ಕ್ಷಿಪಣಿ ಹೊಡೆದುರುಳಿಸುವ ಬಲಿಷ್ಠ ಯುದ್ಧ ನೌಕೆ 'ಮರ್ಮಗೋವಾ'

ಒಟ್ಟು 29,700 ಕೋಟಿ ರುಪಾಯಿ ವೆಚ್ಚದಲ್ಲಿ ನಾಲ್ಕು ಯುದ್ಧ ನೌಕೆಗಳು ತಯಾರಾಗಲಿದೆ. ಮರ್ಮಗೋವಾ ಒಟ್ಟು 7,300 ಟನ್ ಗಳಷ್ಟು ಭಾರವನ್ನು ಹೊಂದಿರಲಿದ್ದು, ಗಂಟೆಗೆ 56 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ಐಎನ್ ಎಸ್ ವಿಶಾಖಪಟ್ಟಣಂ ಶ್ರೇಣಿಗೆ ಸೇರಿದ ಈ ಹಡಗನ್ನು 15ಬಿ ಯೋಜನೆಯಡಿ ನಿರ್ಮಿಸಲಾಗಿದೆ. ಐಎನ್ ಎಸ್ ವಿಶಾಖಪಟ್ಟಣಂ 2015 ಎಪ್ರಿಲ್ 20ರಂದು ಬಿಡುಗಡೆಗೊಳಿಸಲಾಗಿತ್ತು.

ಇದು ಹಡಗಿನಿಂದ ಹಡಗಿಗೆ, ಹಡಗಿನಿಂದ ವಿಮಾನಕ್ಕೆ ಹಾಗೂ ಹಡಗಿನಿಂದ ಜಲಾಂತರ್ಗಾಮಿ ಕ್ಷಿಪಣಿಗಳಿಗೆ ದಾಳಿ ಮಾಡುವ ಸಾಮರ್ಥ್ಯವನ್ನು ಪಡೆದಿದೆ. ಇದಲ್ಲದೆ ಜಲಾಂತರ್ಗಾಮಿಗಳನ್ನು ನಾಶ ಮಾಡುವ ಎರಡು ಹೆಲಿಕಾಪ್ಟರ್ ಗಳನ್ನು ಹೊತ್ತೊಯ್ಯುತ್ತದೆ.

2020ರ ವೇಳೆಯಾಗುವಾಗ ಪೂರ್ಣ ಪ್ರಮಾಣದಲ್ಲಿ ಬಳಸಿಕೊಳ್ಳುವ ಗುರಿಯನ್ನು ಭಾರತೀಯ ನೌಕೆ ಹೊಂದಿದ್ದು, ಇದರಲ್ಲಿ 50 ಮಂದಿ ಅಧಿಕಾರಿಗಳ ಜೊತೆಗೆ 250 ಮಂದಿ ನೌಕಾ ಸಿಬ್ಬಂದಿಗಳಿರಲಿದ್ದಾರೆ.

ಇಸ್ರೇಲ್ ತಂತ್ರಜ್ಞಾನದ ಸೂಕ್ಷ್ಮ ನಿಗಾ ಕಾರ್ಯಾಚರಣೆ ವ್ಯವಸ್ಥೆ, ಅಪಾಯ ಮುನ್ಸೂಚನೆ ನೀಡುವ ರಾಡಾರ್ ವ್ಯವಸ್ಥೆ ಇದರಲ್ಲಿದ್ದು, ಸಂಪೂರ್ಣ ಸಾಗರ ಭದ್ರತೆಯನ್ನು ಖಾತ್ರಿಪಡಿಸಲಿದೆ.

ಸಾಗರದಲ್ಲಿ ಸುಮಾರು ನಾಲ್ಕು ಸಾವಿರ ನಾಟಿಕಲ್ ಮೈಲು ದೂರದಲ್ಲಿ ಕಾರ್ಯಾಚರಿಸಲು ಸಾಮರ್ಥ್ಯ ಹೊಂದಿರುವ ಹಡಗು ಇದಾಗಿದೆ. ಇದರೊಂದಿಗೆ ಭಾರತೀಯ ನೌಕಾ ಬಲವನ್ನು ಇಮ್ಮಡಿಗೊಳಿಸಿದೆ.

ರಾಡಾರ್ ಗಳ ಕಣ್ತಪ್ಪಿಸಿ 100 ಕೀ.ಮೀ. ದೂರದಲ್ಲಿ ಬರುತ್ತಿರುವ ಕ್ಷಿಪಣಿ ಅಥವಾ ವೈರಿ ವಿಮಾನಗಳನ್ನು ಹೊಡೆದುರುಳಿಸುವ ಸಾಮರ್ಥ್ಯವನ್ನು ಮರ್ಮಗೋವಾ ಹೊಂದಿದೆ.

ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆಯ ತಜ್ಞರು ಮತ್ತು ಖಾಸಗಿ ಹಾಗೂ ಸರ್ಕಾರಿ ಸಂಸ್ಥೆಗಳ ತಜ್ಞರು ನೌಕೆಯನ್ನು ವಿನ್ಯಾಸಗೊಳಿಸಲು ಅವಿರತವಾಗಿ ಪರಿಶ್ರಮಿಸಿದ್ದಾರೆ.

ಈ ಒಂದು ಯುದ್ಧ ನೌಕೆಯ ವೆಚ್ಚ ಸರಿ ಸುಮಾರು 7000 ಕೋಟಿ ರುಪಾಯಿಗಳಾಗಿದ್ದು, ಇಂತಹ ನಾಲ್ಕು ಯುದ್ಧ ನೌಕೆಗಳನ್ನು 2020-24ರ ವೇಳೆಯಾಗುವಾಗ ಸಂಪೂರ್ಣವಾಗಿ ಹಸ್ತಾಂತರಿಸಲಾಗುವುದು.

ಈ ನೌಕೆಗೆ ಗೋವಾ ಬಂದರಿನ ಹೆಸರು 'ಮೊರ್ಮುಗಾವೋ' ಎಂದು ನಾಮಕರಣ ಮಾಡಲಾಗಿದೆ. ಇದನ್ನು 'ಮರ್ಮಗೋವಾ' ಎಂದು ಕರೆಯಲಾಗುತ್ತದೆ.