ಕೇರಳದಲ್ಲಿ ಮತ್ತೆ ಕಾರು ಹತ್ತಿದ ಹೆಣ್ಣು ದೆವ್ವ? AI ಕ್ಯಾಮೆರಾದಲ್ಲಿ ಸೆರೆಯಾದ ಚಿತ್ರ

ಇತ್ತೀಚೆಗೆ ದೇಶದ ನಾನಾ ಕಡೆ ಸಂಚಾರಿ ನಿಯಮಗಳನ್ನು ವಾಹನ ಸವಾರರು ಉಲ್ಲಂಘಿಸುವುದನ್ನು ತಪ್ಪಿಸುವುದಕ್ಕಾಗಿ ಹಲವಾರು ವಿನೂತನ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಕೇರಳ ಸರ್ಕಾರ ಈ ವರ್ಷದ ಆರಂಭದಲ್ಲಿ ರಾಜ್ಯದಲ್ಲಿ ತೆಗೆದುಕೊಂಡಿದ್ದ ಒಂದು ನಿರ್ಧಾರ ಭಾರೀ ಸುದ್ದಿ ಮಾಡುತ್ತಿದೆ. ಕೇರಳ ಸರ್ಕಾರ ಅಳವಡಿಸಿರುವ AI ಟ್ರಾಫಿಕ್ ಕ್ಯಾಮೆರಾಗಳು ಸ್ಥಾಪನೆಯಾದಾಗಿನಿಂದ ಸುದ್ದಿಯಲ್ಲಿವೆ.

ಆರಂಭದಲ್ಲಿ, ಈ ಸಿಸ್ಟಂನಲ್ಲಿ ಹಲವಾರು ಸಮಸ್ಯೆಗಳಿದ್ದವು, ಮತ್ತು ಅವುಗಳು ಕಾಲಕಾಲಕ್ಕೆ ಬಗೆಹರಿಸುತ್ತಿದ್ದಾರೆ. ಕ್ಯಾಮೆರಾಗಳು ವಾಹನದ ನಂಬರ್ ಪತ್ತೆಹಚ್ಚಲು ಸಾಧ್ಯವಾಗದ ಅಥವಾ ತಪ್ಪು ಚಲನ್‌ಗಳನ್ನು ನೀಡಿದ ಉದಾಹರಣೆಗಳೂ ಇವೆ. AI ಕ್ಯಾಮೆರಾಗಳಿಂದ (AI Camera) ಕ್ಲಿಕ್ ಮಾಡಲಾದ ಕೆಲವು ಆಸಕ್ತಿದಾಯಕ ಫೋಟೋಗಳ ಸರಣಿಯನ್ನು ನಾವು ನೋಡಿದ್ದೇವೆ. ಅದೇ ರೀತಿ ಇತ್ತೀಚೆಗೆ, ಮಾರುತಿ 800 ಕಾರಿನ ಹಿಂಭಾಗದ ಸೀಟಿನಲ್ಲಿ 'ಭೂತ' ಇರುವ ಫೋಟೋ ಭಾರೀ ವೈರಲ್ ಆಗಿತ್ತು.

ಇದೀಗ ಮತ್ತೊಂದು ಚಿತ್ರ ವೈರಲ್ ಆಗಿದೆ. ಕಾರಿನಲ್ಲಿ ಯಾವುದೇ ಮಹಿಳೆ ಇಲ್ಲದಿದ್ದರೂ ಸಹ. ಪೋಟೋದಲ್ಲಿ ಕಾರಿನಲ್ಲಿ ಒಂದು ಮಹಿಳೆಯನ್ನು ಕಾಣಬಹುದು. ಈ ಘಟನೆಯು ಕಣ್ಣೂರಿನಿಂದ ವರದಿಯಾಗಿದೆ. ಟೊಯೊಟಾ ಗ್ಲಾಂಝಾ (Toyota Glanza) ಕಾರು ಡ್ರೈವ್ ಮಾಡುತ್ತಿದ್ದ ವ್ಯಕ್ತಿಯು ಸೀಟ್ ಬೆಲ್ಟ್ ಧರಿಸದ ಕಾರಣಕ್ಕೆ ಚಲನ್ ಅನ್ನು ನೀಡಿದ್ದಾರೆ. ಚಲನ್ ಸ್ವೀಕರಿಸಿದ ಮಾಲೀಕರು ಸಹ-ಪ್ರಯಾಣಿಕರ ಸೀಟಿನಲ್ಲಿ ತನ್ನ ಪಕ್ಕದಲ್ಲಿ ಕುಳಿತಿರುವ ಮಹಿಳೆಯ ಚಿತ್ರವನ್ನು ನೋಡಿ ಆಘಾತಕ್ಕೊಳಗಾದರು.

ಇ-ಚಲನ್‌ನ ಚಿತ್ರವು ಈಗಾಗಲೇ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. ಇದು ವ್ಯಕ್ತಿಯು ದೆವ್ವದೊಂದಿಗೆ ಚಾಲನೆ ಮಾಡುತ್ತಿದ್ದಾನೆ ಎಂದು ಹೇಳುತ್ತಿದ್ದಾರೆ. ಈ ಘಟನೆ ಕಣ್ಣೂರು ಜಿಲ್ಲೆಯ ಪಯ್ಯನ್ನೂರಿನಲ್ಲಿ ವರದಿಯಾಗಿದೆ. ಪಾನೂರು ಸಮೀಪದ ಕಡವತೂರಿನ ಮೀತ್ತಲೆ ಕುಂಞತ್ ಅಲಿ ಎಂಬವರು ಇತ್ತೀಚೆಗೆ ಮೋಟಾರು ವಾಹನ ಇಲಾಖೆಯಿಂದ ಚಲನ್ ಸ್ವೀಕರಿಸಿದ್ದರು. ಚಲನ್ ಅನ್ನು ಪರಿಶೀಲಿಸಿದಾಗ, ಆಶ್ಚರ್ಯಚಕಿತರಾದರು.

ಕುನ್ನತ್ ಅಲಿ ಅವರು ಕಾರಿನಲ್ಲಿ ಒಬ್ಬರೇ ಪ್ರಯಾಣಿಸುತ್ತಿದ್ದರು ಮತ್ತು ಸಹ-ಪ್ರಯಾಣಿಕ ಸೀಟಿನಲ್ಲಿದ್ದ ಮಹಿಳೆ ಯಾರೆಂದು ಅವರಿಗೆ ತಿಳಿದಿರಲಿಲ್ಲ. ಚಲನ್ ನೀಡಿದ ದಿನಾಂಕದಂದು ಚಲನ್‌ನಲ್ಲಿ ನಿರ್ದಿಷ್ಟಪಡಿಸಿದ ಮಾರ್ಗದಲ್ಲಿ ಅವರು ಪ್ರಯಾಣಿಸಿಲ್ಲ ಎಂಬ ವಿಶ್ವಾಸವಿದೆ ಎಂದು ಅವರು ಹೇಳಿದ್ದಾರೆ. ಅಲಿ ಮಿನರಲ್ ವಾಟರ್ ವಿತರಣಾ ವ್ಯವಹಾರವನ್ನು ನಡೆಸುತ್ತಿದ್ದಾರೆ ಮತ್ತು ಆಗಾಗ್ಗೆ ಕೆಲಸಕ್ಕಾಗಿ ಜಿಲ್ಲೆಯ ಒಳಗೆ ಮತ್ತು ಹೊರಗೆ ಪ್ರಯಾಣಿಸುತ್ತಾರೆ.

ಆದರೆ, ಕ್ಯಾಮೆರಾದಲ್ಲಿ ಚಲನ್ ಸೆರೆಯಾದ ದಿನಾಂಕದಂದು ಅವರು ನಿಗದಿತ ಮಾರ್ಗದಲ್ಲಿ ಚಾಲನೆ ಮಾಡಲಿಲ್ಲ ಎಂಬುದು ಖಚಿತವಾಗಿದೆ. ಅಲಿ ಅವರು ಮಾತನಾಡಿ, ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ, "ಚಿತ್ರದಲ್ಲಿರುವ ಕಾರು ನನ್ನದು, ಆದರೆ ದೃಶ್ಯದಲ್ಲಿರುವ ಮಹಿಳೆಯ ಬಗ್ಗೆ ನನಗೆ ಗೊತ್ತಿಲ್ಲ. ಸೀಟ್ ಬೆಲ್ಟ್ ಧರಿಸದ ಕಾರಣಕ್ಕೆ ಇ-ಚಲನ್ ನೀಡಲಾಗಿದೆ. ನಾನು ಮೋಟಾರು ವಾಹನ ಇಲಾಖೆ ಅಧಿಕಾರಿಗಳನ್ನು ಸಂಪರ್ಕಿಸಿದೆ ಆದರೆ ಇನ್ನೂ ತೃಪ್ತಿಕರ ಉತ್ತರ ಸಿಕ್ಕಿಲ್ಲ.

ಸೀಟ್ ಬೆಲ್ಟ್ ಧರಿಸದಿದ್ದಕ್ಕಾಗಿ ಚಲನ್ ಪಾವತಿಸಲು ಸಿದ್ಧ ಎಂದು ಅಲಿ ಅಧಿಕಾರಿಗಳಿಗೆ ತಿಳಿಸಿದರು. ಆದರೆ, ಕಾರಿನಲ್ಲಿ ಮಹಿಳೆ ಇದ್ದುದನ್ನು ಅಧಿಕಾರಿಗಳು ವಿವರಿಸಬೇಕು ಎಂದು ಅವರು ಒತ್ತಾಯಿಸಿದ್ದಾರೆ. ಈ ಹಿಂದೆ ಪಯ್ಯನ್ನೂರಿನಲ್ಲಿ ನಡೆದ ಘಟನೆಯಲ್ಲಿ ಸೀಟ್ ಬೆಲ್ಟ್ ಧರಿಸದ ಕಾರಣಕ್ಕೆ ಮಾರುತಿ 800 ಚಾಲಕನಿಗೆ ಕ್ಯಾಮೆರಾ ಚಲನ್ ನೀಡಿತ್ತು. ಕೆಲವು ದೋಷಗಳಿಂದ, ಕ್ಯಾಮೆರಾ ಹಿಂದಿನ ಸೀಟಿನಲ್ಲಿ ಕುಳಿತಿರುವ ಮಕ್ಕಳ ಚಿತ್ರವನ್ನು ಮಹಿಳೆಯ ಚಿತ್ರದೊಂದಿಗೆ ಬದಲಾಯಿಸಿತು.

ನಂತರ ಒಂದು ಫೋಟೋ ಮತ್ತೊಂದು ಫೋಟೋಗೆ ಸೇರಿ ದೋಷ ಎಂದು ಇಲಾಖೆ ನಂತರ ಒಪ್ಪಿಕೊಂಡಿತು. ಆದರೆ, ಟೊಯೊಟಾ ಗ್ಲಾಂಝಾ ವಿಚಾರದಲ್ಲಿ ಇಲಾಖೆ ಇನ್ನೂ ವಿವರಣೆ ನೀಡಬೇಕಿದೆ. ತನಗಾಗಿ ದಂಡವನ್ನು ಪಾವತಿಸಲು ಸಿದ್ಧನಿದ್ದೇನೆ ಎಂದು ಅಲಿ ಹೇಳುತ್ತಾನೆ, ಆದರೆ ಚಿತ್ರದಲ್ಲಿ ತನ್ನ ಪಕ್ಕದಲ್ಲಿ ಕುಳಿತಿರುವ ಮಹಿಳೆಯ ಬಗ್ಗೆ ಅವನಿಗೆ ತಿಳಿದಿಲ್ಲ. ಆಕೆ ಕೂಡ ಸೀಟ್ ಬೆಲ್ಟ್ ಧರಿಸಿಲ್ಲ ಎಂಬುದು ಚಿತ್ರದಿಂದ ಸ್ಪಷ್ಟವಾಗಿದೆ. ಚಿತ್ರವನ್ನು ರಾತ್ರಿಯಲ್ಲಿ ಸೆರೆಹಿಡಿಯಲಾಗಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತ ಆಟೋಮೊಬೈಲ್ ಸುದ್ದಿಗಳನ್ನು ಒದಗಿಸುತ್ತದೆ, ಎಲ್ಲಾ ಸಾಮಾಜಿಕ ಮಾಧ್ಯಮಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಹಂಚಿಕೊಳ್ಳುತ್ತದೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್ ಪೇಜ್‌ಗಳೊಂದಿಗೆ ಸಂಪರ್ಕದಲ್ಲಿರಿ. ನಿಮಗೆ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ. ಜೊತೆಗೆ ನಿಮ್ಮ ಸ್ನೇಹಿತರಿಗೂ ಶೇರ್ ಮಾಡಲು ಮರೆಯದಿರಿ.