ಮೊದಲ ಫ್ಯಾನ್ಸಿ ನಂಬರ್ ಹರಾಜಿನಲ್ಲಿಯೇ ಬಂಪರ್ ಹೊಡೆದ ಆರ್‌ಟಿಒ ಕಚೇರಿ

ಬಹುತೇಕ ಕೋಟ್ಯಾಧಿಪತಿಗಳು ಕಾರನ್ನು ಮಾತ್ರವಲ್ಲದೆ ತಮ್ಮ ಕಾರಿನ ರಿಜಿಸ್ಟ್ರೇಷನ್ ನಂಬರ್ ಅನ್ನು ಸಹ ವಿಶೇಷವಾಗಿರಿಸಲು ಬಯಸುತ್ತಾರೆ. ಇದಕ್ಕಾಗಿ ಅವರು ಕಾರಿಗೆ ಸಮನಾದ ಮೊತ್ತವನ್ನು ಖರ್ಚು ಮಾಡುತ್ತಾರೆ. ಕೆಲವೊಮ್ಮೆ ಈ ಮೊತ್ತವು ಕಾರಿನ ಬೆಲೆಗಿಂತ ದುಬಾರಿಯಾಗಿರುತ್ತದೆ. ಇತ್ತೀಚೆಗೆ ಮಲಪ್ಪುರಂನಲ್ಲಿ ಕೊಂಡೊಟ್ಟಿ ಎಂಬ ಹೊಸ ಆರ್‌ಟಿಒ ಕಚೇರಿಯನ್ನು ತೆರೆಯಲಾಗಿದೆ.

ಈ ಆರ್‌ಟಿಒದ ಅಧಿಕಾರಿಗಳು ತಮ್ಮ ಕಚೇರಿಯ ಮೊದಲ ನೋಂದಣಿ ಸಂಖ್ಯೆಯಾದ ಕೆಎಲ್ 840001 ನಂಬರ್ ಅನ್ನು ಹರಾಜು ಹಾಕಲು ಬಯಸಿದ್ದರು. ಈ ಹರಾಜಿನಲ್ಲಿ ಭಾಗವಹಿಸಿದ್ದ ಮೊಹಮ್ಮದ್ ರಫೀಕ್ ಎಂಬ ಯುವಕ ಈ ನಂಬರ್ ಅನ್ನು ಖರೀದಿಸಿದ್ದಾನೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಮಹಮ್ಮದ್ ರಫೀಕ್ ರೂ.9,01,000 ನೀಡಿ ತನ್ನ ಹೊಸ ಮರ್ಸಿಡಿಸ್ ಬೆಂಝ್ ಎಎಂಜಿ ಜಿಎಲ್ಇ 53 ಕೂಪೆ ಕಾರಿಗಾಗಿ ಈ ನಂಬರ್ ಖರೀದಿಸಿದ್ದಾನೆ. ಕೆಎಲ್ 840001 ಫ್ಯಾನ್ಸಿ ನಂಬರ್ ಗಾಗಿ ನಡೆದ ಹರಾಜಿನಲ್ಲಿ ಇಬ್ಬರು ಮಾತ್ರ ಭಾಗವಹಿಸಿದ್ದರು.

ರಫೀಕ್ ತನ್ನ ಕಾರಿಗೆ ರಸ್ತೆ ತೆರಿಗೆಯಾಗಿ ರೂ.25 ಲಕ್ಷಗಳನ್ನು ಪಾವತಿಸಿದ್ದಾನೆ ಎಂದು ಹೇಳಲಾಗಿದೆ. ಮಲಪ್ಪುರಂ ಲೈಫ್ ಸ್ಟೈಲ್ ಪ್ರಕಟಿಸಿದ ಮಾಹಿತಿಯಲ್ಲಿ ಈ ಎಲ್ಲಾ ಅಂಶಗಳು ಬಹಿರಂಗವಾಗಿವೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಮರ್ಸಿಡಿಸ್ ಬೆಂಝ್ ಕಂಪನಿಯು ತನ್ನ ಹೊಸ ಎಎಂಜಿ ಜಿಎಲ್ಇ 53 ಕೂಪೆ ಕಾರನ್ನು ಈ ವರ್ಷದ ಸೆಪ್ಟೆಂಬರ್ ತಿಂಗಳಿನಲ್ಲಿ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತು. ಈ ಕಾರಿನ ಬೆಲೆ ಎಕ್ಸ್ ಶೋರೂಂ ದರದಂತೆ ರೂ.1.20 ಕೋಟಿಗಳಾಗಿದೆ.

ಹೊಸ ಎಎಂಜಿ ಜಿಎಲ್‌ಇ 53 ಕೂಪೆ ಕಾರು ಹಿಂದಿನ ಮಾದರಿಗಿಂತ ಹೆಚ್ಚು ಶಕ್ತಿಶಾಲಿಯಾಗಿದೆ. ಈ ಕಾರಿನಲ್ಲಿ ಮರ್ಸಿಡಿಸ್ ಬೆಂಝ್ ಕಂಪನಿಯು ಹಗುರವಾದ ಹೈಬ್ರಿಡ್ ಸಿಸ್ಟಂ ಅನ್ನು ನೀಡಿದೆ. ಈ ಸಿಸ್ಟಂ ಎಂಜಿನ್‌ನ ದಕ್ಷತೆ ಹಾಗೂ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು ನೆರವಾಗುತ್ತದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಈ ಕಾರಿನಲ್ಲಿ 3.0-ಲೀಟರಿನ ಟ್ವಿನ್-ಟರ್ಬೊ 6-ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ. ಈ ಹೈಬ್ರಿಡ್ ಎಂಜಿನ್ 435 ಬಿಹೆಚ್‌ಪಿ ಪವರ್ ಹಾಗೂ 530 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಎಂಜಿನ್ ನೊಂದಿಗೆ 9-ಸ್ಪೀಡಿನ ಆಟೋಮ್ಯಾಟಿಕ್ ಟ್ರಾನ್ಸ್ ಮಿಷನ್ ಯೂನಿಟ್ ಜೋಡಿಸಲಾಗಿದೆ.

ಹೊಸ ಎಎಂಜಿ ಜಿಎಲ್‌ಇ 53 ಕೂಪೆ ಕಾರು ಗಂಟೆಗೆ 250 ಕಿ.ಮೀ ವೇಗದಲ್ಲಿ ಚಲಿಸುತ್ತದೆ. ಈ ಕಾರು 0 - 100 ಕಿ.ಮೀ ವೇಗವನ್ನು 5.3 ಸೆಕೆಂಡುಗಳಲ್ಲಿ ಆಕ್ಸಲರೇಟ್ ಮಾಡುತ್ತದೆ.