ತೀರಾ ಕಡಿಮೆ ಬೆಲೆಗೆ ಹರಾಜಾಗುತ್ತಿದೆ ಜನಪ್ರಿಯ ಕ್ರೀಡಾಪಟುವಿನ ಕಾರು

1996ರ ಮಾದರಿಯ ಮರ್ಸಿಡಿಸ್ ಬೆಂಝ್ ಎಸ್ 600 ಕಾರನ್ನು ಹರಾಜು ಹಾಕಲಾಗುತ್ತಿದೆ. ಈ ಕಾರಿನ ಆರಂಭಿಕ ಬಿಡ್ ಅನ್ನು 23 ಡಾಲರ್ ಗಳಿಗೆ ನಿಗದಿಪಡಿಸಲಾಗಿದೆ. ಅಂದರೆ ಭಾರತದ ರೂಪಾಯಿ ಮೌಲ್ಯದಲ್ಲಿ ರೂ.1,700ಗಳಾಗಿದೆ. ಈ ಕಾರು ಜನಪ್ರಿಯ ಬ್ಯಾಸ್ಕೆಟ್‌ಬಾಲ್ ಆಟಗಾರ ಮೈಕೆಲ್ ಜೋರ್ಡಾನ್ ರವರಿಗೆ ಸೇರಿದ್ದು. ತಮ್ಮ ವೇಗದ ಆಟಕ್ಕೆ ಹೆಸರುವಾಸಿಯಾದ ಮೈಕೆಲ್ ಜೋರ್ಡಾನ್ ಕಾರು ಪ್ರೇಮಿ ಕೂಡ ಹೌದು.

ಮೈಕೆಲ್ ಜೋರ್ಡಾನ್ ದುಬಾರಿ ಬೆಲೆಯ ಹಲವಾರು ಐಷಾರಾಮಿ ಹಾಗೂ ಸೂಪರ್ ಕಾರುಗಳನ್ನು ಹೊಂದಿದ್ದಾರೆ. ಈ ಕಾರಣಕ್ಕೆ ಮೈಕೆಲ್ ಜೋರ್ಡಾನ್‌ ತಾವು ಬಳಸಿದ್ದ ಕಾರನ್ನು ಹರಾಜು ಹಾಕುತ್ತಿದ್ದಾರೆ. ಸುದೀರ್ಘ ಅವಧಿಯಿಂದ ಈ ಕಾರನ್ನು ಬಳಸದೇ ಇರುವುದೇ ಈ ಕಾರಿಗೆ ಕಡಿಮೆ ಮೊತ್ತ ನಿಗದಿಪಡಿಸಲು ಪ್ರಮುಖ ಕಾರಣ.

MOSTREAD: ಬೀದಿ ನಾಯಿಯೇ ಈ ಶೋರೂಂನ ರಿಸೆಪ್ಶನಿಸ್ಟ್

ಆದರೆ ಈ ಕಾರನ್ನು ಹರಾಜು ಹಾಕುತ್ತಿರುವ ಬೆವರ್ಲಿ ಹಿಲ್ಸ್ ಕಾರ್ ಕ್ಲಬ್, ಈ ಕಾರಿನ ಹರಾಜಿನ ಮೂಲಕ ರೂ.75 ಲಕ್ಷ ಸಂಗ್ರಹವಾಗಬಹುದೆಂಬ ನಿರೀಕ್ಷೆಯನ್ನು ಹೊಂದಿದೆ. ಇತ್ತೀಚೆಗೆ ಕಂಪನಿಯು ಈ ಕಾರನ್ನು ಖರೀದಿಸಿತ್ತು.

ಈ ಕಾರಿನ ಹರಾಜು ಪ್ರಕ್ರಿಯೆಯು ಆಗಸ್ಟ್ 23ರವರೆಗೆ ನಡೆಯಲಿದೆ ಎಂದು ಕಂಪನಿ ತಿಳಿಸಿದೆ. ಜೋರ್ಡಾನ್‌ರವರ ಈ ಮರ್ಸಿಡಿಸ್ ಬೆಂಝ್ ಎಸ್ 600 ಕಾರನ್ನು ಜನಪ್ರಿಯ ಆನ್‌ಲೈನ್ ವಾಣಿಜ್ಯ ತಾಣ ಇ-ಬೇನಲ್ಲಿ ಮಾರಾಟಕ್ಕೀಡಲಾಗಿದೆ.

MOSTREAD: ನ್ಯಾನೋ ಕಾರಿಗೆ ಗುದ್ದಿ ಅಪ್ಪಚ್ಚಿಯಾದ ಹೋಂಡಾ ಸಿಟಿ ಕಾರು

ಜೋರ್ಡಾನ್ ರವರು ಈ ಕಾರನ್ನು ಇತರ ಕಾರುಗಳಿಗಿಂತ ಹೆಚ್ಚು ಬಳಸುತ್ತಿದ್ದರು. ಈ ಕಾರು ಸುಮಾರು 1,57,000 ಕಿ.ಮೀಗಳಷ್ಟು ಸಂಚರಿಸಿದೆ. ಮೈಕೆಲ್ ಜೋರ್ಡಾನ್ ಈ ಕಾರನ್ನು ಹೆಚ್ಚು ಬಳಸುತ್ತಿದ್ದರು ಎಂಬುದಕ್ಕೆ ಇದು ಪುರಾವೆಯಾಗಿದೆ.

1996ರ ಮಾದರಿಯಾಗಿದ್ದರೂ ಈ ಕಾರು ಹೊಸದರಂತೆಯೇ ಕಾಣುತ್ತದೆ. ಈ ಕಾರಿನಲ್ಲಿ 6.0 ಲೀಟರಿನ ವಿ12 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 389 ಬಿಹೆಚ್ ಪಿ ಪವರ್ ಉತ್ಪಾದಿಸುತ್ತದೆ. ಈ ಕಾರು ಎಲೆಕ್ಟ್ರಾನಿಕ್ ಅಡ್ಜಸ್ಟಬಲ್ ಟ್ಯಾಂಪರ್ ಸೌಲಭ್ಯವನ್ನು ಹೊಂದಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಈ ಕಾರಿಗೆ ಆಕರ್ಷಕ ಲುಕ್ ನೀಡಲು ಈ ಕಾರಿನಲ್ಲಿ 18 ಇಂಚಿನ ಮೊನೊ ಬ್ಲಾಕ್ ವ್ಹೀಲ್ ಗಳನ್ನು ಅಳವಡಿಸಲಾಗಿದೆ. ಇದರ ಜೊತೆಗೆ ಕಸ್ಟಮೈಸ್ ಮಾಡಲಾದ ಎಕ್ಸಾಸ್ಟ್ ಸೇರಿದಂತೆ ಹಲವಾರು ಫೀಚರ್ ಗಳನ್ನು ನೀಡಲಾಗಿದೆ. ಕಾರು ಹರಾಜು ಸುದ್ದಿಯನ್ನು ಟಿಎಂಝಡ್ ಸ್ಪೋರ್ಟ್ಸ್ ಬಹಿರಂಗಪಡಿಸಿದೆ.

ಬೆವರ್ಲಿ ಹಿಲ್ಸ್ ಕಾರ್ ಕ್ಲಬ್, ಮರ್ಸಿಡಿಸ್ ಬೆಂಝ್ ನ ಈ ಅಪರೂಪದ ಮಾದರಿಯು ಹೆಚ್ಚು ಲಾಭವನ್ನು ತಂದುಕೊಡಲಿದೆ ಎಂಬ ನಿರೀಕ್ಷೆಯನ್ನು ಇಟ್ಟುಕೊಂಡಿದೆ. ಈ ರೀತಿಯ ವಿಂಟೇಜ್ ಕಾರುಗಳನ್ನು ಕಾರು ಉತ್ಸಾಹಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಖರೀದಿಸುತ್ತಾರೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ವಿಂಟೇಜ್ ಹಾಗೂ ಮೈಕೆಲ್ ಜೋರ್ಡಾನ್ ಬಳಸಿದ ಕಾರು ಎಂಬ ಕಾರಣಕ್ಕೆ ಹೆಚ್ಚು ಮೊತ್ತ ಸಂಗ್ರಹವಾಗಬಹುದೆಂಬುದು ಬೆವರ್ಲಿ ಹಿಲ್ಸ್ ಕಾರ್ ಕ್ಲಬ್ ನಿರೀಕ್ಷೆ.ಈ ಕಾರು ಮಾತ್ರವಲ್ಲದೇ ಇತ್ತೀಚಿಗೆ ಮೈಕೆಲ್ ಜೋರ್ಡಾನ್ ರವರ ಶೂಗಳನ್ನು ಸಹ ಹರಾಜು ಹಾಕಲಾಗಿತ್ತು. ಈ ಶೂಗಳನ್ನು ಜೋರ್ಡಾನ್ ರವರಿಗಾಗಿಯೇ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿತ್ತು.