ಡ್ಯೂಪ್‌ ಬೇಡವೆಂದು ತಾನೇ ಸ್ಟಂಟ್‌ ಮಾಡಿದ ನಟ: ಡ್ರೈವಿಂಗ್‌ ಗೊತ್ತಿಲ್ಲದೇ ಕಾರು ಪಲ್ಟಿಯಾಗಿ ಅಪಘಾತವಾಯಿತೇ?

ನಾವು ಹಲವು ಚಿತ್ರಗಳಲ್ಲಿ ವಿವಿಧ ಬಗೆಯ ಆ್ಯಕ್ಷನ್‌ ದೃಶ್ಯಗಳನ್ನು ನೋಡಿದ್ದೇವೆ. ಬಹುತೇಕ ನಾಯಕರೆಲ್ಲರೂ ಆ್ಯಕ್ಷನ್‌ ದೃಶ್ಯಗಳನ್ನು ಶೂಟ್‌ ಮಾಡುವಾಗ ಡ್ಯೂಪ್‌ಗಳನ್ನು ಬಳಸುತ್ತಾರೆ. ಆದರೆ ಇಲ್ಲೊಬ್ಬ ಪ್ರಸಿದ್ದ ನಟ, ತನ್ನ ಚಿತ್ರದ ಆ್ಯಕ್ಷನ್‌ ದೃಶ್ಯವೊಂದನ್ನು ಶೂಟ್‌ ಮಾಡುವಾಗ, ಯಾವುದೇ ಡ್ಯೂಪ್‌ ಬಳಸದೇ, ಕಾರು ಪಲ್ಟಿಯಾಗಿದ್ದು ತನ್ನ ಪ್ರಾಣವನ್ನೇ ಒತ್ತೆಯಿಟ್ಟಿದ್ದಾರೆ.

ಹೌದು, ತಮಿಳು ನಟ ಅಜಿತ್‌ ಚಿತ್ರವೊಂದರ ಶೂಟಿಂಗ್‌ ವೇಳೆ ತಾನು ಡ್ರೈವ್‌ ಮಾಡುತ್ತಿದ್ದ ಕಾರು ಪಲ್ಟಿಯಾಗಿ ಬಿದ್ದಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ವಿಡಿಯೋದಲ್ಲಿ ಕಾಣುತ್ತಿರುವಂತೆ ನಟ ಅಜಿತ್‌ ಜೊತೆ ಇನ್ನೊಬ್ಬ ಸಹ ಪ್ರಯಾಣಿಕ ಕೂಡ ಇದ್ದು ಈ ಅಪಘಾತ ಸಿನಿಮಾಗಾಗಿ ಮಾಡಲಾಗಿದೆಯೋ ಅಥವಾ ಸಿನಿಮಾ ಶೂಟಿಂಗ್‌ ವೇಳೆ ಅಕಸ್ಮಿಕವಾಗಿ ಸಂಭವಿಸಿದೆಯೋ ಎಂಬುದು ಇನ್ನೂ ತಿಳಿದು ಬಂದಿಲ್ಲ.

ಘಟನೆಗೆ ಸಂಭಂಧಿಸಿದಂತೆ ಲೈಕಾ ಪ್ರೊಡಕ್ಷನ್‌ನ ಎಕ್ಸ್‌ ಖಾತೆಯಲ್ಲಿ ವಿಡಿಯೋ ಪೋಸ್ಟ್‌ ಮಾಡಲಾಗಿದ್ದು, ಮೂರು ವಿಡಿಯೋಗಳನ್ನು ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಒಂದು ಕಾರಿನ ಒಳಭಾಗದಲ್ಲಿ ಅಂದರೆ ಡ್ಯಾಶ್ ಕ್ಯಾಮ್‌ನ ಕ್ಯಾಮೆರಾದಲ್ಲಿ ವಿಡಿಯೋ ಸೆರೆಯಾದರೆ, ಇನ್ನೆರಡು ವಿಡಿಯೋಗಳು ಹೊರಭಾಗದಿಂದ ಶೂಟ್ ಮಾಡಲಾಗಿದೆ. ಈ ಕುರಿತಾಗಿ ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿದು ಬರಬೇಕಿದೆ.

ಇನ್ನು ಕೆಲವೊಂದು ಮಾಹಿತಿಗಳ ಪ್ರಕಾರ ಇದು ಸಿನಿಮಾ ಶೂಟಿಂಗ್‌ಗೆ ಚಿತ್ರೀಕರಿಸಲಾಗುತ್ತಿರುವ ದೃಶ್ಯವಾಗಿದ್ದು, ಈ ದೃಶ್ಯವನ್ನು ಅಭಿನಯಿಸಲು ಸ್ವತಃ ಅಜಿತ್‌ ಅವರೇ ಒಪ್ಪಿಕೊಂಡಿದ್ದರು ಎಂದು ತಿಳಿದು ಬಂದಿದೆ. ವೊಡೊಯೋದಲ್ಲಿ ಕಾಣುವಂತೆ ಇದೊಂದು ಅಪಾಯಕಾರಿ ದೃಶ್ಯವಾಗಿದ್ದು ಇದನ್ನು ಅಭಿನಯಿಸಲು ಡ್ಯೂಪ್‌ ಅನ್ನು ಬಳಸದೇ, ಸ್ವತಃ ಅಜಿತ್‌ ಅವರೇ ಅಭಿನಯಿಸಿರುವುದು ಚಿತ್ರದ ಮೇಲೆ ಅವರಿಟ್ಟಿರುವ ಆಳವನ್ನು ನಾವು ಊಹಿಸಿಕೊಳ್ಳಬುದಾಗಿದೆ.

ದೃಶ್ಯದಲ್ಲಿ ನಟ ಅಜಿತ್ ಕುಮಾರ್ ಹಮ್ಮರ್ ಹೆಚ್2 ಕಾರನ್ನು ಓಡಿಸುತ್ತಿದ್ದರು. ಆ ವೇಳೆ ಸಿನಿಮಾದ ದೃಶ್ಯಕ್ಕಾಗಿ ಕಾರು ಅಪಘಾತದಂತಹ ದೃಶ್ಯಗಳನ್ನು ಚಿತ್ರೀಕರಿಸಬೇಕಿತ್ತು (Ajith Kumar Scariest Car Stunt). ಇದಕ್ಕಾಗಿ ಡ್ರೋನ್ ಡ್ಯಾಶ್‌ಬೋರ್ಡ್ ಕ್ಯಾಮೆರಾ ಸೇರಿದಂತೆ ವಿವಿಧ ಸೆಟಪ್‌ಗಳೊಂದಿಗೆ ಸಿಬ್ಬಂದಿ ಈ ದೃಶ್ಯವನ್ನು ಚಿತ್ರೀಕರಿಸಿದ್ದಾರೆ.

ಇದಕ್ಕೂ ಮೊದಲು, ಅಕ್ಟೋಬರ್ 2023 ರಲ್ಲಿ, ಹಮ್ಮರ್ H2 ಮರುಭೂಮಿಯಲ್ಲಿ ಚಿತ್ರೀಕರಣದ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಬಿಡುಗಡೆ ಮಾಡಲಾಯಿತು. ನಂತರ ಈ ವೀಡಿಯೊ ಶ್ರದ್ಧೆಯಿಂದ ಶೂಟಿಂಗ್ ಸೈಟ್ ಆಗಿ ವೈರಲ್ ಆಗಿತ್ತು. ವೀಡಿಯೊದಲ್ಲಿ ಹಮ್ಮರ್ H2 ಅನ್ನು ಸಹ ತೋರಿಸಲಾಗಿದೆ. ಇದೀಗ ನಟ ಅಜಿತ್ ಚಾಲನೆ ಮಾಡುತ್ತಿರುವ ದೃಶ್ಯಾವಳಿ ಬಿಡುಗಡೆಯಾಗಿದೆ.

ಬಿಡುಗಡೆಯಾಗಿರುವ ದೃಶ್ಯಾವಳಿಯಲ್ಲಿ ನಟ ಅಜಿತ್ ವೇಗದ ಹಮ್ಮರ್ ಹೆಚ್2 ಚಾಲನೆ ಮಾಡುತ್ತಿದ್ದಾರೆ. ಮರುಭೂಮಿಯ ಮಧ್ಯದ ರಸ್ತೆಯಲ್ಲಿ ಈ ಕಾರು ಅಡ್ಡಾದಿಡ್ಡಿಯಾಗಿ ಚಲಿಸುತ್ತಿದೆ. ನಂತರ ಕೆಲವು ಹಂತದಲ್ಲಿ ನಟ ಅಜಿತ್ ನಿಯಂತ್ರಣವನ್ನು ಕಳೆದುಕೊಂಡರು ಮತ್ತು ಕಾರು ರಸ್ತೆಯಿಂದ ಕೆಳಗಿರುವ ಮರುಭೂಮಿಗೆ ಬೀಳುತ್ತದೆ. ಇದು ಖಂಡಿತವಾಗಿಯೂ ಚಿತ್ರಕ್ಕೆ ಶುಟ್ ಮಾಡಿರುವ ರಂಗ ಎಂಬುದು ನೆಟ್ಟಿಗರ ಅಭಿಪ್ರಾಯ.

ಸದ್ಯ ಹರಿದಾಡುತ್ತಿರುವ ವೀಡಿಯೋದಲ್ಲಿ ಈ ದೃಶ್ಯಗಳನ್ನು ಡ್ರೋನ್ ಕ್ಯಾಮೆರಾ, ಸ್ಟೆಡಿ ಕ್ಯಾಮೆರಾ ಮತ್ತು ಕಾರಿನ ಮುಂಭಾಗದ ಡ್ಯಾಶ್‌ಬೋರ್ಡ್‌ನಲ್ಲಿ ಅಳವಡಿಸಲಾಗಿರುವ ಕ್ಯಾಮರಾದಿಂದ ರೆಕಾರ್ಡ್ ಮಾಡಲಾಗಿದೆ. ಈ ಮೂರು ದೃಶ್ಯಗಳನ್ನು ಪ್ರತ್ಯೇಕವಾಗಿ ಬಿಡುಗಡೆ ಮಾಡಲಾಗಿದೆ. ಈ ವಿಡಿಯೋಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ಈ ವೀಡಿಯೊದಲ್ಲಿರುವ ಕಾರು ಹಮ್ಮರ್ H2 ಆಗಿದೆ. ಸದ್ಯ ಈ ಕಾರು ಮಾರುಕಟ್ಟೆಯಲ್ಲಿ ಮಾರಾಟಕ್ಕಿಲ್ಲ, ಹಳೆಯ ಕಾರನ್ನು ಸದ್ಯ ಈ ಚಿತ್ರೀಕರಣಕ್ಕೆ ಬಳಸಲಾಗುತ್ತಿದೆ. ಬಿಡುಗಡೆಯಾದಾಗಿನಿಂದ ಈ ಕಾರು ವಿಶ್ವದೆಲ್ಲೆಡೆ ಭಾರಿ ಹಿಟ್ ಆಗಿದೆ. ಈ ಕಾರಿನ ಉತ್ಪಾದನೆಯನ್ನು 2009 ರಲ್ಲಿ ನಿಲ್ಲಿಸಲಾಯಿತು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.