ತಲೆ ಮೇಲೆ ಬೈಕ್ ಹೊತ್ತು ಬಸ್ಸಿನ ಮೇಲೆರಿದ ಕೂಲಿ ಕಾರ್ಮಿಕ

9 ಸೆಕೆಂಡುಗಳಿರುವ ಈ ವೀಡಿಯೊವನ್ನು ಅಜಯಿತಾ ಎಂಬ ಟ್ವಿಟರ್ ಬಳಕೆದಾರರು ಟ್ವೀಟ್ ಮಾಡಿದ್ದಾರೆ. ಈ ವೀಡಿಯೊದಲ್ಲಿ ಕಾರ್ಮಿಕನೊಬ್ಬ ಬೈಕ್ ಅನ್ನು ತನ್ನ ತಲೆಯ ಮೇಲೆ ಇಟ್ಟು ಕೊಂಡು ಏಣಿಯ ಸಹಾಯದಿಂದ ಬಸ್ಸಿನ ಮೇಲೆ ಏರುತ್ತಿರುವುದನ್ನು ಕಾಣಬಹುದು.

ಈ ವೀಡಿಯೊದಲ್ಲಿ ಮತ್ತೊಬ್ಬ ಆತನಿಗೆ ಸಹಾಯ ಮಾಡುತ್ತಿರುವುದನ್ನು ಕಾಣಬಹುದು. ವೈರಲ್ ಆಗಿರುವ ಈ ವೀಡಿಯೊ ಇದುವರೆಗೂ ಟ್ವಿಟರ್‌ನಲ್ಲಿ 2.50 ಲಕ್ಷ ವೀಕ್ಷಣೆಗಳನ್ನು ಪಡೆದಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಭಾರತವು ನಿಜವಾಗಿಯೂ ಇನ್ ಕ್ರೆಡಿಬಲ್ ಆಗಿದ್ದು, ಈ ವ್ಯಕ್ತಿಯ ಧೈರ್ಯಕ್ಕೆ ಮಾತುಗಳು ಸಾಲುತ್ತಿಲ್ಲವೆಂದು ಒಬ್ಬರು ಪ್ರತಿಕ್ರಿಯೆ ನೀಡಿದ್ದಾರೆ. ಬೈಕ್ ಅನ್ನು ತಲೆ ಮೇಲೆ ಹೊತ್ತೊಯ್ದ ಈ ವ್ಯಕ್ತಿಯನ್ನು ಹಲವಾರು ಜನರು ಹೊಗಳಿದ್ದಾರೆ.

ಇನ್ನೂ ಕೆಲವರು ಈ ವ್ಯಕ್ತಿಯನ್ನು ನೇಮಿಸಿಕೊಂಡ ಮಾಲೀಕರ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಬೈಕು ಎತ್ತುವ ಈ ವ್ಯಕ್ತಿಯು ಪ್ರತಿದಿನ ಅಸಹಾಯಕ ನೋವನ್ನು ಅನುಭವಿಸಬೇಕಾಗುತ್ತದೆ ಎಂದು ಕೆಲವರು ಹೇಳಿದ್ದಾರೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ವ್ಯಕ್ತಿಯು ತನ್ನನ್ನು ಹಾಗೂ ತನ್ನ ಕುಟುಂಬವನ್ನು ಪೋಷಿಸಲು ಈ ಕಾರ್ಯವನ್ನು ಮಾಡುತ್ತಿದ್ದಾನೆ ಎಂದು ಕೆಲವರು ಹೇಳಿದರೆ, ಇನ್ನೂ ಕೆಲವರು ಈ ಕಾರ್ಮಿಕನು ಈ ಕೆಲಸವನ್ನು ಮಾಡಬಾರದು, ಈ ಕೆಲಸವನ್ನು ಆತ ಮುಂದುವರಿಸಿದರೆ, ಆತನ ಕುತ್ತಿಗೆಗೆ ತೊಂದರೆಯಾಗುತ್ತದೆ ಎಂದು ಹೇಳಿದ್ದಾರೆ.

ಈ ವೀಡಿಯೊದಲ್ಲಿ ಬಳಸಲಾಗಿರುವ ಶೀರ್ಷಿಕೆ ಆ ಕೆಲಸಗಾರನನ್ನು ಗೇಲಿ ಮಾಡುವಂತಿದೆ ಎಂದು ಹಲವರು ಪ್ರತಿಕ್ರಿಯೆ ನೀಡಿದ್ದಾರೆ. ಖಾಲಿ ಹೊಟ್ಟೆ ಯಾವ ಕೆಲಸವನ್ನು ಬೇಕಾದರೂ ಮಾಡಿಸುತ್ತದೆ ಎಂದು ಕೆಲವರು ಹೇಳಿದ್ದಾರೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಇನ್ನೊಬ್ಬರು ಹಸಿವಿನಿಂದ ದೂರವಿರಲು ಆತ ಈ ಕೆಲಸ ಮಾಡುತ್ತಿದ್ದಾನೆ ಎಂದು ಹೇಳಿದರೆ, ಆತ ಈ ಕೆಲಸವನ್ನು ಮಾಡದಿದ್ದರೆ ಹೇಗೆ ಹಣ ಸಂಪಾದಿಸುತ್ತಾನೆ ಎಂದು ಮತ್ತೊಬ್ಬರು ಹೇಳಿದ್ದಾರೆ.

ಈ ಹಿಂದೆ ಈ ರೀತಿಯ ಹಲವಾರು ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಏನೇ ಆದರೂ ತಲೆಯ ಮೇಲೆ ಬೈಕ್ ಎತ್ತುವುದು ತುಂಬಾ ಅಪಾಯಕಾರಿ. ಇದರಿಂದ ತೊಂದರೆ ತಪ್ಪಿದ್ದಲ್ಲ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಸಾಮಾನ್ಯವಾಗಿ 100 ಸಿಸಿ ಬೈಕುಗಳು 130-150 ಕೆ.ಜಿ ತೂಕವನ್ನು ಹೊಂದಿರುತ್ತವೆ. ಈ ರೀತಿ ಬೈಕ್ ಎತ್ತುವಂತೆ ಹೇಳುವುದು ಮತ್ತೊಬ್ಬರ ಜೀವನದಲ್ಲಿ ಆಟವಾಡಿದಂತೆ. ಭಾರತದ ಹಲವು ನಗರಗಳ ಬಸ್ ನಿಲ್ದಾಣಗಳಲ್ಲಿ ಭಾರೀ ಸರಕುಗಳನ್ನು ಹೊತ್ತೊಯ್ಯುವ ಕಾರ್ಮಿಕರನ್ನು ಕಾಣಬಹುದು.