ಮಾಡಿಫೈಗೊಂಡ ಕಾರಿನ ರಿಜಿಸ್ಟ್ರೇಷನ್ ಅಮಾನತುಪಡಿಸಿದ ಸಾರಿಗೆ ಇಲಾಖೆ

ಕೇರಳ ಮೋಟಾರು ವಾಹನ ಇಲಾಖೆಯು ಈ ಇಸುಝು ಡಿ-ಮ್ಯಾಕ್ಸ್ ವಿ-ಕ್ರಾಸ್ ಕಾರು ಮಾಲೀಕರ ಮನೆಗೆ ತೆರಳಿ ರೂ.48,000ಗಳ ದಂಡ ವಿಧಿಸಿತ್ತು. ಇಸುಝುಡಿ-ಮ್ಯಾಕ್ಸ್ ವಿ-ಕ್ರಾಸ್ ಮಾಲೀಕ ಅಬಿನ್ ಬಾಬ್ಸ್ ಅಬ್ರಹಾಂ, ಕೇರಳ ಮೋಟಾರು ವಾಹನ ಇಲಾಖೆಯು ವಿಧಿಸಿದ್ದ ದಂಡದ ವಿರುದ್ಧ ನ್ಯಾಯಾಲಯದ ಮೊರೆ ಹೋಗಿದ್ದರು.

ಇತ್ತೀಚಿನ ವರದಿಗಳ ಪ್ರಕಾರ ಕೇರಳದ ಮೋಟಾರು ವಾಹನ ಇಲಾಖೆಯು ಈ ಇಸುಝು ಡಿ-ಮ್ಯಾಕ್ಸ್ ವಿ-ಕ್ರಾಸ್ ವಾಹನದ ರಿಜಿಸ್ಟ್ರೇಷನ್ ಅನ್ನು ಅಮಾನತು ಪಡಿಸಿ ಕಾರಿನ ಮಾಲೀಕರಿಗೆ ನೋಟಿಸ್ ನೀಡಿದೆ. ಈ ಅಮಾನತು 6 ತಿಂಗಳವರೆಗೆ ಅಥವಾ ಮಾಡಿಫೈ ಮಾಡಲಾದ ಎಲ್ಲಾ ಭಾಗಗಳನ್ನು ವಾಹನದಿಂದ ತೆಗೆದುಹಾಕುವವರೆಗೆ ಮಾನ್ಯವಾಗಿರಲಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಈ ಪಿಕಪ್ ಟ್ರಕ್‌ನಲ್ಲಿದ್ದ ಬಿಡಿಭಾಗಗಳನ್ನು ಬದಲಿಸಿದ ನಂತರ ತಪಾಸಣೆಗಾಗಿ ವಾಹನವನ್ನು ಆರ್‌ಟಿಒ ಮುಂದೆ ಹಾಜರುಪಡಿಸಬೇಕಿತ್ತೆಂದು ಕೇರಳದ ಮೋಟಾರು ವಾಹನ ಇಲಾಖೆಯು ತಾನು ನೀಡಿರುವ ಅಮಾನತು ನೋಟಿಸಿನಲ್ಲಿ ತಿಳಿಸಿದೆ. ಕೇರಳದ ಮೋಟಾರು ವಾಹನ ಇಲಾಖೆಯ ನಿಯಮಗಳ ಅನುಸಾರ ಈ ರಿಜಿಸ್ಟ್ರೇಷನ್ ಅಮಾನತನ್ನು ಮುಂದೂಡಬಹುದು.

ಈ ಇಸುಝು ಡಿ-ಮ್ಯಾಕ್ಸ್ ವಿ-ಕ್ರಾಸ್ ನಲ್ಲಿರುವ ಮಾಡಿಫೈಮಾಡಲಾದ ಭಾಗಗಳನ್ನು ಇನ್ನು ಆರು ತಿಂಗಳಲ್ಲಿ ಬದಲಿಸದಿದ್ದರೆ ಈ ವಾಹನದ ರಿಜಿಸ್ಟ್ರೇಷನ್ ನಂಬರ್ ಅನ್ನು ಶಾಶ್ವತವಾಗಿ ರದ್ದುಗೊಳಿಸಲಾಗುವುದೆಂದು ಇಲಾಖೆಯು ಎಚ್ಚರಿಕೆ ನೀಡಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಈ ಇಸುಝು ಡಿ-ಮ್ಯಾಕ್ಸ್ ವಿ-ಕ್ರಾಸ್‌ ಅನ್ನು ಭಾರತದಲ್ಲಿ ಹಿಂದೆಂದೂ ಮಾಡದ ರೀತಿಯಲ್ಲಿ ಮಾಡಿಫೈ ಮಾಡಲಾಗಿದೆ. ಈ ಟ್ರಕ್‌ನಲ್ಲಿ 12 ಇಂಚಿನ ಬೃಹತ್ ಲಿಫ್ಟ್ ಕಿಟ್ ಬಳಸಲಾಗಿದೆ. ಹೆಚ್ಚು ಉದ್ದವಿರುವ ಈ ಕಿಟ್ ಆಫ್ಟರ್ ಮಾರ್ಕೆಟ್ ಟಯರ್‌ಗಳೊಂದಿಗೆ ಬರುತ್ತದೆ.

ಇದರ ಜೊತೆಗೆ ಸ್ಟೀಲ್ ಪೈಪ್ ಹಾಗೂ ವೈಡ್‌ಬಾಡಿ ಕಿಟ್‌ನಿಂದ ಮಾಡಿದ ಕಸ್ಟಮೈಸ್ಡ್ ಫ್ರಂಟ್ ಬಂಪರ್ ಸೇರಿದಂತೆ ಹಲವಾರು ಆಫ್ಟರ್ ಮಾರ್ಕೆಟ್ ಬಿಡಿ ಭಾಗಗಳನ್ನು ಈ ವಾಹನದಲ್ಲಿ ಅಳವಡಿಸಲಾಗಿದೆ. ಇಸುಝು ಡಿ-ಮ್ಯಾಕ್ಸ್ ದೇಶದ ಅತ್ಯಂತ ಜನಪ್ರಿಯ ವಿ-ಕ್ರಾಸ್ ಪಿಕಪ್ ಟ್ರಕ್‌ಗಳಲ್ಲಿ ಒಂದಾಗಿದೆ. ಈವೆಂಟ್‌ಗಳಲ್ಲಿ ಈ ಟ್ರಕ್ ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಬಹುದು.