ಸಿನಿಮಾ ಸ್ಟೈಲ್​ನಲ್ಲಿ ಬಹುಕೋಟಿ ಬೆಲೆಯ ಐಷಾರಾಮಿ ಎಸ್‍ಯುವಿಗಳೊಂದಿಗೆ ಕೂಡಿದ ಅಂಬಾನಿ ಬೆಂಗಾವಲು ಪಡೆ

ವಿಶ್ವದ ಅತ್ಯಂತ ಶೀಮಂತ ವ್ಯಕ್ತಿಗಳಲ್ಲಿ ಒಬ್ಬರಾದ ಮುಖೇಶ್ ಅಂಬಾನಿ ಅವರು ದುಬಾರಿ ಮತ್ತು ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ. ಉದ್ಯಮಿ ಮುಖೇಶ್ ಅಂಬಾನಿ ಮತ್ತು ಅವರ ಕುಟುಂಬ Z+ ಭದ್ರತೆಯೊಂದಿಗೆ ತಿರುಗಾಡುತ್ತಾರೆ. ಯಾಕೆಂದರೆ ಇವರಿಗೆ ಸಾಕಷ್ಟು ಬೆದರಿಕೆ ಇರುವುದರಿಂದ ಹೆಚ್ಚಿನ ಸುರಕ್ಷತೆಗಾಗಿ Z+ ಭದ್ರತೆಯನ್ನು ಒದಗಿಸಲಾಗಿದೆ.

ಅಂಬಾನಿ ಕುಟುಂಬದ ಐಷಾರಾಮಿ ಭದ್ರತಾ ಕಾರುಗಳು BMW X5 ಎಸ್‍ಯುವಿಗಳೊಂದಿಗೆ ಪ್ರಾರಂಭವಾಯಿತು. ನಂತರ ಲ್ಯಾಂಡ್ ರೋವರ್ ಡಿಸ್ಕವರಿ, ಲ್ಯಾಂಡ್ ರೋವರ್ ರೇಂಜ್ ರೋವರ್ಸ್ ಮತ್ತು ಈಗ ಮರ್ಸಿಡಿಸ್-AMG G63 ಎಸ್‍ಯುವಿಗಳನ್ನು ಕೂಡ ಹೊಂದಿದ್ದಾರೆ. ಇಂದು ಮುಖೇಶ್ ಅಂಬಾನಿ ಅವರ ಭದ್ರತೆಯು ಅತ್ಯಂತ ದುಬಾರಿಯಾಗಿದೆ. ಅಂಬಾನಿ ಅವರ ಬೆಂಗಾವಲು ಪಡೆಯ ಕಾರುಗಳ ಒಟ್ಟು ಬೆಲೆಯು ಸುಮಾರು ರೂ.30 ಕೋಟಿಯಾಗಿದೆ.

ಅವರ ಭದ್ರತಾ ಪಡೆಯಲ್ಲಿ ಏಳು ಮರ್ಸಿಡಿಸ್-ಎಎಂಜಿ ಜಿ63 ಎಸ್‌ಯುವಿಗಳು ಮತ್ತು ಮೂರು ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ ಎಸ್‌ಯುವಿಗಳನ್ನು ತೋರಿಸುವ ವೀಡಿಯೊ ವೈರಲ್ ಆಗಿದೆ. ಬೆಂಗಾವಲು ಪಡೆಗಳು ಯಾವಾಗಲೂ ಐಷಾರಾಮಿ, ಟಾಪ್ ಕ್ಲಾಸ್ ಎಸ್‍ಯುವಿಗಳನ್ನು ಒಳಗೊಂಡಿರುತ್ತದೆ, ಇತ್ತೀಚಿನ ವೀಡಿಯೊವು ಏಳು Mercedes-Benz G63 AMG ಎಸ್‍ಯುವಿಗಳನ್ನು ಒಳಗೊಂಡಿರುವ ಅಂಬಾನಿಯವರ ಬೆಂಗಾವಲು ಪಡೆಯನ್ನು ತೋರಿಸಿದೆ.

ಪ್ರತಿಯೊಂದು Mercedes-Benz G63 AMG ಎಸ್‍ಯುವಿಗೆ ಬೆಲೆಯು ಸುಮಾರು ರೂ. 3 ಕೋಟಿ. ಆಗಿದೆ. ಪರಿಣಾಮವಾಗಿ, ಎಲ್ಲಾ Mercedes-Benz G63 AMG ಎಸ್‍ಯುವಿಗಳ ಒಟ್ಟು ವೆಚ್ಚವು ರೂ.21 ಕೋಟಿ ಆಗಿದೆ. ಇನ್ನು ಮೂರು ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ ಎಸ್‌ಯುವಿಗಳೂ ಇವೆ. ಪ್ರತಿ ಎಸ್‌ಯುವಿ ಬೆಲೆಯು ರೂ.2.5 ಕೋಟಿಯಾಗಿದೆ. ಅಂದರೆ ಈ ಮೂರು ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ ಎಸ್‌ಯುವಿಗಳ ಒಟ್ಟು ಬೆಲೆ ಸುಮಾರು ರೂ.7.5 ಕೋಟಿಯಾಗುತ್ತದೆ.

ಒಟ್ಟಾರೆಯಾಗಿ ಬೆಂಗಾವಲು ಪಡೆಯಲ್ಲಿ ಸುಮಾರು 30 ಕೋಟಿ ರೂ. ಮೌಲ್ಯದ ಕಾರುಗಳನ್ನು ಒಳಗೊಂಡಿವೆ. ಇನ್ನು 2021 ರಲ್ಲಿ, ಮರ್ಸಿಡಿಸ್ ಬೆಂಝ್ ಕಂಪನಿಯು ಮರ್ಸಿಡಿಸ್-AMG G63 ಎಸ್‍ಯುವಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಪರಿಚಯಿಸಲಾಯಿತು, ಈ ಎಸ್‍ಯುವಿಯ ಎಕ್ಸ್ ಶೋರೂಂ ಪ್ರಕಾರ ಬೆಲೆಯು ರೂ.2.2 ಕೋಟಿಯಾಗಿದೆ. ಈ ಎಸ್‌ಯುವಿಯ ಆನ್ ರೋಡ್ ಬೆಲೆ ಸುಮಾರು ರೂ.3 ಕೋಟಿಯಾಗಿದೆ.

ಈ ಎಸ್‍ಯುವಿಯ ಪೂರ್ಣ ಎಲ್ಇಡಿ ಸೆಟಪ್ ಅನ್ನು ಹೊಂದಿದೆ, ಹೆಚ್ಚುವರಿಯಾಗಿ ಈ ಎಸ್‍ಯುವಿಯಲ್ಲಿ ಟೈಲ್‌ಗೇಟ್-ಮೌಂಟೆಡ್ ಸ್ಪೇರ್ ವೀಲ್ ಅನ್ನು ಹೊಂದಿದೆ ಮತ್ತು ಬೃಹತ್ 21-ಇಂಚಿನ ಸ್ಪೋಕ್ ಅಲಾಯ್ ವ್ಹೀಲ್ ಗಳನ್ನು ಹೊಂದಿವೆ. ಈ ಮರ್ಸಿಡಿಸ್-AMG G63 ಎಸ್‍ಯುವಿಯಲ್ಲಿ 4.0-ಲೀಟರ್ ಬೈ-ಟರ್ಬೋಚಾರ್ಜ್ಡ್ V8 ಪೆಟ್ರೋಲ್ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ ಅನ್ನು 585 Bhp ಮತ್ತು 850 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಎಂಜಿನ್ ಜೊತೆ 9-ಸ್ಪೀಡ್ AMG SPEEDSHIFT ಅನ್ನು ನೀಡಲಾಗಿದೆ. ಮರ್ಸಿಡಿಸ್-AMG G63 ಎಸ್‍ಯುವಿಯು 4.5 ಸೆಕೆಂಡುಗಳಲ್ಲಿ 100 ಕಿಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಇನ್ನು ಈ ಎಸ್‍ಯುವಿಯು 220 ಕಿ.ಮೀ ಟಾಪ್ ಸ್ಪೀಡ್ ಅನ್ನು ಹೊಂದಿದೆ. ಲ್ಯಾಂಡ್ ರೋವರ್ ರೇಂಜ್ ರೋವರ್ ವೋಗ್ G63 AMG ಎಸ್‍ಯುವಿ ಮೊದಲು ಅಂಬಾನಿಯ ಭದ್ರತಾ ವಿವರಗಳಲ್ಲಿ ಅತ್ಯಂತ ದುಬಾರಿ ವಾಹನವಾಗಿತ್ತು.

ಇನ್ನು ಅಂಬಾನಿಯವರು ಬುಲೆಟ್ ಪ್ರೂಫ್ ಕಾರುಗಳಲ್ಲಿ ಪ್ರಯಾಣಿಸುತ್ತಾರೆ. ಇನ್ನು ಅಂಬಾನಿ ಅವರು ಮತ್ತು ಅವರ ಫ್ಯಾಮಿಲಿ, ಬೆಂಟ್ಲಿ ಬೆಂಟಾಯ್ಗಾ, ಮರ್ಸಿಡಿಸ್-ಬೆಂಝ್ ಇ-ಕ್ಲಾಸ್, ಮರ್ಸಿಡಿಸ್-ಎಎಮ್‌ಜಿ ಜಿ63, ಬೆಂಟ್ಲಿ ಮುಲ್ಸಾನ್ನೆ, ಲ್ಯಾಂಡ್ ರೋವರ್ ರೇಂಜ್ ರೋವರ್ ಮತ್ತು ರೋಲ್ಸ್ ರಾಯ್ಸ್ ಫ್ಯಾಂಟಮ್ ಡ್ರಾಪ್‌ಹೆಡ್ ಸೇರಿದಂತೆ ಹಲವು ಐಷಾರಾಮಿ ಕಾರುಗಳನ್ನು ಒಳಗೊಂಡಿವೆ.