ಪೊಲೀಸ್ ಸ್ಟೇಷನ್ ಅನುಭವವನ್ನು ಬೆಸ್ಟ್ ಎಂದ ಭೂಪ..!

ಹಲವಾರು ಸಿನಿಮಾಗಳಲ್ಲಿ ಪೊಲೀಸ್ ಸ್ಟೇಷನ್‍‍ಗಳೆಂದರೆ ಲಂಚ ಹಾಗೂ ಭ್ರಷ್ಟಾಚಾರದ ಕೂಪಗಳೆಂಬಂತೆ ಚಿತ್ರಿಸಲಾಗಿದೆ. ಕೆಲವು ಸಿನಿಮಾಗಳನ್ನು ಹೊರತುಪಡಿಸಿ ಬಹುತೇಕ ಸಿನಿಮಾಗಳಲ್ಲಿ ಪೊಲೀಸರೆಂದರೆ ಕಟುಕರು ಎಂಬಂತೆ ತೋರಿಸಲಾಗಿದೆ.

ಈ ಕಾರಣಗಳಿಗಾಗಿ ಪೊಲೀಸರು ಹಾಗೂ ಪೊಲೀಸ್ ಠಾಣೆಗಳೆಂದರೆ ಜನರು ಹೆದರುವ ಪರಿಸ್ಥಿತಿಯುಂಟಾಗಿದೆ. ಈ ಲೇಖನವನ್ನು ಓದಿದ ನಂತರ ಪೊಲೀಸ್ ಠಾಣೆಗಳೆಡೆಗೆ ಜನರು ಹೊಂದಿರುವ ಮನಸ್ಥಿತಿ ಬದಲಾಗಬಹುದು.

ಜನರು ತಾವು ಭೇಟಿ ನೀಡುವ ಹೋಟೆಲ್, ಥಿಯೇಟರ್, ದೇವಸ್ಥಾನ ಮುಂತಾದ ಸ್ಥಳಗಳ ಫೋಟೊಗಳನ್ನು ಇಂಟರ್‍‍ನೆಟ್‍‍ನಲ್ಲಿ ಅಪ್‍‍ಲೋಡ್ ಮಾಡಿ ಅವುಗಳ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಬರೆಯುವುದನ್ನು ನೋಡಿದ್ದೇವೆ.

ಗೂಗಲ್ ರಿವ್ಯೂನಲ್ಲಿ ಜನರು ತಾವು ಭೇಟಿ ನೀಡಿದ ಸ್ಥಳದ, ಕಂಪನಿಯ ನೈಜ ಚಿತ್ರಣವನ್ನು ಬರೆಯಬಹುದು. ಆದರೆ ಇದೇ ಗೂಗಲ್ ರಿವ್ಯೂನಲ್ಲಿ ಚೆನ್ನೈ ಹೊರವಲಯದಲ್ಲಿರುವ ಟಿ 10 ತಿರುಮುಲೈವಾಯಿಲ್ ಪೊಲೀಸ್ ಠಾಣೆಯ ಬಗ್ಗೆ ಬರೆಯಲಾಗಿದೆ.

ಈ ರಿವ್ಯೂ ಬಹುತೇಕ ಜನರ ಗಮನ ಸೆಳೆದಿದೆ. ಅಂದ ಹಾಗೆ ಲೋಕೇಶ್ವರನ್‍‍ರವರೇ ಟಿ 10 ಪೊಲೀಸ್ ಠಾಣೆಯ ಬಗ್ಗೆ ಗೂಗಲ್ ರಿವ್ಯೂನಲ್ಲಿ ತಮ್ಮ ಅನುಭವವನ್ನು ದಾಖಲಿಸಿರುವ ಭೂಪ. ಈ ರಿವ್ಯೂ ಇಂಟರ್‍‍ನೆಟ್‍‍ನಲ್ಲಿ ವೈರಲ್ ಆಗಿದ್ದು, ಸಾಕಷ್ಟು ಜನರ ಗಮನವನ್ನು ತನ್ನತ್ತ ಸೆಳೆದಿದೆ.

ಲೋಕೇಶ್ವರನ್‍‍‍ರವರನ್ನು ಬೈಕ್ ಕಾಣೆಯಾದ ಪ್ರಕರಣದಲ್ಲಿ ವಿಚಾರಣೆಗಾಗಿ ಈ ಪೊಲೀಸ್ ಠಾಣೆಗೆ ಕರೆತರಲಾಗಿತ್ತು. ಈ ಬಗ್ಗೆ ಅವರು ಗೂಗಲ್ ರಿವ್ಯೂನಲ್ಲಿ ಬರೆದಿದ್ದಾರೆ. ಈ ಪೊಲೀಸ್ ಠಾಣೆ ಮೇನ್ ರೋಡಿನಲ್ಲಿದ್ದು, ಸ್ವಚ್ಛತೆಯನ್ನು ಹೊಂದಿದೆ ಎಂದು ಹೇಳಿದ್ದಾರೆ.

MOST READ: ಹುಡುಗಿಯರಿಗೆ ಗೇರ್ ಬದಲಿಸಲು ಬಿಟ್ಟು ಡಿ‍ಎಲ್ ಕಳೆದುಕೊಂಡ ಡ್ರೈವರ್..!

ಪೊಲೀಸರೂ ಸಹ ಒಳ್ಳೆಯವರಾಗಿದ್ದು, ಯಾವುದೇ ತೊಂದರೆಯನ್ನು ನೀಡಿಲ್ಲ. ಸಂಬಂಧಪಟ್ಟ ದಾಖಲೆಗಳನ್ನು ನೀಡಿದ ನಂತರ ಯಾವುದೇ ಲಂಚ ಪಡೆಯದೇ ತಮ್ಮನ್ನು ಠಾಣೆಯಿಂದ ಕಳುಹಿಸಿದ್ದಾರೆ ಎಂದು ಹೇಳಿದ್ದಾರೆ.

MOST READ: ಬಡ ದೇಶದ ರಾಜನಿಗೆ 15 ಮಡದಿಯರು, 19 ದುಬಾರಿ ಕಾರುಗಳು..!

ಕೊನೆಯಲ್ಲಿ ಅವರು ಹೇಳಿರುವ ಮಾತೆಂದರೆ, ಇದು ಜೀವಮಾನದಲ್ಲಿ ಒಮ್ಮೆ ನಡೆಯುವ ಘಟನೆ ಎಂದು. ಲೋಕೇಶ್ವರನ್‍‍ರವರು ಮಾತ್ರವಲ್ಲದೇ ಬೇರೆ 18 ಜನರೂ ಸಹ ಈ ಪೊಲೀಸ್ ಠಾಣೆಯ ಬಗ್ಗೆ ಒಳ್ಳೆಯ ಅಭಿಪ್ರಾಯವನ್ನು ಗೂಗಲ್ ರಿವ್ಯೂನಲ್ಲಿ ನೀಡಿದ್ದಾರೆ.

MOST READ: ಡಿಸೆಂಬರ್ 1ರಿಂದ ಜಾರಿಗೆ ಬರಲಿರುವ ಫಾಸ್ಟ್‌ಟ್ಯಾಗ್ ಬಗ್ಗೆ ನಿಮಗೆಷ್ಟು ಗೊತ್ತು?

ಈ ಪೊಲೀಸ್ ಠಾಣೆಗೆ ಗೂಗಲ್ ರಿವ್ಯೂನಲ್ಲಿ 5ಕ್ಕೆ 3.7 ರೇಟಿಂಗ್ ನೀಡಲಾಗಿದೆ. 5 ಜನರು 5 ಸ್ಟಾರ್ ರೇಟಿಂಗ್ ನೀಡಿದ್ದರೆ, 4 ಜನರು 4 ಸ್ಟಾರ್ ರೇಟಿಂಗ್ ನೀಡಿದ್ದಾರೆ. ಇದೇ ವೇಳೆ ಈ ಠಾಣೆಯ ಪೊಲೀಸರು ಲೋಕೇಶ್ವರನ್‍‍ರವರನ್ನು ಬಂಧಿಸಿಲ್ಲವೆಂದು ತಿಳಿಸಿದ್ದಾರೆ.