ನಿಮಗೆ ಗೊತ್ತಿರದ ಭಾರತೀಯ ರಸ್ತೆಗಳ ಇಂಟ್ರಸ್ಟಿಂಗ್ ಸ್ಟೋರಿ ಇದು..!!

ದೇಶದ ಸ್ವರ್ಗ ಹಿಮಾಲಯಕ್ಕೆ ಬೈಕ್ ರೈಡಿಂಗ್ ಕೈಗೊಳ್ಳುವುದು ಪ್ರತಿಯೊಬ್ಬನ ಕನಸಾಗಿರುತ್ತದೆ. ಆದರೂ ಕಳಪೆ ಆಡಳಿತ ವರ್ಗದಿಂದಾಗಿ ಭಾರತೀಯ ರಸ್ತೆಯ ಪರಿಸ್ಥಿತಿ ಶೋಚನೀಯ ಸ್ಥಿತಿಗೆ ಬಂದು ತಲುಪಿರುವುದು ದುರದೃಷ್ಟಕರ ಸಂಗತಿ. ಪ್ರಸ್ತುತ ಲೇಖನದಲ್ಲಿ ಭಾರತೀಯ ಹೆದ್ದಾರಿಗಳ ಬಗ್ಗೆ ಪ್ರತಿಯೊಬ್ಬ ಭಾರತೀಯ ತಿಳಿದುಕೊಳ್ಳಬೇಕಾದ ಅಂಶಗಳ ಬಗ್ಗೆ ವಿವರಿಸಿಕೊಡಲಿದ್ದೇವೆ.

ಜಾಗತಿಕವಾಗಿ ಮುನ್ನಡೆ ಸಾಧಿಸಿಸುತ್ತಿರುವ ಭಾರತವು ಸಾರಿಗೆ ಮಾಧ್ಯಮದಲ್ಲಿ ಅಭೂತಪೂರ್ವ ಸಾಧನೆ ಮಾಡುತ್ತಿದೆ. ಅಂತಯೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾರಿಗೆ ವ್ಯವಸ್ಥೆಯನ್ನು ಅಭಿವೃದ್ಧಿ ಮಾಡಲಾಗುತ್ತಿದ್ದು, ಕೆಲವು ರಸ್ತೆಗಳು ತಮ್ಮದೇ ಆದ ಮಹತ್ವ ಹೊಂದಿವೆ.

ಸದ್ಯ ದೇಶದಲ್ಲಿ 44 ಲಕ್ಷ ಕಿಮಿ ರಸ್ತೆಯು ಸಾರ್ವಜನಿಕವಾಗಿ ಬಳಕೆಗೆ ಲಭ್ಯವಿದ್ದು, ಇದರಲ್ಲಿ 79,243 ಕಿಮಿ ರಾಷ್ಟ್ರೀಯ ಹೆದ್ದಾರಿ, 1500 ಕಿಮಿ ಎಕ್ಸ್‌ ಪ್ರೆಸ್ ವೇ, 1,31,899 ಕಿಮಿ ರಾಜ್ಯ ಹೆದ್ದಾರಿ ಕೂಡಿ ಕೊಂಡಿವೆ. ಇದರ ಜೊತೆಗೆ ಸಾವಿರಾರು ಸೇತುವೆಗಳು, ಮೇಲ್ಸೆತುವೆಗಳು ಮತ್ತು ಸುರಂಗ ಮಾರ್ಗಗಳು ಕೂಡಾ ಕಂಡುಬರುತ್ತವೆ.

Recommended Video

Jeep Dealership Executives In Mumbai Beat Up Man Inside Showroom

ಇನ್ನು ದೇಶದ ಬಹುತೇಕ ಹೆದ್ದಾರಿಗಳು ಡಬಲ್ ಲೇನ್ ಗಳಾಗಿವೆ. ಆದರೆ 22,900 ಕೀ.ಮೀ.ಗಳಿಗೂ ಉದ್ದದ ರಸ್ತೆಗಳು ನಾಲ್ಕು ಹಾಗೂ ಆರು ಲೇನ್ ಗಳನ್ನು ಪಡೆದಿದೆ. ಇದರಲ್ಲಿ ದೇಶದ ಒಟ್ಟು ರಸ್ತೆಯ ಶೇಕಡಾ 1.7ರಷ್ಟು ಪಾಲನ್ನು ಮಾತ್ರ ರಾಷ್ಟ್ರೀಯ ಹೆದ್ದಾರಿಗಳು ಹೊಂದಿದ್ದರು ಶೇಕಡಾ 40ರಷ್ಟು ರಸ್ತೆ ಟ್ರಾಫಿಕ್ ಪಾಲನ್ನು ಹೊಂದಿರುವುದು ಆಶ್ಚರ್ಯಕರ ಸಂಗತಿಯಾಗಿದೆ.

ಎಕ್ಸ್‌ಪ್ರೇಸ್ ವೇಗಳು

2004ರಲ್ಲಿ ಗೋಲ್ಡನ್ ಕ್ವಾಡ್ರಿಯಲ್ ಯೋಜನೆ ಅಡಿ ಅಭಿವೃದ್ಧಿಗೊಂಡಿರುವ ಅಹಮದಾಬಾದ್- ವಡೋದರಾ ನಡುವಿನ 95 ಕಿಮಿ ಉದ್ದದ ಎಕ್ಸ್‌ಪ್ರೆಸ್ ಸದ್ಯ ದೇಶದ ಅತಿ ಸುಂದರ ಹೆದ್ದಾರಿಯಾಗಿದೆ.

ಇದರೊಂದಿಗೆ ಮುಂಬೈ-ಪುಣೆ ನಡುವಿನ ಯಮುನಾ ಎಕ್ಸ್‌ಪ್ರೆಸ್ ವೇ ಕೂಡಾ ವಿನೂತನ ರೀತಿಯಲ್ಲಿ ನಿರ್ಮಾಣವಾಗಿದ್ದು, ಅಂತರಾಷ್ಟ್ರೀಯ ಸೌಲಭ್ಯಗಳನ್ನು ಹೊಂದಿದೆ ಎನ್ನಬಹುದು.

ಎರ್ನಾಕುಳಂದಿಂದ ಕೊಚ್ಚಿ ಬಂದರನ್ನು ತಲುಪುವ ಎನ್ ಎಚ್47ಎ ದೇಶದ ಅತ್ಯಂತ ಚಿಕ್ಕದಾದ ರಾಷ್ಟ್ರೀಯ ಹೆದ್ದಾರಿಯಾಗಿದೆ.

ಅತಿದೊಡ್ಡ ಮೇಲ್ಸುತುವೆ

ಚೆನ್ನೈ ಟು ಮಧುರೈ ನಡುವೆ ಮೇಲ್ಸುತುವೆ ದೇಶದ ಅತಿದೊಡ್ಡ ಮೇಲ್ಸುತುವೆ ಎಂದೇ ಜನಪ್ರಿಯತೆ ಹೊಂದಿದ್ದು, ಒಟ್ಟು 19 ಕಿಮಿ ಉದ್ದ ಹೊಂದಿದೆ.

ಇದಲ್ಲದೇ ಕೇಂದ್ರ ಸರಕಾರ ಮಹತ್ತರ ಉತ್ತರ-ದಕ್ಷಿಣ-ಪೂರ್ಣ-ಪಶ್ಚಿಮ ಕಾರಿಡಾರ್ ನಿರ್ಮಾಣದಲ್ಲಿ ತೊಡಗಿದ್ದು, ಬರೋಬ್ಬರಿ 7300 ಕೀ.ಮೀ. ದೂರವನ್ನು ಕ್ರಮಿಸಲಿದೆ. ಉತ್ತರದಿಂದ ದಕ್ಷಿಣಕ್ಕೆ ಜಮ್ಮು ಕಾಶ್ಮೀರದಿಂದ ಆರಂಭವಾಗಲಿರುವ ರಸ್ತೆಯು ಕನ್ಯಾಕುಮಾರಿಯನ್ನು ತಲುಪಲಿದೆ. ಹಾಗೆಯೇ ಪಶ್ಚಿಮದಿಂದ ಪೂರ್ವಕ್ಕೆ ಗುಜರಾತ್ ನ ಫೋರ್ ಬಂದರಿನಿಂದ ಅಸ್ಸಾಂನ ಸಿಲ್ಚಾರ್ ಪ್ರದೇಶವನ್ನು ತಲುಪಲಿದೆ.

ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಮಾಹಿತಿಗಳ ಪ್ರಕಾರ ಸದ್ಯ 30,000 ಕೀ.ಮೀ.ಗಳಷ್ಟು ಉದ್ದದ ನೂತನ ಹೆದ್ದಾರಿಗಳ ನಿರ್ಮಾಣವು ಜಾರಿಯಲ್ಲಿದೆ.