Just In
- 11 hrs ago ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- 13 hrs ago Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- 14 hrs ago Royal Enfield Himalayan ಸುಲಭವಾಗಿ ಖರೀದಿಸುವುದು ಹೇಗೆ?: ಇಲ್ಲಿದೆ ಡೌನ್ಪೇಮೆಂಟ್, EMI ಮಾಹಿತಿಗಳು!
- 14 hrs ago ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
Don't Miss!
- Finance ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- News Realme Narzo 70: ಭರ್ಜರಿ ಕ್ಯಾಮೆರಾ ಫೀಚರ್ಗಳೊಂದಿಗೆ ರಿಯಲ್ಮಿ ನಾರ್ಜೊ 70 ಗ್ರ್ಯಾಂಡ್ ಲಾಂಚ್
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೈಕಲ್'ನಲ್ಲಿ ಕಾಶ್ಮೀರದಿಂದ ಕನ್ಯಾಕುಮಾರಿವರೆಗೆ 8 ದಿನದಲ್ಲಿ ಚಲಿಸಿ ಹೊಸ ದಾಖಲೆ ಬರೆದ ಕಾಶ್ಮೀರಿ ಯುವಕ
ಕಾಶ್ಮೀರದ 23 ವರ್ಷದ ಯುವಕನೊಬ್ಬ ಕಾಶ್ಮೀರದಿಂದ ಕನ್ಯಾಕುಮಾರಿವರೆಗಿನ ಪ್ರಯಾಣವನ್ನು ಕೇವಲ ಎಂಟು ದಿನಗಳಲ್ಲಿ ಪೂರ್ಣಗೊಳಿಸಿ ಹೊಸ ದಾಖಲೆ ಬರೆದಿದ್ದಾನೆ. ಆತ ಸೈಕಲ್ ಮೂಲಕ ಈ ದಾಖಲೆ ಬರೆದಿದ್ದಾನೆ ಎಂಬುದು ವಿಶೇಷ.
ಹೀಗೆ ಸೈಕಲ್ ಮೂಲಕ ಹೊಸ ದಾಖಲೆ ಬರೆದ ಯುವಕನ ಹೆಸರು ಆದಿಲ್ ತೆಲಿ. ಆದಿಲ್ ತೆಲಿ ಒಟ್ಟು ಎಂಟು ದಿನ, 1 ಗಂಟೆ 37 ನಿಮಿಷಗಳಲ್ಲಿ 3,600 ಕಿ.ಮೀ ಪ್ರಯಾಣಿಸಿ ಹೊಸ ದಾಖಲೆ ಸೃಷ್ಟಿಸಿದ್ದಾನೆ. ಈ ಮೂಲಕ ಆತನ ಹೆಸರು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್'ನಲ್ಲಿ ದಾಖಲಾಗಿದೆ. ಆದಿಲ್ ತೆಲಿ ಕಾಶ್ಮೀರದ ಬುಡ್ಗಾಮ್ ಜಿಲ್ಲೆಯ ನಾರ್ಬಲ್ ನಿವಾಸಿ ಎಂದು ತಿಳಿದು ಬಂದಿದೆ.
ಆದಿಲ್ ತೆಲಿ ಮಾರ್ಚ್ 22ರ ಬೆಳಿಗ್ಗೆ 7:30 ಕ್ಕೆ ಶ್ರೀನಗರದ ಲಾಲ್ ಚೌಕ್ನಲ್ಲಿರುವ ಘಂಟಾ ಘರ್ನಿಂದ ತಮ್ಮ ಪ್ರಯಾಣವನ್ನು ಆರಂಭಿಸಿ, ಮಾರ್ಚ್ 30ರ ಬೆಳಿಗ್ಗೆ 9 ಗಂಟೆಗೆ ಕನ್ಯಾಕುಮಾರಿ ತಲುಪಿದ್ದಾನೆ. ಆತನ ಪ್ರಯಾಣಕ್ಕೆ ಕಾಶ್ಮೀರದ ವಿಭಾಗೀಯ ಆಯುಕ್ತ ಕಾಶ್ಮೀರ ಪಾಂಡುರಂಗ್ ಚಾಲನೆ ನೀಡಿದರು.
MOST READ: ನಿರ್ವಹಣಾ ವೆಚ್ಚ ತಗ್ಗಿಸಲು ವಾಣಿಜ್ಯ ವಾಹನಗಳಿಗಾಗಿ ಹೊಸ ಎಂಜಿನ್ ಪರಿಚಯಿಸಿದ ಟಾಟಾ ಮೋಟಾರ್ಸ್
ಕಾಶ್ಮೀರದಿಂದ ಕನ್ಯಾಕುಮಾರಿಗೆ ಅತಿ ವೇಗದ ಸೈಕಲ್ ಪ್ರಯಾಣದ ವಿಶ್ವ ದಾಖಲೆಯು ಈ ಹಿಂದೆ ನಾಸಿಕ್'ನ 17 ವರ್ಷದ ಓಂ ಮಹಾಜನ್ ಎಂಬಾತನ ಹೆಸರಿನಲ್ಲಿತ್ತು. ಓಂ ಮಹಾಜನ್ ಎಂಟು ದಿನ, 7 ಗಂಟೆ 38 ನಿಮಿಷಗಳಲ್ಲಿ ಕಾಶ್ಮೀರದಿಂದ ಕನ್ಯಾಕುಮಾರಿಗೆ ಪ್ರಯಾಣಿಸಿ ದಾಖಲೆ ಬರೆದಿದ್ದ.
ಈ ದಾಖಲೆಯನ್ನು ಮುರಿಯಲು ಆದಿಲ್ ಪಂಜಾಬ್ನ ಅಮೃತಸರದಲ್ಲಿ ಸುಮಾರು ಐದು ತಿಂಗಳು ತರಬೇತಿ ಪಡೆದಿದ್ದ. ಆತ ಕಳೆದ ವರ್ಷದ ಡಿಸೆಂಬರ್ನಲ್ಲಿ ಗಿನ್ನೆಸ್ ವಿಶ್ವ ದಾಖಲೆಗಾಗಿ ಅರ್ಜಿ ಸಲ್ಲಿಸಿದ್ದ. ಈ ಅರ್ಜಿಯನ್ನು ಈ ವರ್ಷದ ಮಾರ್ಚ್ ತಿಂಗಳಿನಲ್ಲಿ ಅಂಗೀಕರಿಸಲಾಯಿತು.
MOSTREAD: ಟ್ರ್ಯಾಕ್ಟರ್ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್ಗಳಿರಲು ಕಾರಣಗಳಿವು
ತನ್ನ ಪ್ರಯಾಣದ ವೇಳೆ ಆದಿಲ್ ದೆಹಲಿ, ಆಗ್ರಾ, ಗ್ವಾಲಿಯರ್, ಹೈದರಾಬಾದ್, ಮಧುರೈ ಸೇರಿದಂತೆ ಹಲವು ನಗರಗಳ ಮೂಲಕ ಹಾದು ಹೋದ. ಈ ಪ್ರಯಾಣದ ವೇಳೆ ಫಿಸಿಯೋಥೆರಪಿಸ್ಟ್, ನ್ಯೂಟ್ರಿಷನಿಸ್ಟ್, ಮೆಕ್ಯಾನಿಕ್ ಹಾಗೂ ಕ್ಯಾಮೆರಾ ಸಿಬ್ಬಂದಿ ಆತನ ಜೊತೆಗಿದ್ದರು.
ಒಟ್ಟು ಎಂಟು ಸದಸ್ಯರ ತಂಡವು ಪ್ರಯಾಣದುದ್ದಕ್ಕೂ ಆದಿಲ್ ಜೊತೆಗೂಡಿತ್ತು. ಮಾಹಿತಿಯ ಪ್ರಕಾರ ಕಾಶ್ಮೀರದಿಂದ ಕನ್ಯಾಕುಮಾರಿಗೆ ಆದಿಲ್ ಕೈಗೊಂಡಿದ್ದ ಪ್ರಯಾಣವನ್ನು ಕಾಶ್ಮೀರದ ಅಬ್ರಾಕ್ ಆಗ್ರೋ ಎಂಬ ಕಂಟ್ರೋಲ್ದ್ ಎನ್ವಿರಾನ್'ಮೆಂಟ್ ಸ್ಟೋರೆಜ್ ಕಂಪನಿ ಪ್ರಾಯೋಜಿಸಿತ್ತು.
MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್
ಆದಿಲ್ ತೆಲಿ ಸೈಕಲ್ ಮೂಲಕ ದಾಖಲೆ ನಿರ್ಮಿಸುತ್ತಿರುವುದು ಇದೇ ಮೊದಲಲ್ಲ. ಈ ಹಿಂದೆ 2019ರಲ್ಲಿ ಶ್ರೀನಗರದಿಂದ ಲೇಹ್ಗೆ ಕೇವಲ 26 ಗಂಟೆ 30 ನಿಮಿಷಗಳಲ್ಲಿ 440 ಕಿ.ಮೀ ಎತ್ತರದಲ್ಲಿ ಪ್ರಯಾಣಿಸಿ ಅತಿ ವೇಗದ ಸೈಕ್ಲಿಸ್ಟ್ ಎಂಬ ಹೊಸ ದಾಖಲೆಯನ್ನು ನಿರ್ಮಿಸಿದ್ದ.
ಈ ದಾಖಲೆಯು ಆತ ಹೊಸ ದಾಖಲೆಯನ್ನು ನಿರ್ಮಿಸಲು ಮತ್ತಷ್ಟು ಪ್ರೇರಣೆ ನೀಡಿದೆ. ಆದಿಲ್ ತನ್ನ ಸಾಧನೆಯನ್ನು ಎಲ್ಲಾ ಪುರಾವೆಗಳ ಸಮೇತ ಅಧಿಕೃತ ಮಾನ್ಯತೆಗಾಗಿ ಗಿನ್ನೆಸ್ ವಿಶ್ವ ದಾಖಲೆಯಲ್ಲಿ ದಾಖಲಿಸುವ ಪ್ರಕ್ರಿಯೆಯಲ್ಲಿದ್ದಾನೆ.
ಚಿತ್ರಕೃಪೆ: ಆದಿಲ್ ತೆಲಿ