ಮರ್ಸಿಡಿಸ್ ಬೆಂಝ್ ಲಗ್ಷುರಿ ಮೊಬೈಲ್ ಹೋಮ್

ಮರ್ಸಿಡಿಸ್ ಬೆಂಝ್ ಜೆಟ್ರೋಸ್ 6x6 ಟ್ರಕ್, 7.2 ಲೀಟರ್ ಇನ್ ಲೈನ್ ಸಿಕ್ಸ್ ಸಿಲಿಂಡರ್ ಎಂಜಿನ್‌ನಿಂದ ನಿಯಂತ್ರಿಸ್ಪಡುತ್ತಿದ್ದು, ಗರಿಷ್ಠ 1300 ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತಿದೆ. ಇದು ಎಲ್ಲ ಆರು ಚಕ್ರಗಳಿಗೂ ಪವರ್ ವಿತರಿಸಲಿದೆ.

ಸಹಜವಾಗಿಯೇ ಆಕಾರ ತುಂಬಾನೇ ದೊಡ್ಡದಾಗಿರುವುದರಿಂದ ಟ್ರಕ್ ಅನ್ನು ಎಲ್ಲ ಪ್ರದೇಶಕ್ಕೆ ಹೊತ್ತೊಯ್ಯಲು ಸ್ವಲ್ಪ ಕಷ್ಟಕರವಾಗಬಹುದು. ಇದಕ್ಕಾಗಿಯೇ ಆಫ್ ರೋಡ್ ಕ್ವಾಡ್ ಬೈಕ್ ಸಹ ಈ ಟ್ರಕ್‌ನಲ್ಲಿ ಸಾಗಿಸುವ ಅವಕಾಶ ಮಾಡಿಕೊಡಲಾಗಿದೆ.

ಇನ್ನು ಒಳಭಾಗಗಕ್ಕೆ ತರಳಿದಾಗ ಐಷಾರಾಮಿ ಅನುಭವ ನಿಮ್ಮನ್ನು ಆವರಿಸಲಿದೆ. ಇದರೊಳಗೆ ಬೆಡ್ ರೂಂ, ಶೌಚಾಲಯ ಹಾಗೂ ಅಡುಗೆ ಕೋಣೆಗಳ ಸೌಲಭ್ಯವಿರುತ್ತದೆ. ಅಷ್ಟೇ ಅಲ್ಲದೆ ಎರಡು ದೊಡ್ಡದಾದ ಎಲ್‌ಸಿಡಿ ಟಿವಿ, ಸ್ಯಾಟಲೈಟ್ ಕಮ್ಯೂನಿಕೇಷನ್ ಸಿಸ್ಟಂ ಮತ್ತು ಬೋಸ್ ಸೌಂಡ್ ಸಿಸ್ಟಂ ಕೂಡಾ ಲಭ್ಯವಿರಲಿದೆ.

ಟ್ರಕ್ ಒಳಗಡೆ ಲೈಟ್ಸ್ ಮತ್ತು ಎಲೆಕ್ಟ್ರಾನಿಕ್‌ಗಳು ಡೀಸೆಲ್ ಜನರೇಟರ್‌ನಿಂದ ಕೆಲಸ ಮಾಡಲಿದೆ. ಅಂತೆಯೇ ಹೆಚ್ಚುವರಿಯಾಗಿ ಎರಡು 80 ವ್ಯಾಟ್ ಸೋಲರ್ ಪ್ಯಾನೆಲ್ ಕೂಡಾ ಟ್ರಕ್ ಮೇಲ್ಗಡೆ ಲಗತ್ತಿಸಲಾಗಿದೆ.

ಅಂದ ಹಾಗೆ ಮಂಗೋಲಿಯಾದ ಉದ್ಯಮಿಗಳು ಈ ಬೆಲೆಬಾಳುವ ಮೊಬೈಲ್ ಹೋಮ್‌ಗಳನ್ನು ಹೊಂದಿದ್ದಾರೆ. ಅಲ್ಲದೆ ವಾರಂತ್ಯದಲ್ಲಿ ಹಂಟಿಂಗ್ ಹಾಗೂ ಹಿಮಾವೃತ ಪ್ರದೇಶಗಳಿಗೆ ಸಾಹಸ ಪಯಣಕ್ಕಾಗಿ ಇದನ್ನು ಬಳಕೆ ಮಾಡುತ್ತಿದ್ದಾರೆ.