ನಿಗೂಢ ರಹಸ್ಯ ಭೇದಿಸಿದ ಆಫ್ರಿಕಾದ ಹಡಗು ಸ್ಮಶಾನ

ಈ ಬಗ್ಗೆ ರಹಸ್ಯ ಭೇದಿಸಲು ಹೊರಟಿರುವ ತಂಡದ ಪ್ರಕಾರ ಮೌರಿಟಾನಿಯಾದ ಎರಡನೇ ಅತಿ ದೊಡ್ಡ ನಗರವಾದ ನೌವಾಧಿಬೂ (Nouadhibou)ಎಂಬ ಪ್ರದೇಶದ ಸಮುದ್ರ ತಟದಲ್ಲಿ ಹಡಗುಗಳ ಪಳೆಯುಳಿಕೆಗಳು ಪತ್ತೆಯಾಗಿದೆ.

ಪ್ರಸ್ತುತ ಜಗತ್ತಿನ ಅತ್ಯಂತ ದೊಡ್ಡ ಹಡಗು ಸ್ಮಶಾನಗಳ ಸಾಲಿನಲ್ಲಿ ಈ ಪ್ರದೇಶ ಗುರುತಿಸಿಕೊಂಡಿದ್ದು, ಪ್ರವಾಸಿ ತಾಣಗಳ ಪ್ರಮುಖ ಆಕರ್ಷಣೆಯಾಗಿ ಮಾರ್ಪಾಡುತ್ತಿದೆ.

ಇಲ್ಲಿನ ಸಮುದ್ರ ತಟಕ್ಕೊಮ್ಮೆ ಕಾಲಿರಿಸಿದರೆ ಎಲ್ಲೆಡೆ ಪಾಳು ಬಿದ್ದಿರುವ ಹಳೆಯ ಹಡುಗಗಳ ಅವಶೇಷಗಳನ್ನು ಕಾಣಬಹುದಾಗಿದೆ.

ತನಿಖೆಯ ಪ್ರಕಾರ ವರ್ಷಗಳ ಹಿಂದೆ ಇದು ಭ್ರಷ್ಟಾಚಾರದ ಕೇಂದ್ರ ಬಿಂದುವಾಗಿತ್ತು. ಇಲ್ಲಿಗೆ ಬರುತ್ತಿದ್ದ ಹಡಗುಗಳಿಂದ ಬಂದರು ಅಧಿಕಾರಿಗಳು ಲಂಚ ಪಡೆದುಕೊಳ್ಳುತ್ತಿದ್ದು.

ಬಳಿಕ ಹಡಗುಗಳನ್ನು ಇಲ್ಲಿಯೇ ಬಿಟ್ಟು ತೆರಳುತ್ತಿದ್ದರು. ಹಾಗಿದ್ದರೂ ಇದರ ಹಿಂದಿರುವ ನೈಜ ರಹಸ್ಯ ಇನ್ನಷ್ಟೇ ಬಯಲಾಗಬೇಕಿದೆ.

1980ರ ದಶಕದಲ್ಲಿ ಮೌರಿಟಾನಿಯಾ ಮೀನುಗಾರಿಕಾ ಉದ್ಯಮದ ರಾಷ್ಟ್ರೀಕರಣದ ಬಳಿಕ ಇಂತಹದೊಂದು ಬೆಳವಣಿಗೆ ಕಂಡುಬಂದಿತ್ತು.

ಇಲಾಖೆಯು ಲಾಭಕರವಲ್ಲದ ಎಲ್ಲ ಹಡುಗಗಳನ್ನು ಇಲ್ಲಿನ ಬಂದಿರಿನಲ್ಲಿ ಅಮಾನತುಗೊಳಿಸಿತ್ತು.

ವರ್ಷಗಳು ಉರುಳಿದಂತೆ ವಿದೇಶಿಗಳು ಸಹ ಕಾರ್ಯ ಕ್ಷಮತೆ ಇಲ್ಲದ ತಮ್ಮ ಹಳೆಯ ಹಡಗುಗಳನ್ನು ಇಲ್ಲಿ ಬಿಟ್ಟು ತೆರಳುತ್ತಿದ್ದರು ಎಂದು ಹೇಳಲಾಗುತ್ತಿದೆ.

ಒಟ್ಟಿನಲ್ಲಿ ಪರಿಸರ, ಸಾಮಾಜಿಕ ಹಾಗೂ ಆರ್ಥಿಕ ವಿಪತ್ತಿಗೆ ಇಂದೊಂದು ಅತ್ಯುತ್ತಮ ಉದಾಹರಣೆ ಎಂದೇ ಹೇಳಬಹುದು.

ಹಡಗು ಸ್ಮಶಾನ ಬಗ್ಗೆ ನಿಮ್ಮ ಮನದಲ್ಲಿ ಹೊಳೆಯುವ ಯೋಚನೆಗಳೇನು? ನಮ್ಮ ಕಾಮೆಂಟ್ ಬಾಕ್ಸ್ ನಲ್ಲಿ ಚರ್ಚಿಸಿರಿ.

ಇಂತಹ ರೋಚಕ, ವಿಶಿಷ್ಟತೆಯನ್ನು ಕಾಪಾಡಿಕೊಂಡಿರುವ ಸುದ್ದಿಗಳಿಗಾಗಿ ಸದಾ ಡ್ರೈವ್ ಸ್ಪಾರ್ಕ್ ಓದುತ್ತಿರಿ.

ಅಮರಿಕದಲ್ಲಿದೆ ರಹಸ್ಯ ತಾಣ