100 ಟನ್ ಭಾರದ ರೈಲನ್ನೇ 10 ಕೀ.ಮೀ. ದೂರ ಎಳೆದೊಯ್ದ ಕಾರ್..!

ಹೇಳಿ ಕೇಳಿ 100 ಟನ್ ಭಾರದ ರೈಲನ್ನು ಎಳೆದಾಡಲು ಶಕ್ತಿಶಾಲಿ ಎಂಜಿನ್ ಗಳೇನು ಬಳಕೆ ಮಾಡಿರಲಿಲ್ಲ. ಬದಲಾಗಿ 2.0 ಲೀಟರ್ ಇಗ್ನೇನಿಯಂ ಡೀಸೆಲ್ ಎಂಜಿನ್ ಇದರಲ್ಲಿ ಜೋಡಣೆ ಮಾಡಲಾಗಿತ್ತು.

ಇದರ ಶಕ್ತಿಶಾಲಿ ಎಂಜಿನ್ 430 ಎನ್ ಎಂ ತಿರುಗುಬದಲಲ್ಲಿ 180 ಅಶ್ವಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿತ್ತು. ಹಾಗೆಯೇ ಒಂಬತ್ತು ಸ್ಪೀಡ್ ಗೇರ್ ಬಾಕ್ಸ್ ಬಹಳ ಸಲೀಸಾಗಿ ರೈಲನ್ನು ಎಳೆದಾಡಲು ಸಹಕರಿಸಿದೆ.

ಡ್ರೈವರ್ ಸೀಟಿನಲ್ಲಿದ್ದ ಚಾಲಕ ಕಾರ್ಲ್ ರಿಚರ್ಡ್ ಗೆ ಹೆಚ್ಚು ಬೆವರು ಸುರಿಸುವ ಅಗತ್ಯವೇ ಬರಲಿಲ್ಲ. ಅಲ್ಲದೆ 2.5 ಟನ್ ಭಾರದ ಕಾರು 10 ಕೀ.ಮೀ. ಉದ್ದಕ್ಕೂ ಸ್ಥಿರವಾದ ಆವೇಗವನ್ನು ಕಾಪಾಡಿಕೊಂಡಿತ್ತು.

ಸ್ವಿಜರ್ಲೆಂಡ್ ನಲ್ಲಿರುವ ಮ್ಯೂಸಿಯಂಬಾನ್ ಸ್ಟೇನಾಮ್ ರೈನ್ ನಲ್ಲಿರುವ ರೈಲು ಹಳಿಯಲ್ಲಿ ಈ ವಿನೂತನ ಸಾಧನೆ ಮಾಡಲಾಗಿದೆ.

ಇದಕ್ಕಾಗಿ ಕಡಿಮೆ ವೇಗದಲ್ಲ ಎಲ್ಲ ಭೂಪ್ರದೇಶದಲ್ಲೂ ಕೆಲಸ ಮಾಡುವ ಲ್ಯಾಂಡ್ ರೋವರ್ ಡಿಸ್ಕವರಿ ಸ್ಪೋರ್ಟ್ ಕಾರಿನಲ್ಲಿರುವ ಆಲ್ ಟರೈನ್ ಪ್ರೊಗ್ರೇಸ್ ಕಂಟ್ರೋಲ್ ಸಿಸ್ಟಂಗೆ ಮೆಚ್ಚುಗೆ ವ್ಯಕ್ತಪಡಿಸಬೇಕು.

ಕಾರಿನಲ್ಲಿ ತರಲಾಗಿರುವ ಏಕೈಕ ಬದಲಾವಣೆಯೆಂದರೆ ರೈಲು ಹಳಿಯಲ್ಲಿ ಸಂಚರಿಸುವ ನಿಟ್ಟಿನಲ್ಲಿ ಅಕ್ವಾರಿಯಸ್ ರೈಲ್ ಬೋರ್ಡ್ ಟೆಕ್ನಾಲಾಜೀಸ್ ನಿಂದ ಸಣ್ಣ ಚಕ್ರಗಳನ್ನು ಜೋಡಣೆ ಮಾಡಲಾಗಿತ್ತು.

ಒಟ್ಟಿನಲ್ಲಿ 10 ಕೀ.ಮೀ. ದೂರದ ಎಳೆದೂಯ್ದಿರುವ ಲ್ಯಾಂಡ್ ರೋವರ್ ಡಿಸ್ಕವರಿ ಸ್ಪೋರ್ಟ್ ತಾನ್ಯಾಕೆ ನೈಜ ಆಫ್ ರೋಡ್ ಗಾಡಿ ಎಂಬುದನ್ನು ಮಗದೊಮ್ಮೆ ಸಾಬೀತುಪಡಿಸಿದೆ.

ರೋಚಕ ವಿಡಿಯೋ ವೀಕ್ಷಿಸಿ