ಮಗಳ ಜೊತೆಗೆ ಜಾಲಿ ರೈಡ್ ಮಾಡಿದ ಎಂ‌ಎಸ್ ಧೋನಿ

ಎಂ‌ಎಸ್ ಧೋನಿಯವರ ವೀಡಿಯೊವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಈ ವೀಡಿಯೊದಲ್ಲಿ ಧೋನಿರವರು ತಮ್ಮ ಮಗಳು ಝೀವಾ ಜೊತೆಗೆ ಯಮಹಾ ಆರ್‌ಡಿ 350 ಬೈಕ್‌ನಲ್ಲಿ ಸವಾರಿ ಮಾಡುತ್ತಿದ್ದಾರೆ. ಈ ವೀಡಿಯೊವನ್ನು ಅವರ ಪತ್ನಿ ಸಾಕ್ಷಿ ಧೋನಿ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಈ ವೀಡಿಯೊದಲ್ಲಿ ಸಣ್ಣ ಮಗು ಹಾಗೂ ದೊಡ್ಡ ಮಗು ಸೇರಿ ಇಬ್ಬರು ಮಕ್ಕಳು ಆಡುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಇದುವರೆಗೂ ಈ ವೀಡಿಯೊವನ್ನು ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ಧೋನಿ ಕೆಲವು ವರ್ಷಗಳ ಹಿಂದಷ್ಟೇ ತಮ್ಮ ಯಮಹಾ ಆರ್‌ಡಿ 350 ಬೈಕ್ ಅನ್ನು ಮಾಡಿಫೈಗೊಳಿಸಿದ್ದಾರೆ.

MOSTREAD: ನಟ ವಿಕ್ರಮ್‌ಗಾಗಿ ತಯಾರಾಯ್ತು ವಿಶೇಷ ಕಾರವ್ಯಾನ್

ಧೋನಿಯವರ ಬಳಿಯಿರುವ ಕೆಲವು ಹಳೆಯ ಬೈಕ್‌ಗಳಲ್ಲಿ ಈ ಬೈಕ್ ಕೂಡ ಒಂದು. ಇದಕ್ಕೂ ಮುಂಚೆ, ಧೋನಿರವರು ರಾಂಚಿಯ ಬಿರ್ಸಾ ಮುಂಡಾ ಕ್ರಿಕೆಟ್ ಕ್ರೀಡಾಂಗಣದ ಹೊರಗೆ ಈ ಬೈಕಿನಲ್ಲಿ ಹಲವು ಬಾರಿ ಕಾಣಿಸಿಕೊಂಡಿದ್ದಾರೆ.

ಕೆಲವು ವಾರಗಳ ಹಿಂದಷ್ಟೇ ಧೋನಿರವರು ತಮ್ಮ ಸ್ವಂತ ಊರಾದ ರಾಂಚಿಯಲ್ಲಿ ಹಾರ್ಲೆ-ಡೇವಿಡ್ಸನ್ ಫ್ಯಾಟ್ ಬಾಯ್ ಬೈಕ್ ಅನ್ನು ಸವಾರಿ ಮಾಡಿದ್ದರು. ಎಂ‌ಎಸ್ ಧೋನಿರವರು ಯಮಹಾ ಆರ್‌ಡಿ 350, ಡುಕಾಟಿ 1098, ಕವಾಸಕಿ ನಿಂಜಾ ಝಡ್ಎಕ್ಸ್ -14 ಆರ್‌ನಂತಹ ಬೈಕ್‌ಗಳನ್ನು ಹೊಂದಿದ್ದಾರೆ. ಧೋನಿ ಅವರ ಬಳಿ ಹಲವಾರು ಐಷಾರಾಮಿ ಕಾರು ಹಾಗೂ ಬೈಕುಗಳಿವೆ.

MOST READ:ಕರೋನಾದಿಂದ ಬೈಕ್ ಕಳೆದುಕೊಂಡ ಯುವಕನಿಗೆ ಸರ್ ಪ್ರೈಸ್ ಗಿಫ್ಟ್ ನೀಡಿದ ಟಿವಿಎಸ್

ಕವಾಸಕಿ ನಿಂಜಾ ಹೆಚ್ 2 ಹಾಗೂ ಕಾನ್ಫೆಡರೇಟ್ ಎಕ್ಸ್ 132 ಹೆಲ್ ಕ್ಯಾಟ್ ಧೋನಿಯವರ ಬೈಕ್ ಸಂಗ್ರಹದಲ್ಲಿರುವ ಆಕರ್ಷಕ ಬೈಕುಗಳಾಗಿವೆ. ಧೋನಿರವರು ಕವಾಸಕಿ ನಿಂಜಾ ಹೆಚ್ 2 ಬೈಕ್ ಖರೀದಿಸಿದ ಮೊದಲ ಭಾರತೀಯ.

ಈ ಬೈಕ್ ಅನ್ನು ಅವರಿಗೆ 2015ರಲ್ಲಿ ವಿತರಿಸಲಾಯಿತು. ಧೋನಿ ಯಮಹಾ ಆರ್‌ಡಿ 350 ಬೈಕ್‌ ಅನ್ನು ಹೆಚ್ಚು ಇಷ್ಟಪಡುತ್ತಾರೆ. ಈ ಬೈಕ್ ಅನ್ನು ಹುಡುಕಿಕೊಂಡು ಅವರು ಕೇರಳದ ತ್ರಿಶೂರ್‌ಗೆ ಹೋಗಿದ್ದರು. ಈ ಬೈಕ್‌ ಅನ್ನು ಕೇವಲ ರೂ.4,500 ಕೊಟ್ಟು ಖರೀದಿಸಿದ್ದಾರೆ ಎಂದು ಹೇಳಲಾಗಿದೆ.

MOSTREAD: ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣದಲ್ಲಿ ಹೊಸ ದಾಖಲೆ ಬರೆದ ಕೇಂದ್ರ ಸರ್ಕಾರ

ಯಮಹಾ ಆರ್‌ಡಿ 350 ಬೈಕಿನಲ್ಲಿ 2-ಸ್ಟ್ರೋಕ್ 350 ಸಿಸಿ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 30.5 ಬಿಹೆಚ್‌ಪಿ ಪವರ್ ಹಾಗೂ 32.3 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಈ ಬೈಕಿನಲ್ಲಿ 6-ಸ್ಪೀಡ್ ಗೇರ್ ಬಾಕ್ಸ್ ಅಳವಡಿಸಲಾಗಿದ್ದು, ಈ ಬೈಕ್ 155 ಕೆ.ಜಿ ತೂಕವನ್ನು ಹೊಂದಿದೆ.