ನಿಸ್ಸಾನ್ ತೇಲುವ ಕಾರು 'ನೋಟ್ ಬೋಟ್'

ಸಾಮಾನ್ಯಗಿಂತಲೂ ಅತಿ ವಿಶೇಷ ರೀತಿಯಲ್ಲಿ ನೋಟ್ ಬೋಟ್ ಲಾಂಚ್ ಮಾಡಿರುವ ನಿಸ್ಸಾನ್, ವಾಹನ ವಲಯದ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ತೆಪ್ಪೆಯಲ್ಲಿ ಜೋಡಣೆ ಮಾಡಲಾದ ನಿಸ್ಸಾನ್ ಕಾರನ್ನು 2012 ಲಂಡನ್ ಒಲಿಂಪಿಕ್ ತಾಣದ ನದಿಯಲ್ಲಿ ಬಿಡಲಾಗಿತ್ತು.

ಇನ್ನು ದೋಣಿ ಮುಂದೆ ಸಾಗಲು ನಾವಿಕರ ಅಗತ್ಯವಿಲ್ಲವೇ? ಈ ಕಾರ್ಯಕ್ಕಾಗಿ ಮೂವರು ಒಲಿಂಪಿಯನ್ನರನ್ನು ನೇಮಕಗೊಳಿಸಿತ್ತು. ಅವರು ಈ ಕೆಲಸವನ್ನು ಹೆಚ್ಚು ಖುಷಿಯಿಂದಲೇ ಮಾಡಿ ತೋರಿಸಿದರು.

ಒಲಿಂಪಿಕ್ ಚಿನ್ನ ವಿಜೇತರಾದ ಹೆಲೆನ್ ಗ್ಲೋವರ್, ಸೋಫಿ ಹಾಸ್ಕಿಂಗ್ ಮತ್ತು ಪೊಲಿ ಸ್ವಾನ್ ಪ್ರಮುಖ ಆಕರ್ಷಣೆಯಾಗಿದ್ದರು. ಇವರಿಗೆ ಸಮಸ್ಯೆಯಾಗದಿರಲು ಕಾರಿನ ಮಧ್ಯಭಾಗದಲ್ಲಿರುವ ಸೀಟನ್ನು ತೆರವುಗೊಳಿಸಲಾಗಿತ್ತು.

ನಿಮ್ಮ ಮಾಹಿತಿಗಾಗಿ, ನೋಟ್‌ನ್ಲಲಿ 360 ಡಿಗ್ರಿ ಪಾರ್ಕಿಂಗ್ ಸಿಸ್ಟಂ ಹಾಗೂ ಸೇಫ್ಟಿ ಶೀಲ್ಡ್ ಟೆಕ್ನಾಲಜಿ ಫೀಚರ್ಸ್ 4 ಕ್ಯಾಮೆರಾಗಳಿವೆ. ಇದು ಒಂದು ಎದುರುಗಡೆ, ಇನ್ನೊಂದು ಹಿಂದುಗಡೆ ಹಾಗೆಯೇ ಪ್ರತಿ ಡೋರ್ ಮಿರರ್‌ನಲ್ಲೂ ಒಂದೊಂದು ಲಗತ್ತಿಸಲಾಗಿದೆ.

ಅಷ್ಟಕ್ಕೂ ಇಂತಹದೊಂದು ಕಾರ್ಯಕ್ರಮ ಆಯೋಜಿಸುವ ಉದ್ದೇಶ ಏನಾಗಿತ್ತು ಅಂತೀರಾ? ಹೌದು, ಕಾರಿನ ಪ್ರಚಾರದ ಸಹಿತ ನೋಟ್ ರಿವರ್ಸ್ ಕ್ಯಾಮೆರಾ ಸಿಸ್ಟಂ ಉತ್ತೇಜಿಸುವುದು ಆಯೋಜಕರ ಉದ್ದೇಶವಾಗಿತ್ತು.

ನೋಟ್ ರೋಡ್ ಕಾರಿನಂತೆಯೇ ನೋಟ್ ಬೋಟ್‌ನಲ್ಲಿಯೂ ರಿಯರ್ ಕ್ಯಾಮೆರಾ ಸೌಲಭ್ಯ ಆಳವಡಿಸಲಾಗಿತ್ತು. ಇದು ಲೇನ್ ತಪ್ಪಿದ್ದಲ್ಲಿ ಎಚ್ಚರಿಕೆ ರವಾನಿಸುತ್ತಿತ್ತು.

ಅಂದ ಹಾಗೆ ನಿಸ್ಸಾನ್ ಬೋಟ್ ಯುರೋಪ್‌ನಲ್ಲಿ ಈಗಾಗಲೇ 3860 ಬುಕ್ಕಿಂಗ್ ದಾಖಲಿಸಿಕೊಂಡಿದ್ದು, ಅಕ್ಟೋಬರ್ 1ರಂದು ವಿತರಣೆ ಕಾರ್ಯ ಆರಂಭವಾಗಲಿದೆ.

ಈ ಮೂಲಕ ಮಾರುಕಟ್ಟೆಯಲ್ಲಿ ಗರಿಷ್ಠ ಬುಕ್ಕಿಂಗ್ ಗಿಟ್ಟಿಸಿಕೊಳ್ಳಲು ನಿಸ್ಸಾನ್ ಹೊಸ ಮಾರಾಟ ತಂತ್ರ ಅನುಸರಿಸಿದೆ. ಇದಕ್ಕೆ ಜಗತ್ತಿನಾದ್ಯಂತ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಇಷ್ಟೆಲ್ಲ ಆದರೂ ನೋಟ್ ಬೋಟ್ ನೀರಿಗಿಳಿಸುವಾಗ ಸಂದರ್ಭದಲ್ಲಿ ಎಂಜಿನ್ ಹೊರಗಿಡಲಾಗಿತ್ತು ಎಂಬುದನ್ನು ಮರೆಯಬಾರದು.

ವೀಡಿಯೊ ವೀಕ್ಷಿಸಿ