ್ಚಾಗಿ ಮೈಲೇಜ್ ಇನ್ನೂ ಕುಸಿಯುತ್ತದೆ.

ಅಲ್ಲದೇ ಜೆಸಿಬಿ ಯಂತ್ರಗಳು ದೊಡ್ಡದಾಗಿರುವುದರಿಂದ ಮತ್ತು ಭಾರವಾಗಿರುವುದರಿಂದ ಅವುಗಳನ್ನು ಓಡಿಸುವ ಮತ್ತು ನಿರ್ವಹಿಸುವ ವೆಚ್ಚವೂ ಸಾಕಷ್ಟು ಹೆಚ್ಚಾಗಿರುತ್ತದೆ. ಆದರೆ ಇದು ಕೇವಲ ಒಂದು ಕಾರಣವಾದರೆ, ಜೆಸಿಬಿ ಮಾಡುವ ಕೆಲಸದ ಸ್ವರೂಪ, ಯಂತ್ರದ ನಿರ್ವಹಣೆ ಮತ್ತು ಕಾರ್ಯಾಚರಣೆಯ ವಿಧಾನಗಳು ಮೈಲೇಜ್ ಅನ್ನು ತಗ್ಗಿಸುವ ಇತರ ಕಾರಣಗಳಾಗಿವೆ.

JCB ಬಿಡಿಭಾಗಗಳು ತುಂಬಾ ದುಬಾರಿ: ವಾಸ್ತವವಾಗಿ, ಜೆಸಿಬಿಯ ಎಲ್ಲಾ ಭಾಗಗಳು ಧೃಡವಾದ ಕಬ್ಬಿಣದ ಭಾಗಗಳಾಗಿರುವುದರಿಂದ ಅವುಗಳನ್ನು ತಯಾರಿಸುವ ವೆಚ್ಚವೂ ಹೆಚ್ಚಾಗಿರುತ್ತದೆ. ಆದ್ದರಿಂದ ಜೆಸಿಬಿಯ ಎಲ್ಲಾ ಭಾಗಗಳು ತುಂಬಾ ದುಬಾರಿಯಾಗಿವೆ. ಹಾಗಾಗಿ ಒಮ್ಮೆ ಹಾನಿಯಾದರೆ ಜೆಸಿಬಿಯ ರಿಪೇರಿ ಮಾಡಿ ಸರಿಪಡಿಸಲು ಸಾವಿರಾರು ರೂ. ಖರ್ಚಾಗುತ್ತದೆ.

JCB ನಿರ್ವಹಣೆ ಮತ್ತು ದುರಸ್ತಿ: ಬಿಡಿಭಾಗಗಳಂತೆ, ಜೆಸಿಬಿಯ ನಿರ್ವಹಣೆ ಮತ್ತು ದುರಸ್ತಿ ತುಂಬಾ ದುಬಾರಿಯಾಗಿದೆ. ಜೆಸಿಬಿಯನ್ನು ರಿಪೇರಿ ಮಾಡಲು, ನೀವು ಅದನ್ನು ಕಂಪನಿಯ ಸೇವಾ ಕೇಂದ್ರಕ್ಕೆ ಕಳುಹಿಸಬೇಕು. ಅಲ್ಲಿ ನುರಿತ ಮೆಕ್ಯಾನಿಕ್‌ಗಳು ಅದರ ನಿರ್ವಹಣೆ ಮತ್ತು ದುರಸ್ತಿಯನ್ನು ಮಾಡುತ್ತಾರೆ. ಅಷ್ಟೇ ವಿನಹ ಕಾರುಗಳು ಮತ್ತು ಬೈಕುಗಳಂತೆ, ನೀವು ರಸ್ತೆಬದಿಯಲ್ಲಿ ಜೆಸಿಬಿಯನ್ನು ಸರಿಪಡಿಸಲು ಸಾಧ್ಯವಿಲ್ಲ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.