ಅಪರೂಪದ ವಿಂಟೇಜ್ ಕಾರ್ ಡ್ರೈವ್ ಮಾಡಿದ ಎಂಎಸ್ ಧೋನಿ

ಮಹೇಂದ್ರ ಸಿಂಗ್ ಧೋನಿ 2020 ರಲ್ಲಿ ಎಲ್ಲಾ ರೀತಿಯ ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ನಂತರ, ಅವರು ಅಪರೂಪದ ಹಳೆಯ ಕಾರುಗಳನ್ನು ಸೇರಿಸುವ ಮೂಲಕ ತಮ್ಮ ಕ್ಲಾಸಿಕ್ ಕಾರ್ ಗ್ಯಾರೇಜ್ ಅನ್ನು ವಿಸ್ತರಿಸಿದರು. ಮಾಜಿ ಭಾರತೀಯ ಕ್ರಿಕೆಟ್ ತಂಡದ ನಾಯಕ, ಧೋನಿ ಇತ್ತೀಚೆಗೆ ಎರಡು ಹೊಸ ವಿಂಟೇಜ್ ರೋವರ್ ಕೂಪರ್ ಮಿನಿ ಸ್ಪೋರ್ಟ್ ಮತ್ತು ಲ್ಯಾಂಡ್ ರೋವರ್ ಡಿಫೆಂಡರ್ 110 ನೊಂದಿಗೆ ಕಾಣಿಸಿಕೊಂಡಿದ್ದಾರೆ. ಧೋನಿ ಅವರ ಕಾರುಗಳನ್ನು ಪ್ರೀತಿಸುತ್ತಾರೆ ಮತ್ತು ಅವರು ಕಾರಿನಲ್ಲಿದ್ದಾಗ ಡ್ರೈವಿಂಗ್ ಸೀಟಿನಲ್ಲಿ ಬೇರೆಯವರನ್ನು ನಾವು ಅಪರೂಪವಾಗಿ ನೋಡುತ್ತೇವೆ.

ಬಿಎಂಡಬ್ಲ್ಯು ಬ್ರ್ಯಾಂಡ್ ಅನ್ನು ಸ್ವಾಧೀನಪಡಿಸಿಕೊಳ್ಳುವ ಮೊದಲು ಅದರ ಹಿಂದಿನ ಮಾಲೀಕ ರೋವರ್ ನಿರ್ಮಿಸಿದ ಕೊನೆಯ ಕೂಪರ್ ಮಿನಿ ಮಾದರಿಗಳಲ್ಲಿ ಇದು ಒಂದಾಗಿದೆ. ಭಾರತದ ಅಪರೂಪದ ಮಾಡೆಲ್‌ಗಳಲ್ಲಿ ಒಂದೆಂದು ಪರಿಗಣಿಸಲ್ಪಟ್ಟಿರುವ ಈ ಕಾರನ್ನು ವಿಂಟೇಜ್ ಕಾರ್ ರ್ಯಾಲಿಯಂತಹ ವಿಶೇಷ ದಿನಗಳನ್ನು ಹೊರತುಪಡಿಸಿ ದಿನನಿತ್ಯದ ಡ್ರೈವರ್‌ನಂತೆ ಬಳಸುವವರು ಅಥವಾ ರಸ್ತೆಗಳಲ್ಲಿ ಕಾಣಸಿಗುವುದು ಬಲು ಅಪರೂಪ.

ಧೋನಿ ಕೆಂಪು ಕೂಪರ್ ಮಿನಿ ಸ್ಪೋರ್ಟ್‌ನಲ್ಲಿ ಪರಿಶುದ್ಧ ಸ್ಥಿತಿಯಲ್ಲಿ ಕಾಣಿಸಿಕೊಂಡರು. ವ್ಹೀಲ್ ಗಳು ಸಹ ಮಿನಿಲೈಟ್ ಶೈಲಿಯಲ್ಲಿ ಮೂಲ 12-ಇಂಚಿನ ಐಷಾರಾಮಿ ಅಲಾಯ್ ವ್ಹೀಲ್ ಆಗಿದೆ. ಬಾಡಿಯು ಮೂಲ ಬಾನೆಟ್ ಪಟ್ಟೆಗಳನ್ನು ಸಹ ಪಡೆಯುತ್ತದೆ. ಹೆಚ್ಚುವರಿ ಫಾಗ್ ಲ್ಯಾಂಪ್ ಗಳು ಮೂಲವಾಗಿ ಕಾಣುತ್ತವೆ.

ಈ ಕಾರಿನಲ್ಲಿ ಅದೇ ಮೂಲ ಎಂಜಿನ್ ಅನ್ನು ಹೊಂದಿದೆ. ಇದು 1.3-ಲೀಟರ್ BMC ಆಸ್ಟಿನ್ ನಾಲ್ಕು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಆಗಿದೆ. ಇದು ನ್ಯಾಚುರಲ್-ಆಸ್ಪೈರಡ್ ಎಂಜಿನ್ 63 ಬಿಹೆಚ್‍ಪಿ ಪವರ್ ಮತ್ತು 95 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ಅನ್ನು 4-ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಅನ್ನು ಪಡೆಯುತ್ತದೆ. ಕೇವಲ 1,050 ಕೆ.ಜಿ ತೂಕದ ರೋವರ್ ಕೂಪರ್ ಮಿನಿ ಸ್ಪೋರ್ಟ್ ಕಾರ್ ಆಗಿದೆ.

ಮಹೇಂದ್ರ ಸಿಂಗ್ ಧೋನಿ ಖರೀದಿಸಿದ ಎರಡನೇ ಲ್ಯಾಂಡ್ ರೋವರ್ ಡಿಫೆಂಡರ್ ಇದಾಗಿದೆ. ಕಾಹ್ನ್ ಎಕ್ಸ್-ಲ್ಯಾಂಡರ್ ಗ್ರಿಲ್‌ನೊಂದಿಗೆ ಸಂಪೂರ್ಣ-ಕಪ್ಪು ಡಿಫೆಂಡರ್ 110 ಉನ್ನತ ದರ್ಜೆಯ ಸ್ಥಿತಿಯಲ್ಲಿ ಕಾಣುತ್ತದೆ. ವೀಡಿಯೊದ ಗುಣಮಟ್ಟದಿಂದಾಗಿ, ಕಾನ್ ಗ್ರಿಲ್‌ನ ದೃಢೀಕರಣದ ಬಗ್ಗೆ ನಾವು ಖಚಿತವಾಗಿ ಹೇಳಲಾಗುವುದಿಲ್ಲ.

ಜನರೇಷನ್ ಮೋಟಾರ್ಸ್ ಬ್ಯೂಕ್ ವಿ8 ಎಂಜಿನ್ ವಿನ್ಯಾಸವನ್ನು ಆಧರಿಸಿದ ಐಕಾನಿಕ್ ರೋವರ್ ವಿ8 ಕಾರ್ಬ್ಯುರೇಟರ್ ಎಂಜಿನ್‌ನಿಂದ ವಾಹನವು ಚಾಲಿತವಾಗಿದೆ. ಎಂಜಿನ್ ಉತ್ತಮವಾದ ವಿ8 ಎಕ್ಸಾಸ್ಟ್ ನೋಟ್ ಅನ್ನು ಉತ್ಪಾದಿಸುತ್ತದೆ ಮತ್ತು ಸುಮಾರು 130 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಇದು ಡ್ಯುಯಲ್ ಕಾರ್ಬ್ಯುರೇಟರ್‌ಗಳಿಂದ ನೀಡಲ್ಪಡುತ್ತದೆ ಮತ್ತು ಜಾಹೀರಾತಿನ ಪ್ರಕಾರ, ಇದು ಗರಿಷ್ಠ 10 ಕಿಮೀ ಮೈಲೇಜ್ ಅನ್ನು ನೀಡುತ್ತದೆ.

ಧೋನಿ 52 ವರ್ಷದ ಲ್ಯಾಂಡ್ ರೋವರ್ ಡಿಫೆಂಡರ್ 110 ಅನ್ನು ರಿಸ್ಟೋರ್ ಮಾಡಿಸಿದ್ದಾರೆ. ಈ ವಾಹನದ ಒಳಗೆ ಆಧುನಿಕ ವೈಶಿಷ್ಟ್ಯಗಳಿರುವಾಗ ಮೂಲ ಮಾದರಿಯಂತೆ ಉತ್ತಮವಾಗಿ ಕಾಣುವಂತೆ ವಾಹನವನ್ನು ರೆಸ್ಟೊ ಮಾಡ್ ಮಾಡಲಾಗಿದೆ. ಆದರೆ ಈ ಡಿಫೆಂಡರ್ ತನ್ನ ಗಾಜಿನ ಗ್ಯಾರೇಜ್ನಲ್ಲಿ ಉಳಿದಿದೆ. ಅದೇ ಗ್ಯಾರೇಜ್ ಪಾಂಟಿಯಾಕ್ ಫೈರ್‌ಬರ್ಡ್ ಮತ್ತು ರೋಲ್ಸ್ ರಾಯ್ಸ್ ಸಿಲ್ವರ್ ಶ್ಯಾಡೋದಂತಹ ಇತರ ಕ್ಲಾಸಿಕ್ ಕಾರುಗಳಿಗೆ ಸ್ಥಳಾವಕಾಶವನ್ನು ಒದಗಿಸುತ್ತದೆ.

ಕಾರ್ ಮತ್ತು ಬೈಕ್ ಮೇಲಿನ ಕ್ರೇಜ್‌ನಿಂದ ಅವರು ತಮ್ಮ ಮನೆಯಲ್ಲಿ ವಾಹನಗಳ ಸಂಗ್ರಹಕ್ಕಾಗಿಯೇ ವಿಶೇಷವಾದ ಗ್ಯಾರೇಜ್ ಒಂದನ್ನು ನಿರ್ಮಿಸಿಕೊಂಡಿದ್ದಾರೆ. ಈ ಗ್ಯಾರೇಜ್ ನಲ್ಲಿ ಅವರ ಮೆಚ್ಚಿನ ಹಲವಾರು ಕಾರು-ಬೈಕ್ ಗಳಿವೆ. ಗ್ಯಾರೇಜ್ ಒಳಗೊಂಡೆ ಕಾರು-ಬೈಕ್ ಗಳಿಗೆ ಪಾರ್ಕ್ ಮಾಡಲು ವಿಶಾಲವಾದ ಸ್ಥಳಾವಕಾಶವಿದೆ.

ಧೋನಿ ಅವರ ಗ್ಯಾರೇಜ್ ನಲ್ಲಿ ಸಾಲು ಸಾಲು ಬೈಕುಗಳನ್ನು ನಿಲ್ಲಿಲಾಗಿದೆ. ಗ್ಯಾರೇಜ್ ನಲ್ಲಿ ಎರಡು ಹಂತದ ಬೈಕ್ ಪಾರ್ಕಿಂಗ್ ಹೊಂದಿದೆ. ಅವರ ಗ್ಯಾರೇ‍‍ಜ್‍ನಲ್ಲಿ ಹಲವು ಎಕ್ಸೊಟಿಕ್ಸ್ ದ್ವಿಚಕ್ರ ವಾಹನಗಳಿವೆ. ಅವರ ಬಳಿ ಇರುವ ಅಪರೂಪದ ಮತ್ತು ದುಬಾರಿ ಬೈಕ್‍ ಕವಾಸಕಿ ಹೆಚ್2, ಯಮಹಾ ವೈಜೆಡ್-ಆರ್ 1, ಕವಾಸಕಿ ನಿಂಜಾ ಝಡ್ಎಕ್ಸ್ 14 ಆರ್, ಹೋಂಡಾ ಫೈರ್‌ಬ್ಲೇಡ್, ಒಂದೆರಡು ಹಾರ್ಲೆ-ಡೇವಿಡ್ಸನ್ ಬೈಕ್‌ಗಳು ಮತ್ತು ಯಮಹಾ ಆರ್‌ಡಿ 350 ಸಹ ಬೈಕ್ ಸ್ಥಾನ ಪಡೆದಿದೆ.

ಅವರ ಗ್ಯಾರೇ‍‍ಜ್‍ನಲ್ಲಿ ಅತ್ಯಂತ ಅಪರೂಪದ ಕಾನ್ಫೆಡರೇಟ್ ಎಕ್ಸ್ 132 ಹೆಲ್ ಕ್ಯಾಟ್ ಕೂಡ ಸೇರಿದೆ. ಎಂಎಸ್ ಧೋನಿ ಒಡೆತನದ ಐಕಾನಿಕ್ ಕಾರುಗಳಲ್ಲಿ ಮಹೀಂದ್ರಾ ಸ್ಕಾರ್ಪಿಯೋ, ಲ್ಯಾಂಡ್ ರೋವರ್ ಡಿಸ್ಕವರಿ, ಹಮ್ಮರ್ ಎಚ್2 ಮತ್ತು ಇತ್ತೀಚೆಗಿನ ನಿಸ್ಸಾನ್ ಜೊಂಗಾ ಸೇರಿವೆ.

ಈ ವಾಹನದ ವಿಶೇಷತೆ ಏನೆಂದರೆ, ಆರಂಭದಲ್ಲಿ ಜೊಂಗಾವನ್ನು ಭಾರತೀಯ ಸೇನೆಗಾಗಿ 1965 ರಲ್ಲಿ ನಿಸ್ಸಾನ್ ನೀಡಿದ ವಿಶೇಷ ಪರವಾನಗಿ ಅಡಿಯಲ್ಲಿ ಉತ್ಪಾದಿಸಲಾಯಿತು ಈ ವಾಹನವು 1969 ರಿಂದ 1999 ರವರೆಗೆ ಸೇವೆಯಲ್ಲಿತ್ತು ಮತ್ತು ನಂತರ ಅದನ್ನು ಹೆಚ್ಚಾಗಿ ಮಹೀಂದ್ರಾ MM540 ನಿಂದ ಬದಲಾಯಿಸಲಾಯಿತು. VFJ 1996 ರಲ್ಲಿ ಪರಿಚಯಿಸಲಾದ ಜೊಂಗಾದ ನಾಗರಿಕ ರೂಪಾಂತರವನ್ನು ಸಹ ಮಾಡಿತು. 1999 ರಲ್ಲಿ ವಾಹನವು ಹಂತಹಂತವಾಗಿ ಸ್ಥಗಿತಗೊಳ್ಳುವವರೆಗೆ ಕೇವಲ 100 ಯುನಿಟ್ ಗಳನ್ನು ನಾಗರಿಕರಿಗೆ ಮಾರಾಟ ಮಾಡಲಾಯಿತು.

ಜೊಂಗಾ ವಾಹನದಲ್ಲಿ ಲೀಟರ್ ಆರು-ಸಿಲಿಂಡರ್ ಡೀಸೆಲ್ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 110 ಬಿಹೆಚ್‍ಪಿ ಪವರ್ ಮತ್ತು 264 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 3-ಸ್ಪೀಡ್ ಮ್ಯಾನ್ಯುವಲ್ ಗೇರ್‌ಬಾಕ್ಸ್ ಮತ್ತು ಸ್ಟ್ಯಾಂಡರ್ಡ್ ಆಗಿ ಫ್ಹೋರ್ ವ್ಹೀಲ್ ಡ್ರೈವ್‌ನೊಂದಿಗೆ ಬಂದಿದೆ. ಜೊಂಗಾವನ್ನು ಪರಿಪೂರ್ಣ ಸ್ಥಿತಿಗೆ ರಿಸ್ಟೋರ್ ಮಾಡಲಾಗಿದೆ, ಈ ವಾಹನದಲ್ಲಿ ಹೆವಿ ಡ್ಯೂಟಿ ಬಂಪರ್, ಪವರ್ ಫುಲ್ ವಿಂಚ್, ಎಲ್ಇಡಿ ಲ್ಯಾಂಪ್‌ಗಳು ಮತ್ತು ಹೆಚ್ಚಿನ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.

ಧೋನಿಯ ಆವೃತ್ತಿಯ ವಾಹನವನ್ನು ಒಳಗೆ ಮತ್ತು ಹೊರಗೆ ಹೆಚ್ಚು ಕಸ್ಟಮೈಸ್ ಮಾಡಲಾಗಿದೆ. ಭಾರತದ ಮಾಜಿ ಕ್ರಿಕೆಟ್ ನಾಯಕ ಕೂಡ ಕಡು ಹಸಿರು ಬಣ್ಣದ ವಾಹನವನ್ನು ಹೊಂದಿದ್ದಾರೆ. ಜೊಂಗಾವನ್ನು ಪ್ರಯಾಣಕ್ಕೆ, ಆಂಬ್ಯುಲೆನ್ಸ್, ಗನ್ ಕ್ಯಾರಿಯರ್ ಆಗಿ ರಿಕೊಯಿಲ್‌ಲೆಸ್ ರೈಫಲ್‌ಗಳು ಮತ್ತು ಗಸ್ತು ವಾಹನಗಳಿಗೆ ಬಳಸಲಾಗುತ್ತಿತ್ತು.

ನಿಸ್ಸಾನ್ ಜೊಂಗಾ ಪ್ರಬಲ ಆಫ್-ರೋಡ್ ವಾಹನವಾಗಿದೆ. ಕಠಿಣವಾದ ಭೂಪ್ರದ್ರೇಶಗಳಲ್ಲಿಯು ಸುಲಭವಾಗಿ ಸಾಗುವಂತಹ ಪ್ರಬಲ ಆಫ್-ರೋಡ್ ಮಾದರಿಯಾಗಿದೆ. ಇದರಿಂದಾಗಿ ಈ ವಾಹನವನ್ನು ಭಾರತೀಯ ಸೇನೆ ಬಳಸುತ್ತಿತ್ತು. ಇನ್ನು ಈ ನಿಸ್ಸಾನ್ ಜೊಂಗಾ ರಗಡ್ ಮತ್ತು ಅಗ್ರೇಸಿವ್ ಲುಕ್ ಅನ್ನು ಹೊಂದಿರುವ ವಾಹನ ಇದಾಗಿದೆ.