ಐಷಾರಾಮಿ ಕಾರುಗಳ ಒಡೆಯ 'ಮಿನ್ನಲ್ ಮುರಳಿ' ಸೂಪರ್ ಹೀರೋ ಟೊವಿನೋ ಥಾಮಸ್

2012ರಲ್ಲಿ ತೆರೆಕಂಡ 'ಪ್ರಭುವಿಂಟೆ ಮಕ್ಕಳ್' ಎಂಬ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ಟೊವಿನೋ ಥಾಮಸ್, ಆನಂತರ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಟೊವಿನೋ ಥಾಮಸ್ ಅವರು ಜೂನಿಯರ್ ಕಲಾವಿದರಾಗಿ ಚಿತ್ರರಂಗದಲ್ಲಿ ತಮ್ಮ ಪ್ರಯಾಣವನ್ನು ಪ್ರಾರಂಭಿಸಿದರು ಮತ್ತು ಅವರ ಕಠಿಣ ಪರಿಶ್ರಮದಿಂದಾಗಿ, ಅವರು ಈಗ ಉದ್ಯಮದ ಪ್ರಮುಖ ನಟರಲ್ಲಿ ಒಬ್ಬರಾಗಿದ್ದಾರೆ. ಅವರು 'ಕುಂಜಿರಾಮಾಯಣಂ' ಹಾಗೂ 'ಗೋಧಾ' ಸಿನಿಮಾಗಳನ್ನು ನಿರ್ದೇಶನ ಮಾಡಿದ್ದರು. 'ಗೋಧಾ'ದಲ್ಲಿ ಟೋವಿನೋ ಹೀರೋ ಆಗಿ ನಟಿಸಿದ್ದರು.

ಟೊವಿನೋ ಥಾಮಸ್ ಪ್ರಮುಖ ಪಾತ್ರದಲ್ಲಿ ನಟಿಸಿದ ಮಿನ್ನಲ್​ ಮುರಳಿ ಚಿತ್ರ ಭರ್ಜರಿ ಯಶಸ್ವಿ ಕಂಡಿದೆ, ಈ ಮಿನ್ನಲ್​ ಮುರಳಿ ಚಿತ್ರ 2021ರ ಡಿಸೆಂಬರ್​ 16 ರಂದು ಬಿಡುಗಡೆಯಾಗಿದೆ. ಮಲಯಾಳಂನ ಈ ಚಿತ್ರವನ್ನು ಬೆಸಿಲ್ ಜೋಸೆಫ್ ನಿರ್ದೇಶಿಸಿದ್ದು, ವೀಕೆಂಡ್ ಬ್ಲಾಕ್‌ಬಸ್ಟರ್ಸ್ ಬ್ಯಾನರ್ ಅಡಿಯಲ್ಲಿ ಸೋಫಿಯಾ ಪಾಲ್ ನಿರ್ಮಿಸಿದ್ದಾರೆ.

ನಟ ಟೊವಿನೋ ಥಾಮಸ್ 8 ವರ್ಷಗಳಲ್ಲಿ 30ಕ್ಕೂ ಅಧಿಕ ಸಿನಿಮಾಗಳಲ್ಲಿ ಅವರು ಬಣ್ಣ ಹಚ್ಚಿದ್ದಾರೆ. ಇನ್ನು ಇತರ ಜನಪ್ರಿಯ ನಟರಂತೆ ಟೊವಿನೋ ಕೂಡ ತಮ್ಮ ಗ್ಯಾರೇಜ್‌ನಲ್ಲಿ ಐಷಾರಾಮಿ ಕಾರುಗಳ ಸಂಗ್ರಹವನ್ನು ಹೊಂದಿದ್ದಾರೆ. ಇವರ ಗ್ಯಾರೇಜ್‌ನಲ್ಲಿರುವ ಐಷಾರಾಮಿ ಕಾರುಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ಆಡಿ ಕ್ಯೂ7

2017 ರಲ್ಲಿ, ಟೊವಿನೋ ತನ್ನ ಕನಸಿನ ಕಾರನ್ನು ಹೊಸ ಆಡಿ ಕ್ಯೂ 7 ಖರೀದಿಸಿದರು. ಆಡಿ ಇಂಡಿಯಾ ಇತ್ತೀಚೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಕ್ಯೂ7 ಮಾದರಿಯ ಫೇಸ್‌ಲಿಫ್ಟೆಡ್ ಆವೃತ್ತಿಯನ್ನು ಬಿಡುಗಡೆ ಮಾಡಿತು. ಟೊವಿನೋ ಥಾಮಸ್ ಹೊಂದಿರುವ ಮಾದರಿಯು ಪೂರ್ವ-ಫೇಸ್‌ಲಿಫ್ಟ್ ಮಾಡೆಲ್ ಆಗಿದೆ.

ಎಸ್‍ಯುವಿಯಲ್ಲಿ ಅತ್ಯಂತ ಪ್ರೀಮಿಯಂ ಆಗಿ ಕಾಣುವ ಸಂಪೂರ್ಣ ಕಪ್ಪು ಬಣ್ಣದ ಮಾದರಿಯಾಗಿದೆ. ಪ್ರಸ್ತುತ ಆವೃತ್ತಿಗಿಂತ ಭಿನ್ನವಾಗಿ, ಪೂರ್ವ-ಫೇಸ್‌ಲಿಫ್ಟ್ ಆವೃತ್ತಿಯು ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ಲಭ್ಯವಿದೆ ಮತ್ತು ನಟ ಡೀಸೆಲ್ ಎಂಜಿನ್ ಆವೃತ್ತಿಯನ್ನು ಹೊಂದಿದ್ದಾರೆ. ಟೊವಿನೋ ತನ್ನ ಕ್ಯೂ7 ನಲ್ಲಿ ಹಲವು ಬಾರಿ ಕಾಣಿಸಿಕೊಳ್ಳುತ್ತಾನೆ.

ಹೊಸ ಆಡಿ ಕ್ಯೂ7 ಎಸ್‍ಯುವಿಯಲ್ಲಿ ಬ್ರ್ಯಾಂಡ್‌ನ ಕ್ವಾಟ್ರೊ ಆಲ್-ವ್ಹೀಲ್-ಡ್ರೈವ್ ಸಿಸ್ಟಂ ಸಹ ಈ ಎಸ್‍ಯುವಿಯಲ್ಲಿ ನೀಡಲಾಗಿದೆ. ಇನ್ನು ಈ ಹೊಸ ಆಡಿ ಕ್ಯೂ7 ಫೇಸ್‌ಲಿಫ್ಟ್‌ನ ಎಂಟ್ರಿ ಲೆವೆಲ್ ಪ್ರೀಮಿಯಂ ಪ್ಲಸ್ ರೂಪಾಂತರವು 19-ಇಂಚಿನ ಅಲಾಯ್ ವ್ಹೀಲ್ ಗಳು, ಎಂಟು ಏರ್‌ಬ್ಯಾಗ್‌ಗಳು, ಪನರೋಮಿಕ್ ಸನ್‌ರೂಫ್, ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು, ಅಡಾಪ್ಟಿವ್ ಏರ್ ಸಸ್ಪೆಂಕ್ಷನ್, ಆಂಬಿಯೆಂಟ್ ಲೈಟಿಂಗ್ ಮತ್ತು ಎಲೆಕ್ಟ್ರಿಕಲಿ-ಹೊಂದಾಣಿಕೆ ಸ್ಟೀರಿಂಗ್ ವ್ಹೀಲ್ ಹೊಂದಿದೆ,

ಬಿಎಂಡಬ್ಲ್ಯು 7-ಸೀರಿಸ್

ಬಹುಶಃ ಟೊವಿನೋ ಗ್ಯಾರೇಜ್‌ನಲ್ಲಿ ಇದು ಅತ್ಯಂತ ದುಬಾರಿ ಕಾರು. ನಟ ಟೊವಿನೋ ಹೊಚ್ಚ ಹೊಸ ಬಿಎಂಡಬ್ಲ್ಯು 7-ಸೀರಿಸ್ ಐಷಾರಾಮಿ ಸೆಡಾನ್ ಅನ್ನು ಹೊಂದಿದ್ದಾರೆ. ಇದು ಬಿಎಂಡಬ್ಲ್ಯು 730Ld ಎಂ ಸ್ಪೋರ್ಟ್ ಆವೃತ್ತಿಯಾಗಿದೆ. ನಟ 2019 ರಲ್ಲಿ ಐಷಾರಾಮಿ ಕಾರನ್ನು ಖರೀದಿಸಿದ್ದಾರೆ. 7-ಸೀರಿಸ್ 3.0 ಲೀಟರ್ ಡೀಸೆಲ್ ಎಂಜಿನ್‌ ಅನ್ನು ಹೊಂದಿದೆ.

ಈ ಎಂಜಿನ್ 265 ಬಿಹೆಚ್‍ಪಿ ಪವರ್ ಮತ್ತು 620 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಬಿಎಂಡಬ್ಲ್ಯು 7-ಸೀರಿಸ್ ಕಾರಿನ ಬೆಲೆಯು ಎಕ್ಸ್ ಶೋ ರೂಂ ಪ್ರಕಾರ ರೂ.1.35 ಕೋಟಿಯಾಗಿದೆ. ಬಿಎಂಡಬ್ಲ್ಯು 7-ಸೀರಿಸ್ ಜನಪ್ರಿಯ ಐಷಾರಾಮಿ ಸೆಡಾನ್ ಮಾದರಿಗಳಲ್ಲಿ ಒಂದಾಗಿದೆ.

ಮಿನಿ ಕೂಪರ್ ಸೈಡ್‌ವಾಕ್ ಎಡಿಷನ್

ನಟ ತನ್ನ ಗ್ಯಾರೇಜ್‌ಗೆ ಸೇರಿಸಿದ ಇತ್ತೀಚಿನ ಕಾರುಗಳಲ್ಲಿ ಇದು ಒಂದಾಗಿದೆ. ಮಿನಿ ಕೂಪರ್ ಸೈಡ್‌ವಾಕ್ ಎಡಿಷನ್ ವಾಸ್ತವವಾಗಿ ವಿಶೇಷ ಕಾರಾಗಿದೆ ಏಕೆಂದರೆ ಮಿನಿ ಭಾರತದಲ್ಲಿ ಕೇವಲ 15 ಯುನಿಟ್ ಗಳನ್ನು ಮಾತ್ರ ನೀಡಿತ್ತು. ಟೊವಿನೋ ಖರೀದಿಸಿದ ಕನ್ವರ್ಟಿಬಲ್ ಐಷಾರಾಮಿ ಹ್ಯಾಚ್‌ಬ್ಯಾಕ್ ಡೀಪ್ ಲಗುನಾ ಮೆಟಾಲಿಕ್ ಶೇಡ್‌ನಲ್ಲಿದೆ. ಅದು ತುಂಬಾ ಚೆನ್ನಾಗಿ ಕಾಣುತ್ತದೆ.

ಈ ಮಿನಿ ಕೂಪರ್ ಸೈಡ್‌ವಾಕ್ ಎಡಿಷನ್ ಕಾರಿನಲ್ಲಿ 2.0 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್‌ ಅನ್ನು ಹೊಂದಿದೆ. ಈ ಎಂಜಿನ್ 192 ಬಿಹೆಚ್‍ಪಿ ಪವರ್ ಮತ್ತು 280 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಮಿನಿ ಕೂಪರ್ ಸೈಡ್‌ವಾಕ್ ಎಡಿಷನ್ ಬೆಲೆಯು ಎಕ್ಸ್ ಶೋ ರೂಂ ಪ್ರಕಾರ ರೂ.44.90 ಲಕ್ಷವಾಗಿದೆ.

ಹೋಂಡಾ ಸಿಟಿ

ಟೊವಿನೋ ಸಿನಿಮಾದಲ್ಲಿ ನಟಿಸಲು ಆರಂಭಿಸಿದ ನಂತರ ಖರೀದಿಸಿದ ಮೊದಲ ಕಾರು ಇದಾಗಿದೆ. 2014 ರಲ್ಲಿ, ಅವರು 4 ನೇ ತಲೆಮಾರಿನ ಹೋಂಡಾ ಸಿಟಿ ಸೆಡಾನ್ ಅನ್ನು ಖರೀದಿಸಿದರು. ಈ ಸೆಡಾನ್ ಇನ್ನೂ ಅವರ ಬಳಿ ಇದೆ.ಮರೂನ್ ಶೇಡ್ ಬಣ್ಣದಲ್ಲಿರುವ ಹೋಂಡಾ ಸಿಟಿ ಕಾರನ್ನು ನಟ ಖರೀದಿಸಿದ್ದಾರೆ. ಇದು ಪೂರ್ವ-ಫೇಸ್‌ಲಿಫ್ಟ್ ಮಾಡೆಲ್ ಆಗಿದೆ.

ಹೋಂಡಾ ಸಿಟಿಯನ್ನು ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಇವೆರಡೂ 1.5 ಲೀಟರ್ i-VTEC ಮತ್ತು i-DTEC ಎಂಜಿನ್‌ಗಳಾಗಿವೆ. ಕೇರಳದ ಪ್ರವಾಹದ ಸಂದರ್ಭದಲ್ಲಿ ಪರಿಹಾರ ಶಿಬಿರಗಳಿಗೆ ಅಗತ್ಯ ಸಾಮಗ್ರಿಗಳನ್ನು ಸಾಗಿಸಲು ನಟ ಟೊವಿನೋ ತನ್ನ ಹೋಂಡಾ ಸಿಟಿಯನ್ನು ವ್ಯಾಪಕವಾಗಿ ಬಳಸಿಕೊಂಡಿದ್ದಾನೆ.