ದೇವೇಗೌಡರಿಗೆ ದುಬಾರಿ ಬೆಲೆಯ ಐಷಾರಾಮಿ ಕಾರು ನೀಡಿದ ರಾಜ್ಯ ಸರ್ಕಾರ

ಇದು ಕರ್ನಾಟಕ ರಾಜ್ಯದ ಯಾವುದೇ ಜನಪ್ರತಿನಿಧಿಗೆ ರಾಜ್ಯ ಸರ್ಕಾರವು ನೀಡಿದ ಅತ್ಯಂತ ದುಬಾರಿ ಬೆಲೆಯ ವಾಹನವಾಗಿದೆ. ಈ ಕಾರು ರಾಜ್ಯಸಭಾ ಸದಸ್ಯರಿಗೆ ನೀಡಬಹುದಾದ ಕಾರಿನ ಬೆಲೆಗಿಂತ ಮೂರು ಪಟ್ಟು ಹೆಚ್ಚು ಬೆಲೆಯನ್ನು ಹೊಂದಿದೆ. ರಾಜ್ಯ ಸರ್ಕಾರವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿರುವ ಸಮಯದಲ್ಲಿ ಈ ಕಾರನ್ನು ನೀಡಲಾಗಿದೆ.

ಈ ಕಾರಣಕ್ಕೆ ರಾಜ್ಯ ಸರ್ಕಾರದ ಈ ನಿರ್ಧಾರವನ್ನು ಟೀಕಿಸಲಾಗುತ್ತಿದೆ. ನಿಯಮಗಳ ಪ್ರಕಾರ, ಚುನಾಯಿತ ಪ್ರತಿನಿಧಿ, ಕ್ಯಾಬಿನೆಟ್ ಸಚಿವರು, ಲೋಕಸಭಾ, ರಾಜ್ಯಸಭಾ ಸದಸ್ಯರು ರೂ.22 ಲಕ್ಷವರೆಗಿನ ಮೌಲ್ಯದ ಕಾರುಗಳನ್ನು ಖರೀದಿಸಲು ಅವಕಾಶವಿದೆ.

MOSTREAD: ಮದುವೆ ಉಂಗುರದ ಶೋಧಕ್ಕಾಗಿ ಚೆಲ್ಲಾಪಿಲ್ಲಿಯಾದ ಕಾರಿನ ಇಂಟಿರಿಯರ್

ನಿಗಮ ಮಂಡಳಿಯ ಅಧ್ಯಕ್ಷರು ರೂ.11 ಲಕ್ಷಗಳ ಮೌಲ್ಯದ ಕಾರುಗಳನ್ನು ಮಾತ್ರ ಖರೀದಿಸಬಹುದು. ಆದರೆ ಮುಖ್ಯಮಂತ್ರಿಗಳ ವಾಹನ ಖರೀದಿಯ ಮೇಲೆ ಯಾವುದೇ ಮಿತಿಯಿಲ್ಲ. ಮಾಜಿ ಪ್ರಧಾನ ಮಂತ್ರಿಗಳಿಗೆ ಈ ಕಾರು ನೀಡಲು ನಿಯಮವನ್ನು ಬದಲಿಸಲಾಗಿದೆ ಎಂದು ಹೇಳಲಾಗಿದೆ.

ದೇವೇಗೌಡರಿಗಾಗಿ ವೊಲ್ವೋ ಎಕ್ಸ್‌ಸಿ 60 ಖರೀದಿಸಲಾಗಿದೆ. ಈ ಕಾರಿನ ಬೆಲೆ ರೂ.76 ಲಕ್ಷಗಳಾಗಿದೆ. ಸರ್ಕಾರಿ ಕಾರು ಎಂಬ ಕಾರಣಕ್ಕೆ ಈ ಕಾರಿಗೆ ತೆರಿಗೆ ನೀಡಲಾಗಿದ್ದು, ಈ ಕಾರಿನ ಆನ್ ರೋಡ್ ಬೆಲೆ ರೂ.60 ಲಕ್ಷಗಳಾಗಿದೆ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ದೇವೇಗೌಡರು ಆರಾಮದಾಯಕವಾದ ಕಾರನ್ನು ಬಯಸಿದ್ದರು ಎಂದು ಹೇಳಲಾಗುತ್ತಿದೆ. ಕರ್ನಾಟಕದಿಂದ ಪ್ರಧಾನಿ ಹುದ್ದೆಗೇರಿದ ಏಕೈಕ ವ್ಯಕ್ತಿ ಎಂಬ ಕಾರಣಕ್ಕೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪನವರು ಈ ಕಾರು ಖರೀದಿಗೆ ಒಪ್ಪಿಗೆ ನೀಡಿದ್ದಾರೆ.

ಕರ್ನಾಟಕದ ಬಹುತೇಕ ಮಂತ್ರಿಗಳು ಹಾಗೂ ಶಾಸಕರು ಟೊಯೊಟಾ ಇನೋವಾ ಕ್ರಿಸ್ಟಾ ಎಂಪಿವಿಯನ್ನು ಬಳಸುತ್ತಿದ್ದಾರೆ. ಮುಖ್ಯಮಂತ್ರಿ ಯಡಿಯೂರಪ್ಪ ಹಾಗೂ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ರೂ.40 - 45 ಲಕ್ಷ ಬೆಲೆಯ ಟೊಯೋಟಾ ಫಾರ್ಚೂನರ್ ಬೆಲೆಯ ಎಸ್ ಯುವಿಗಳನ್ನು ಬಳಸುತ್ತಿದ್ದಾರೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ದೇವೇಗೌಡರಿಗೆ ನೀಡಲಾಗಿರುವ ಈ ಹೊಸ ಕಾರನ್ನು ರಾಜ್ಯದ ಮುಖ್ಯ ಕಾರ್ಯದರ್ಶಿಯವರ ಹೆಸರಿನಲ್ಲಿ ನೋಂದಾಯಿಸಲಾಗಿದೆ. ಮುಖ್ಯಮಂತ್ರಿಯವರು ಬಳಸುತ್ತಿರುವುದಕ್ಕಿಂತ ದುಬಾರಿ ಬೆಲೆಯ ಕಾರನ್ನು ಮಾಜಿ ಪ್ರಧಾನ ಮಂತ್ರಿಗಳಿಗೆ ನೀಡಲಾಗಿದೆ.

ವೊಲ್ವೋ ಕಾರುಗಳು ಐಷಾರಾಮಿತನಕ್ಕೆ ಹೆಸರುವಾಸಿಯಾಗಿವೆ. ಇತ್ತೀಚೆಗೆ ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಕಾರನ್ನು ಖರೀದಿಸಿದ್ದಾರೆ. ಅಮಿತಾಬ್ ಬಚ್ಚನ್ ರವರಿಗೆ ಅವರ ಮುಂಬೈ ನಿವಾಸದಲ್ಲಿ ಈ ಕಾರನ್ನು ವಿತರಿಸಲಾಯಿತು.