ಕೋಟಿಗಟ್ಟಲೆ ಬೆಲೆಬಾಳುವ 3 ರೋಲ್ಸ್ ರಾಯ್ಸ್ ಕಾರುಗಳನ್ನು ಖರೀದಿಸಿದ ಕಲ್ಯಾಣ್ ಜ್ಯುವೆಲರ್ಸ್ ಮಾಲೀಕ

ಟಿಎಸ್ ಕಲ್ಯಾಣರಾಮನ್ ದಕ್ಷಿಣ ಭಾರತದ ಜನಪ್ರಿಯ ಉದ್ಯಮಿ. ಇವರು ಪ್ರಸಿದ್ಧ ಬ್ರ್ಯಾಂಡ್‌ಗಳಾದ ಕಲ್ಯಾಣ್ ಜ್ಯುವೆಲರ್ಸ್ (Kalyan Jewellers) ಮತ್ತು ಕಲ್ಯಾಣ್ ಡೆವಲಪರ್ಸ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾಗಿದ್ದಾರೆ. ಭಾರತ ಮತ್ತು ಪ್ರಪಂಚದಾದ್ಯಂತದ ಹೆಚ್ಚಿನ ಬಿಲಿಯನೇರ್ ಉದ್ಯಮಿಗಳಂತೆ ಕಲ್ಯಾಣರಾಮನ್ ಕೂಡ ದುಬಾರಿ ಕಾರುಗಳ ಸಂಗ್ರಹವನ್ನು ಹೊಂದಿದ್ದಾರೆ.

ಕಲ್ಯಾಣ್ ಗ್ಯಾರೇಜ್ ಒಂದಲ್ಲ ಮೂರು ಹೊಚ್ಚಹೊಸ ರೋಲ್ಸ್ ರಾಯ್ಸ್ (Rolls Royce) ಕುಲ್ಲಿನನ್ ಎಸ್‌ಯುವಿಗಳು ಹೊಸದಾಗಿ ಸೇರ್ಪಡೆಯಾಗಿದೆ. ಹೊಚ್ಚಹೊಸ ಕುಲ್ಲಿನಾನ್ಸ್‌ನ ವೀಡಿಯೊ ಈಗ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. ಈ ವೀಡಿಯೊವನ್ನು eisk77 ತಮ್ಮ Instagram ಪೇಜ್ ನಲ್ಲಿ ಹಂಚಿಕೊಂಡಿದ್ದಾರೆ. ಕಲ್ಯಾಣರಾಮನ್ ಅವರು ವಿತರಣೆ ಪಡೆದುಕೊಂಡ ಎಲ್ಲಾ ಮೂರು ರೋಲ್ಸ್ ರಾಯ್ಸ್ ಕಲಿನನ್ಸ್ ಅನ್ನು ವೀಡಿಯೊದಲ್ಲಿ ನೋಡಬಹುದು.

ಪೋಸ್ಟ್ ಪ್ರಕಾರ, ಉದ್ಯಮಿ ಒಂದು ಬ್ಲ್ಯಾಕ್ ಬ್ಯಾಡ್ಜ್ ಮತ್ತು ಎರಡು ಸಾಮಾನ್ಯ ರೋಲ್ಸ್ ರಾಯ್ಸ್ ಕೂಲಿನನ್ ಎಸ್‌ಯುವಿಗಳನ್ನು ಖರೀದಿಸಿದ್ದಾರೆ. ಕೇರಳದಲ್ಲಿ ಅದ್ಧೂರಿ ಕಾರುಗಳನ್ನು ಖರೀದಿ ಮಾಡಿರುವುದು ಇದೇ ಮೊದಲು ಅಲ್ಲ. ಎಮ್‌ಎ ಯೂಸುಫ್ ಅಲಿಯಂತಹ ವ್ಯಾಪಾರಿಗಳು ಕೂಡ ಈ ಕಾರುಗಳನ್ನು ಹೊಂದಿದ್ದಾರೆ. ರೋಲ್ಸ್ ರಾಯ್ಸ್ ಕೂಲ್ಲಿನನ್ ಬ್ಲ್ಯಾಕ್ ಬ್ಯಾಡ್ಜ್ ಅನ್ನು ಮ್ಯಾಗ್ಮಾ ರೆಡ್ ಶೇಡ್‌ನಲ್ಲಿ ಪೂರ್ಣಗೊಳಿಸಿದರೆ, ಸಾಮಾನ್ಯವಾದವುಗಳನ್ನು ಮಿಡ್‌ನೈಟ್ ಸಫೈರ್ ಮತ್ತು ಡೈಮಂಡ್ ಬ್ಲ್ಯಾಕ್ ಶೇಡ್ ಹೊಂದಿದೆ.

ರೋಲ್ಸ್ ರಾಯ್ಸ್ ಕುಲ್ಲಿನನ್ ಎಸ್‍ಯುವಿ ಬ್ರಿಟಿಷ್ ಕಾರ್ ಬ್ರಾಂಡ್‌ನ ಮೊದಲ ಪ್ರಯತ್ನವಾಗಿದೆ. ಪ್ರಪಂಚದಾದ್ಯಂತ ಶ್ರೀಮಂತ ಖರೀದಿದಾರರಲ್ಲಿ ದಿ ಕಲಿನನ್ ತ್ವರಿತ ಹಿಟ್ ಆಯಿತು. ಕಲ್ಯಾಣರಾಮನ್ ವಿಷಯಕ್ಕೆ ಬಂದರೆ, ರೋಲ್ಸ್ ರಾಯ್ಸ್ ಒಂದು ಬ್ರಾಂಡ್ ಆಗಿ ಯಾವಾಗಲೂ ಅವರ ನೆಚ್ಚಿನದಾಗಿದೆ. ಅವರು ರೋಲ್ಸ್ ರಾಯ್ಸ್ ಖರೀದಿಸಿದ್ದು ಇದೇ ಮೊದಲಲ್ಲ. ಅವರು ಈಗಾಗಲೇ ತಮ್ಮ ಗ್ಯಾರೇಜ್‌ನಲ್ಲಿ ಮೂರು ರೋಲ್ಸ್ ರಾಯ್ಸ್ ಸೆಡಾನ್‌ಗಳನ್ನು ಹೊಂದಿದ್ದಾರೆ.

ಅವರು ಒಂದು ರೋಲ್ಸ್ ರಾಯ್ಸ್ ಫ್ಯಾಂಟಮ್ ಸರಣಿ I ಮತ್ತು ಎರಡು ಫ್ಯಾಂಟಮ್ ಸರಣಿ II ಮಾದರಿಗಳನ್ನು ಹೊಂದಿದ್ದಾರೆ. ಕುಲ್ಲಿನಾನ್ ಬ್ಲಾಕ್ ಬ್ಯಾಡ್ಜ್ ಸಾಮಾನ್ಯ ಕುಲ್ಲಿನಾನ್ ಎಸ್‌ಯುವಿಯ ಹೆಚ್ಚು ದುಬಾರಿ ಮತ್ತು ಸ್ವಲ್ಪ ಹೆಚ್ಚು ಶಕ್ತಿಶಾಲಿ ಆವೃತ್ತಿಯಾಗಿದೆ. ಉದ್ಯಮಿ ಆಯ್ಕೆ ಮಾಡಿದ ಬಾಹ್ಯ ಬಣ್ಣಗಳ ಬಗ್ಗೆ ನಮಗೆ ತಿಳಿದಿದ್ದರೂ, ಒಳಾಂಗಣವು ಹೇಗೆ ಕಾಣುತ್ತದೆ ಎಂಬುದನ್ನು ನಾವು ಇನ್ನೂ ನೋಡಬೇಕಾಗಿದೆ.

ಈ ಎಸ್‍ಯುವಿ ಒಳಭಾಗವನ್ನು ಕಸ್ಟಮೈಸ್ ಮಾಡಬಹುದು ಮತ್ತು ಕಸ್ಟಮೈಸೇಶನ್‌ಗಳ ವಸ್ತು ಮತ್ತು ಪ್ರಕಾರವನ್ನು ಅವಲಂಬಿಸಿ, ಕಾರಿನ ಬೆಲೆಯು ಇನ್ನಷ್ಟು ಹೆಚ್ಚಾಗುತ್ತದೆ. ರೋಲ್ಸ್ ರಾಯ್ಸ್ ಕಲ್ಲಿನನ್ 6.75-ಲೀಟರ್ ಟ್ವಿನ್-ಟರ್ಬೋಚಾರ್ಜ್ಡ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 569 bhp ಮತ್ತು 850 Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇಲ್ಲಿ ಕಂಡುಬರುವ ಸಾಮಾನ್ಯ ಕಲಿನನ್ ಬೆಲೆ ಎಕ್ಸ್ ಶೊರೂಂ ಪ್ರಕಾರ 6.95 ಕೋಟಿ ರೂ.ಗಳಿಂದ ಪ್ರಾರಂಭವಾಗುತ್ತದೆ. ಇಲ್ಲಿ ಕಾಣಸಿಗುವ ರೋಲ್ಸ್ ರಾಯ್ಸ್ ಕಲಿನನ್ ಬ್ಲ್ಯಾಕ್ ಬ್ಯಾಡ್ಜ್ ಹೆಚ್ಚು ದುಬಾರಿಯಾಗಿದೆ. ಬ್ಲ್ಯಾಕ್ ಬ್ಯಾಡ್ಜ್‌ನ ಬೆಲೆ ಸುಮಾರು ಎಕ್ಸ್ ಶೋರೂಂ ಪ್ರಕಾರ 10 ಕೋಟಿ ರೂ. ಆಗಿದೆ. ಇದು ಸಾಮಾನ್ಯ ಆವೃತ್ತಿಯಂತೆಯೇ ಅದೇ ಎಂಜಿನ್‌ನಿಂದ ಚಾಲಿತವಾಗಿದೆ, ಆದರೆ ಹೆಚ್ಚಿನ ಪವರ್ ಮತ್ತು ಟಾರ್ಕ್ ಅನ್ನು ಉತ್ಪಾದಿಸಲು ಇದನ್ನು ಟ್ಯೂನ್ ಮಾಡಲಾಗಿದೆ.

ಬ್ಲ್ಯಾಕ್ ಬ್ಯಾಡ್ಜ್ ಕಲಿನನ್ ಸಾಮಾನ್ಯ ಕಲ್ಲಿನನ್‌ಗಿಂತ 29 PS ಮತ್ತು 50 Nm ಹೆಚ್ಚು ಶಕ್ತಿ ಮತ್ತು ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಭಾರತದ ಶ್ರೀಮಂತ ಕುಟುಂಬ, ಅಂಬಾನಿಗಳು, ಇತರ ರೋಲ್ಸ್-ರಾಯ್ಸ್ ಐಷಾರಾಮಿ ಸೆಡಾನ್‌ಗಳ ಜೊತೆಗೆ ಇತ್ತೀಚೆಗೆ ಖರೀದಿಸಿದ ಬ್ಲ್ಯಾಕ್ ಬ್ಯಾಡ್ಜ್ ಸೇರಿದಂತೆ ಕನಿಷ್ಠ 4 ರೋಲ್ಸ್ ರಾಯ್ಸ್ ಕಲ್ಲಿನಾನ್‌ಗಳನ್ನು ಹೊಂದಿದ್ದಾರೆ. ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಪ್ರಸ್ತುತ ರೋಲ್ಸ್ ರಾಯ್ಸ್ ಕಲಿನನ್ ಕಪ್ಪು ಬ್ಯಾಡ್ಜ್ ಹೊಂದಿರುವ ದೇಶದ ಏಕೈಕ ನಟ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.