ಸುಖೋಯ್ ಯುದ್ಧ ವಿಮಾನಗಳಿಗೆ ಎಂಆರ್‌ಎಫ್ ಚಕ್ರಗಳು

ಎಂಆರ್‌ಎಫ್ ವಿನ್ಯಾಸಿತ ಈ ಚಕ್ರಗಳು ಹೈದರಾಬಾದ್‌ನ ಘಟಕದಲ್ಲಿ ಉತ್ಪಾದನೆಯಾಗುತ್ತಿದೆ. ಪ್ರಸ್ತುತ ಯೋಜನೆ 2008ನೇ ಇಸವಿಯಲ್ಲಿ ಆರಂಭಿಸಲಾಗಿತ್ತು.

ವರದಿಗಳ ಪ್ರಕಾರ, ಶೇಕಡಾ 40ರಷ್ಟು ಅಗ್ಗದ ದರದಲ್ಲಿ ಭಾರತೀಯ ವಾಯು ಸೇನೆಯ ಸುಖೋಯ್ ಯುದ್ಧ ವಿಮಾನಗಳಿಗೆ ಎಂಆರ್‌ಎಫ್ ಚಕ್ರಗಳನ್ನು ವಿತರಿಸಲಿದೆ.

ನಿಮ್ಮ ಮಾಹಿತಿಗಾಗಿ, ಜಾಗತಿಕವಾಗಿ ಐದು ಸಂಸ್ಥೆಗಳು ಯುದ್ಧ ವಿಮಾನ ಚಕ್ರಗಳನ್ನು ಉತ್ಪಾದಿಸುತ್ತಿವೆ. ಈ ಪೈಕಿ ಭಾರತೀಯ ವಾಯು ಸೇನೆಯು, ಸುಖೋಯ್‌ಗಾಗಿ ರಷ್ಯಾ ಚಕ್ರಗಳನ್ನು ಬಳಕೆ ಮಾಡುತ್ತಿದ್ದವು.

ಅಂದ ಹಾಗೆ, ವಿಮಾನಯಾನ ಯೋಜನೆಯಲ್ಲಿ ಇದು ಎಂಆರ್‌ಎಫ್‌ನ ಎರಡನೇ ಯೋಜನೆಯಾಗಿರಲಿದೆ. ಇದಕ್ಕೂ ಮೊದಲು ಹಿಂದೂಸ್ತಾನ್ ಏರೋನಾಟಿಕ್ ಲಿಮಿಟೆಡ್ (ಎಚ್‌ಎಎಳ್) ಜತೆಗೆ ಭಾರತೀಯ ವಾಯುಸೇನೆಯ ಚೇತಕ್ ಹೆಲಿಕಾಪ್ಟರ್‌ಗಳಿಗಾಗಿ ಚಕ್ರಗಳನ್ನು ಉತ್ಪಾದಿಸುತ್ತಿದ್ದವು. ಹಾಗೆಯೇ ಮಿಗ್ ಯುದ್ಧ ವಿಮಾನ ಹಾಗೂ ಭಾರತೀಯ ನೌಕಾಪಡೆಗೂ ಚಕ್ರಗಳನ್ನು ಉತ್ಪಾದಿಸುತ್ತಿವೆ.

ನಿಮ್ಮ ಮಾಹಿತಿಗಾಗಿ, ಸುಖೋಯ್ ಎಸ್‌ಯು-30 ಎಂಕೆಐ, 430 ಕೋಟಿ ರು.ಗಳಷ್ಟು ದುಬಾರಿಯಾಗಿದೆ. ಇದೀಗ ದುಬಾರಿ ಯುದ್ಧ ವಿಮಾನಗಳಿಗೆ ಎಂಆರ್‌ಎಫ್ ಚಕ್ರಗಳನ್ನು ಬಳಕೆ ಮಾಡಲು ಭಾರತೀಯ ವಾಯು ಸೇನೆ ನಿರ್ಧರಿಸಿದೆ.

ಎಲ್ಲ ಹವಾಮಾನ ಪರಿಸ್ಥಿತಿಯಲ್ಲೂ ಹಾರಾಡಲು ಸಾಮರ್ಥ್ಯ ಹೊಂದಿರುವ ಸುಖೋಯ್, ಗಂಟೆಗೆ 420 ಕೀ.ಮೀ. ವೇಗದಲ್ಲಿ ಲ್ಯಾಂಡಿಂಗ್ ಮಾಡುವ ಸಾಮರ್ಥ್ಯ ಹೊಂದಿದೆ. ಹಾಗಿರುವಾಗ ಗರಿಷ್ಠ ಗುಣಮಟ್ಟದ ಚಕ್ರಗಳನ್ನು ಬಳಕೆ ಮಾಡಲಾಗುವುದು.

ಸುಖೋಯ್ ಎಸ್‌ಯು-30ಎಂಕೆಐ ಯುದ್ಧ ವಿಮಾನವನ್ನು ರಷ್ಯಾ ಸುಖೋಯ್ ಕಾರ್ಪೋರೇಷನ್ ಹಾಗೂ ಭಾರತದ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್‌ಎಎಲ್) ಜಂಟಿಯಾಗಿ ಅಭಿವೃದ್ಧಿಪಡಿಸಿದೆ. ಅಲ್ಲದೆ ಸ್ಥಳೀಯವಾಗಿ ಜೋಡಣೆ ಮಾಡಲಾಗಿದೆ.