ನೂತನ ಸಚಿವರಿಗೆ ಲಕಲಕ ಹೊಳೆಯುವ ಕಾರುಗಳು ಸಿದ್ಧ

ಹೊಸದಾಗಿ ಸಚಿವರಾಗುವವರಿಗೆ ಸಾರಿಗೆ ವಿಭಾಗ ಕಾರುಗಳನ್ನು ಸಜ್ಜುಗೊಳಿಸಿದೆ. ಇದರಲ್ಲಿ ಟೊಯೊಟಾ ಇನ್ನೋವಾ ಜತೆಗೆ ಟಾಟಾ ಸಫಾರಿ, ಮಹೀಂದ್ರ ಎಕ್ಸ್‌ಯುವಿ 500, ಹೋಂಡಾ ಸಿಆರ್‌ವಿ, ಕರೊಲ್ಲಾ ಹಾಗೂ ಮಾರುತಿ ಡಿಜೈರ್ ಆವೃತ್ತಿಗಳು ಸೇರಿವೆ. ಮೂಲಗಳ ಪ್ರಕಾರ 21 ಇನ್ನೋವಾ ಹೈ ಎಂಡ್ ಕಾರುಗಳು ರೆಡಿಯಾಗಿ ನಿಂತಿವೆ.

ನೂತನ ಸಚಿವರು ತಮಗೆ ಬೇಕಾದ ಕಾರುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಪ್ರತಿ ಕಾರಿಗೆ ಇಬ್ಬರ ಚಾಲಕರ ಸೇವೆ ಕೂಡಾ ಲಭ್ಯವಿದೆ. ಒಟ್ಟಿನಲ್ಲಿ ಐಷಾರಾಮಿ ಜೀವನ ಸಾಗಿಸಲು ಸಚಿವರು ರೆಡಿಯಾಗಿದ್ದಾರೆ.

ಹೊಸ ಕಾರುಗಳನ್ನು ಇಟ್ಟುಕೊಳ್ಳುವುದು ಪ್ರತಿಷ್ಠೆಯ ವಿಚಾರವಾಗಿದ್ದರಿಂದ ಸಚಿವರು ದುಂದು ವೆಚ್ಚ ಮಾಡುವ ಸಂಭವವಿದೆ. ಮೂಲಗಳ ಪ್ರಕಾರ ಸಚಿವರ ಕಾರು ಖರೀದಿಗಾಗಿ 5 ಕೋಟಿ ರುಪಾಯಿಗಳಷ್ಟು ವ್ಯಯ ಮಾಡಲಾಗುತ್ತಿದೆ.

ಇನ್ನು ಚುನಾವಣಾ ಪ್ರಚಾರ ವೇಳೆ ಆಡಿ ಕ್ಯೂ7 ಕಾರಿನಲ್ಲಿ ತಿರುಗಾಡುತ್ತಿದ್ದ ಸಿದ್ಧರಾಮಯ್ಯ ಅವರು ಮುಖ್ಯಮಂತ್ರಿ ಪದಗ್ರಹಣ ಮಾಡಿದ ಬಳಿಕ ಅಧಿಕೃತ ಪಯಣಕ್ಕಾಗಿ ಶಿಷ್ಟಾಚಾರ ಇಲಾಖೆ ನೂತನ ಟೊಯೊಟಾ ಫಾರ್ಚುನರ್ ಕಾರು ಒದಗಿಸಿಗಿದೆ. ಇದು 25 ಲಕ್ಷ ರು.ಗಳಷ್ಟು ದುಬಾರಿಯಾಗಿದೆ. ಸಿಎಂಗೆ ಕಾರು ಹಿಡಿಸಿಲ್ಲವೆಂದರೆ ಬದಲಾಯಿಸುವ ಅವಕಾಶ ಕೂಡಾ ಇದೆ.

ನಿಮ್ಮ ಮಾಹಿತಿಗಾಗಿ ಮಾಜಿ ಮುಖ್ಯಮಂತ್ರಿ ಬಿ. ಎಸ್. ಯಡಿಯೂರಪ್ಪ ಹೋಂಡಾ ಸಿಆರ್‌ವಿ ಕಾರನ್ನು ಬಳಕೆ ಮಾಡಿದ್ದರು. ಇದಾದ ಬಳಿಕ ಸಿಎಂ ಹುದ್ದೆ ಆಲಂಕರಿಸಿದ್ದ ಡಿ.ವಿ ಸದಾನಂದ ಗೌಡ ಹಾಗೂ ಜಗದೀಶ್ ಶೆಟ್ಟರ್ ಕೂಡಾ ಹೋಂಡಾ ಸಿಆರ್‌ವಿ ಕಾರಿನಲ್ಲೇ ಪಯಣಿಸಿದ್ದರು.

ಒಟ್ಟಿನಲ್ಲಿ ಜನರ ದುಡ್ಡಿನಿಂದಲೇ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆಂಬುದನ್ನು ಹೊಸದಾಗಿ ಪ್ರಮಾಣ ವಚನ ಸ್ವೀಕರಿಸಲಿರುವ ಸಚಿವರು ಮರೆಯಬಾರದು. ಹಾಗೆಯೇ ಭ್ರಷ್ಟಚಾರ ರಹಿತ ಆಡಳಿತ ಒದಗಿಸಲು ಸಾಧ್ಯವಾಗಲಿ ಎಂದು ಡ್ರೈವ್ ಸ್ಪಾರ್ಕ್ ಆಶಿಸುತ್ತಿದೆ.