ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಗುಜ್ಮಾನ್ ಗ್ರೇಟ್ ಎಸ್ಕೇಟ್

By Nagaraja

Updated: Friday, July 17, 2015, 10:02 [IST]

ಜಗತ್ತಿನ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಮೆಕ್ಸಿಕೋದ ಡ್ರಗ್ ಮಾಫಿಯಾದ ರೂವಾರಿ ಜಾಕಿನ್ ಎಲ್ ಚಾಪೋ ಗುಜ್ಮಾನ್ ಮತ್ತೆ ಸಿನೆಮಾ ಶೈಲಿಯಲ್ಲಿ ಅತ್ಯಂತ ನಾಟಕೀಯವಾಗಿ ಜೈಲಿನಿಂದ ಪರಾರಿಯಾಗಿದ್ದಾರೆ.

ಮೆಕ್ಸಿಕೊದ ಅತ್ಯಂತ ಶ್ರೀಮಂತ ಡ್ರಗ್ ಡೀಲರ್ ಆಗಿರುವ ಗುಜ್ಮಾನ್ ವಿಶ್ವದ ಅತ್ಯಂತ ಭದ್ರತಾ ವಲಯವನ್ನೇ ಭೇದಿಸುವಲ್ಲಿ ಯಶಸ್ವಿಯಾಗಿದ್ದು, ಜೈಲಿನಲ್ಲಿ ಸೂರಂಗ ಮಾರ್ಗವನ್ನು ಕೊರೆಯುವ ಮೂಲಕ ಪರಾರಿಯಾಗಿದ್ದಾರೆ.

ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಗುಜ್ಮಾನ್ ಗ್ರೇಟ್ ಎಸ್ಕೇಟ್

ಡ್ರಗ್ ದಂಧೆಯಲ್ಲಿ ಕಿಂಗ್ ಮೇಕರ್ ಎನಿಸಿಕೊಂಡಿದ್ದ ಗುಜ್ಮಾನ್ ಅವರನ್ನು ಎರಡೆರಡು ಬಾರಿ ಬಂಧಿಸಲಾಗಿತ್ತು. ಆದರೆ ಜೈಲಿನಿಂದ ತಪ್ಪಿಸಿಕೊಳ್ಳುವುದನ್ನು ಹವ್ಯಾಸ ಮಾಡಿಕೊಂಡಿರುವ ಮಾಫಿಯಾ ದೊರೆ ಅನಾಯಾಸವಾಗಿ ಎಸ್ಕೇಪ್ ಆಗಿದ್ದಾರೆ. ಈ ಹಿಂದೆ 1993ರಲ್ಲಿ ಬಂಧಿಸಲಾಗಿತ್ತಾದರೂ 2001ರಲ್ಲಿ ಪರಾರಿಯಾಗಿದ್ದನು. ಇದೀಗ ಎರಡನೇ ಬಾರಿ 2014ರಲ್ಲಿ ಬಂಧನವಾಗಿರುವ ಗುಜ್ಮಾನ್ 2015 ಜುಲೈ 11ರಂದು ಮತ್ತೆ ಪಲಾಯನಗೈದಿದ್ದಾನೆ.

ಜೈಲಿನೊಳಗಿಂದ ಸೂರಂಗ ಮಾರ್ಗವನ್ನು ತೋಡಿರುವ ಗುಜ್ಮಾನ್ ಪಲಾಯನಗೈದಿದ್ದಾರೆ. ಒಸಾಮಾ ಬಿನ್ ಲಾಡೆನ್ ಬಳಿಕ ದಾವೂದ್ ಸಾಲಿನಲ್ಲಿ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಎಂದು ಗುರುತಿಸಿಕೊಂಡಿರುವ ಗುಜ್ಮಾನ್ ಸೇರಿಹಿಡಿಯುವುದು ಈಗ ತಲೆನೋವಾಗಿ ಪರಿಣಮಿಸಿದೆ.

ಇದಾದ ಬೆನ್ನಲ್ಲೇ ಕ್ರಮಕ್ಕೆ ಮುಂದಾಗಿರುವ ಮೆಕ್ಸಿಕನ್ ಸರಕಾರವು, ಗುಜ್ಮಾನ್ ಗ್ಯಾರೇಜ್ ನಲ್ಲಿರುವ ಎಲ್ಲ ಐಷಾರಾಮಿ ವಾಹನಗಳನ್ನು ಮುಟ್ಟಗೋಲುಗೊಳಿಸಿದ್ದಾರೆ. ವಿಶೇಷವೆಂದರೆ ಭೂಗತ ಪಾತಕಿ ಬಳಿ ಆರ್ಮರ್ಡ್ ಕಾರುಗಳೇ ಜಾಸ್ತಿಯಿದ್ದವು.