ಪೊಲೀಸ್ ಪಡೆಗೆ 10 ಆಲ್ ಟೆರೈನ್ ವಾಹನಗಳನ್ನು ಕೊಡುಗೆ ನೀಡಿದ ರಿಲಯನ್ಸ್ ಫೌಂಡೇಶನ್

ಈಗ ಮುಂಬೈ ಪೊಲೀಸ್ ಪಡೆಗೆ 10 ಪೋಲಾರಿಸ್ ಆಲ್ ಟೆರೈನ್ ವಾಹನಗಳನ್ನು ಸೇರ್ಪಡೆಗೊಳಿಸಲಾಗಿದೆ. ಈ ವಾಹನವು ಎಲ್ಲಾ ರೀತಿಯ ರಸ್ತೆಗಳಿಗೆ ಸೂಕ್ತವಾದ ವಾಹನವಾಗಿದೆ. ಈ ವಾಹನವನ್ನು ಬೀಚ್'ಗಳಲ್ಲಿಯೂ ಚಾಲನೆ ಮಾಡಬಹುದು. ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ದವ್ ಠಾಕ್ರೆರವರು 10 ಪೋಲಾರಿಸ್ ಆಲ್ ಟೆರೈನ್ ವಾಹನಗಳಿಗೆ ಚಾಲನೆ ನೀಡಿದ್ದಾರೆ.

ಈ ಸಂದರ್ಭದಲ್ಲಿ ಮಹಾರಾಷ್ಟ್ರ ಉಪಮುಖ್ಯಮಂತ್ರಿ ಅಜಿತ್ ಪವಾರ್ ಹಾಗೂ ಗೃಹ ಸಚಿವ ದಿಲೀಪ್ ವಾಲ್ಸೆ ಪಾಟೀಲ್ ಉಪಸ್ಥಿತರಿದ್ದರು. ಈ ವಾಹನಗಳನ್ನು ರಿಲಯನ್ಸ್ ಫೌಂಡೇಶನ್ ಕೊಡುಗೆಯಾಗಿ ನೀಡಿದೆ.

MOST READ: ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ಈ ವಾಹನಗಳನ್ನು ಮುಂಬೈನ ಕರಾವಳಿ ಪ್ರದೇಶಗಳಲ್ಲಿ ಗಸ್ತು ತಿರುಗಲು ಬಳಸಲಾಗುವುದು ಎಂದು ಮುಂಬೈ ಪೊಲೀಸ್ ಆಯುಕ್ತ ಹೇಮಂತ್ ನಾಗ್ರೆಲ್ ತಿಳಿಸಿದ್ದಾರೆ. ಈ ವಾಹನವನ್ನು ಎಲ್ಲಾ ರೀತಿಯ ರಸ್ತೆಗಳಲ್ಲಿ ಚಾಲನೆ ಮಾಡಬಹುದಾಗಿರುವುದರಿಂದ, ಈ ವಾಹನಗಳನ್ನು ಕಡಲತೀರದಲ್ಲಿ ಗಸ್ತು ತಿರುಗಲು ಮಾತ್ರವಲ್ಲದೆ ತುರ್ತು ಸಂಚಾರಕ್ಕೂ ಬಳಸಬಹುದು.

ಈ ವಾಹನಗಳನ್ನು ಅಮೆರಿಕಾದ ಆಟೋಮೊಬೈಲ್ ಕಂಪನಿಯಾದ ಪೋಲಾರಿಸ್ ಮೋಟಾರ್ ತಯಾರಿಸಿದೆ. ಈ ಅಮೆರಿಕಾ ಕಂಪನಿಯು ನಿರ್ಮಿಸಿರುವ ವಾಹನಗಳನ್ನು ಈಗ ಮುಂಬೈ ಪೊಲೀಸ್ ಪಡೆಗೆ ಸೇರ್ಪಡೆಗೊಳಿಸಲಾಗಿದೆ.

MOST READ: ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಈ ಆಲ್ ಟೆರೈನ್ ವಾಹನವನ್ನು 570 ಇಎಫ್‌ಐ ರೇಂಜರ್ ಎಂದು ಕರೆಯಲಾಗುತ್ತದೆ. ಈ ವಾಹನದಲ್ಲಿ 570 ಸಿಸಿ, 4 ಸ್ಟ್ರೋಕ್, ಡಿಒಹೆಚ್‌ಸಿ ಸಿಂಗಲ್ ಸಿಲಿಂಡರ್ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 44 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ.

10 ಇಂಚುಗಳಷ್ಟು ಗ್ರೌಂಡ್ ಕ್ಲಿಯರೆನ್ಸ್ ಹೊಂದಿರುವ ಈ ಪೋಲಾರಿಸ್ ವಾಹನದ ಮುಂಭಾಗ ಹಾಗೂ ಹಿಂಭಾಗದ ವ್ಹೀಲ್'ಗಳ ನಡುವಿನ ಅಂತರವು 2,667 ಎಂ.ಎಂಗಳಾಗಿದೆ. ಈ ವಾಹನವು ಒಂದು ಬಾರಿ ಗರಿಷ್ಠ 4 ಜನರನ್ನು ಸಾಗಿಸಬಲ್ಲದು.

MOST READ: 10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಈ ವಾಹನದಲ್ಲಿರುವ ಸ್ಟೀಯರಿಂಗ್ ವ್ಹೀಲ್ ತುಸು ಜಟಿಲವಾಗಿದೆ. ಆದರೆ ಪೋಲಾರಿಸ್ ಮೋಟಾರ್ ಕಂಪನಿಯು ಈ ಆಲ್ ರೋಡ್ ವಾಹನದಲ್ಲಿ ಸ್ಟೀಯರಿಂಗ್ ವ್ಹೀಲ್ ಅನ್ನು ಸ್ವಲ್ಪ ಇಳಿಜಾರಿನೊಂದಿಗೆ ಅಳವಡಿಸಿದೆ.

ಈ ವಾಹನದಲ್ಲಿ ಸಿಂಗಲ್ ಅನಲಾಗ್ ಡಯಲ್, ಸ್ಪೀಡೋಮೀಟರ್, ಟ್ಯಾಕೋಮೀಟರ್, ಆಟೋಮೀಟರ್, ಗೇರ್ ಇಂಡಿಕೇಟರ್, ಫ್ಯೂಯಲ್ ಲೆವೆಲ್ ಇಂಡಿಕೇಟರ್, ಸೀಟ್ ಬೆಲ್ಟ್ ಫ್ರೀ ಫ್ಲ್ಯಾಷ್‌ಲೈಟ್'ಗಳನ್ನು ಹೊಂದಿರುವ 2 ಇಂಚಿನ ಎಲ್‌ಸಿಡಿ ನೀಡಲಾಗಿದೆ.