ಆಡಂಬರಕ್ಕೆ ಮಗದೊಂದು ಸಂಕೇತ ಇದುವೇ 'ಡಬಲ್ ಸೆಂಚುರಿ'

ಜಗತ್ತಿನಲ್ಲಿ ಅತಿ ದೊಡ್ಡ ಖಾಸಗಿ ಸೂಪರ್ ಯಾಚ್ಟ್ ಎಂಬ ಹಿರಿಮೆಗೂ ಇದು ಪಾತ್ರವಾಗಲಿದೆ. ಇದು 200 ಮೀಟರ್ ಗಳಷ್ಟು ಉದ್ದವನ್ನು ಹೊಂದಿದೆ.

ನಾವೀನ್ಯತೆಯ ಪ್ರತಿಬಿಂಬವಾಗಿರುವ ಡಬಲ್ ಸೆಂಚುರಿ ವಿಹಾರ ನೌಕೆಯಲ್ಲಿ ಆಶ್ಚರ್ಯಕರ ಹಾಗೂ ಅದ್ಭುತ ವಿನ್ಯಾಸ ತಂತ್ರಗಾರಿಕೆಯನ್ನು ಆಳವಡಿಸಲಾಗಿದೆ.

ಸಮುದ್ರ ಮಟ್ಟಕ್ಕಿಂತಲೂ 27 ಮೀಟರ್ ಎತ್ತರಕ್ಕೆ ಬೆಳೆದು ನಿಂತಿರುವ ಈ ಹಡಗಿನಲ್ಲಿ 9 ಡೆಕ್ (ಅಟ್ಟ) ಗಳಿವೆ. ಅಂದರೆ ಉದ್ದ ಹಾಗೂ ಅಗಲಗಳಲ್ಲಿ ಎರಡು ಫುಟ್ಬಾಲ್ ಮೈದಾನಗಳಿಗೆ ಸಮಾನವಾಗಿದೆ.

ಇದು ಈಗ ದಾಖಲೆ ಹೊಂದಿರುವ 280 ಮೀಟರ್ ಉದ್ದ ಅಜಾಮ್ ವಿಹಾರ ನೌಕೆಗಿಂತಲೂ 20 ಮೀಟರ್ ಗಳಷ್ಟು ದೊಡ್ಡದಾಗಿದೆ. ಅಜಾಝ್ ಐಷಾರಾಮಿ ನೌಕೆಯ ಒಡೆತನವನ್ನು ಯುಎಇ ಅಧ್ಯಕ್ಷ ಶೇಖ್ ಖಾಲಿಫಾ ಹೊಂದಿದ್ದಾರೆ.

ಒಟ್ಟಿನಲ್ಲಿ ನೌಕಾಯಾನದಲ್ಲಿ ಆಡಂಬರದ ಜೀವನಶೈಲಿ ಬಯಸುವುವ ಶ್ರೀಮಂತರಿಗೆ ಇಂದೊಂದು ಪರಿಪೂರ್ಣ ಆಯ್ಕೆಯಾಗಿರಲಿದೆ. ಇದರಲ್ಲಿ ಐಷಾರಾಮಿ ಖಾಸಗಿ ಕೊಠಡಿಗಳಿಂದ ಹಿಡಿದು ಡೈನಿಂಗ್ ಟೇಬಲ್, ಮನರಂಜನೆ, ಈಜುಕೊಳ, ಆತಿಥಿ ಗೃಹ, ಸಾಹಸ ಕ್ರೀಡೆ ಹೀಗೆ ಒಂದು ಜೀವನದಲ್ಲಿ ಅನುಭವಿಸಬೇಕಾದ ಎಲ್ಲ ಸೌಲಭ್ಯಗಳು ಲಭ್ಯವಾಗಲಿದೆ.