ಬೆಂಕಿ ಕಡ್ಡಿಗಳಿಂದ ತಯಾರಾಯ್ತು ಅಪರೂಪದ ಸೈಕಲ್ ಪ್ರತಿಕೃತಿ

ಹಿಂದಿನ ಕಾಲದಲ್ಲಿ ಪೆನ್ನಿ ಫಾರ್ಥಿಂಗ್ ಸೈಕಲ್‌ಗಳು ಹೆಚ್ಚು ಜನಪ್ರಿಯವಾಗಿದ್ದವು. ಪೆನ್ನಿ ಫಾರ್ಥಿಂಗ್ ಸೈಕಲ್‌ಗಳ ಮುಂಭಾಗದ ವ್ಹೀಲ್'ಗಳು ದೊಡ್ಡದಾಗಿದ್ದರೆ, ಹಿಂಭಾಗದ ವ್ಹೀಲ್'ಗಳು ತುಂಬಾ ಚಿಕ್ಕದಾಗಿರುತ್ತವೆ. ಇತ್ತೀಚಿನ ದಿನಗಳಲ್ಲಿ ಈ ಸೈಕಲ್‌ಗಳು ಕಾಣುವುದೇ ಅಪರೂಪ. ಇಂತಹ ಅಪರೂಪದ ಸೈಕಲ್‌ನ ಪ್ರತಿಕೃತಿಯನ್ನು ಸಾಸ್ವತ್ ರಂಜನ್ ಸಾಹು ತಯಾರಿಸಿದ್ದಾರೆ.

ಈ ಸೈಕಲ್ ತಯಾರಿಸಲು ಅವರು 3,600ಕ್ಕೂ ಬೆಂಕಿ ಕಡ್ಡಿಗಳನ್ನು ಬಳಸಿದ್ದಾರೆ. ಅವರು ತಯಾರಿಸಿರುವ ಈ ಸೈಕಲ್ 1870ರ ದಶಕದ ಮಾದರಿಯನ್ನು ಹೋಲುತ್ತದೆ. 50 ಇಂಚು ಉದ್ದ, 25 ಇಂಚು ಅಗಲ ಹೊಂದಿರುವ ಈ ಸೈಕಲ್ ಅನ್ನು ಸಾಸ್ವತ್ ರಂಜನ್ ಸಾಹೂ 7 ದಿನಗಳಲ್ಲಿ ತಯಾರಿಸಿದ್ದಾರೆ.

MOST READ: ವಾಹನ ಖರೀದಿಸುವವರಿಗೆ, ಮಾರಾಟ ಮಾಡುವವರಿಗೆ ನೆರವಾಗುವ ಆರ್‌ಟಿಒ ಫಾರಂಗಳಿವು!

ವಿಶ್ವ ಬೈಸಿಕಲ್ ದಿನಕ್ಕಿಂತ ಮುಂಚೆಯೇ ಈ ಸೈಕಲ್ ಅನ್ನು ತಯಾರಿಸಿದ್ದರು. ಈ ಬಗ್ಗೆ ಮಾತನಾಡಿರುವ ಸಾಸ್ವತ್ ರಂಜನ್ ಸಾಹು, ನಾನು ಶಾಲೆಯಲ್ಲಿದ್ದಾಗ ಈ ಸೈಕಲ್ ಅನ್ನು ನೋಡಿದ್ದೆ. ಈ ಸೈಕಲ್ ನನ್ನನ್ನು ಬಹುವಾಗಿ ಆಕರ್ಷಿಸಿತ್ತು.

ನಾನು ಈ ಸೈಕಲ್ ಹೊಂದಲು ಬಯಸಿದ್ದೆ. ಆದರೆ ಈ ಸೈಕಲ್ ಸದ್ಯಕ್ಕೆ ಲಭ್ಯವಿಲ್ಲ. ಈ ಕಾರಣಕ್ಕೆ ವಿಶ್ವ ಸೈಕಲ್ ದಿನಾಚರಣೆಯ ಸಂದರ್ಭದಲ್ಲಿ ಈ ಸೈಕಲ್ ತಯಾರಿಸಿದ್ದೇನೆ. ಈ ಮೂಲಕ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲು ಬಯಸುತ್ತೇನೆ ಎಂದು ಹೇಳಿದರು.

MOST READ: ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಖರೀದಿಗೂ ಮುನ್ನ ಪರಿಶೀಲಿಸಬೇಕಾದ ಸಂಗತಿಗಳಿವು

ಜನರು ಕಾರುಗಳ ಬದಲು ಸೈಕಲ್‌ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಬಳಸಬೇಕು ಎಂದು ಅವರು ಹೇಳಿದರು. ಸೈಕಲ್‌ಗಳು ಪರಿಸರ ಸ್ನೇಹಿಯಾಗಿದ್ದು, ನಮ್ಮ ಆರೋಗ್ಯ ಕಾಪಾಡಲು ನೆರವಾಗುತ್ತವೆ.

ಈ ಕಾರಣಕ್ಕೆ ಜನರು ಸೈಕಲ್‌ಗಳಿಗೆ ಆದ್ಯತೆ ನೀಡಬೇಕು ಎಂದು ಸಾಸ್ವತ್ ರಂಜನ್ ಸಾಹು ಹೇಳಿದರು. ದ್ವಿಚಕ್ರ ವಾಹನಗಳಿಗೆ ಸೈಕಲ್‌ಗಳು ಅತ್ಯುತ್ತಮ ಪರ್ಯಾಯವಾಗಿವೆ. ಈ ಬಗ್ಗೆ ಸಾಸ್ವತ್ ರಂಜನ್'ರವರು ಇನ್‌ಸ್ಟಾಗ್ರಾಂನಲ್ಲಿಯೂ ಮಾಹಿತಿ ನೀಡಿದ್ದಾರೆ.

MOST READ: 10 ಲಕ್ಷ ಬೆಲೆಯ ಕಾರಿಗೆ 20 ಲಕ್ಷದ ಬಿಲ್ ನೀಡಿದ ಸರ್ವೀಸ್ ಸೆಂಟರ್

ಸೈಕ್ಲಿಂಗ್ ಬಗ್ಗೆ ಜಾಗೃತಿ ಮೂಡಿಸುವ ಉದ್ದೇಶದಿಂದ ನಾನು ಈ ಸೈಕಲ್ ಅನ್ನು ತಯಾರಿಸಿದೆ. ಪ್ರತಿಯೊಬ್ಬರೂ ಸೈಕಲ್‌ ಬಳಸಬೇಕೆಂದು ನನ್ನ ಆಸೆ. ಇದರಿಂದಪರಿಸರವನ್ನು ಕಲುಷಿತಗೊಳಿಸದೆ ಆರೋಗ್ಯವಂತರಾಗಿರ ಬಹುದು ಎಂದು ಹೇಳಿದ್ದಾರೆ.

ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ವಾಹನಗಳಿಂದ ವಾಯುಮಾಲಿನ್ಯ ಸಮಸ್ಯೆ ಉಲ್ಬಣಗೊಂಡಿದೆ. ಸಾಕಷ್ಟು ಜನರು ಸ್ಥೂಲಕಾಯದಿಂದ ಬಳಲುತ್ತಿರುವ ಪ್ರಮುಖ ಕಾರಣಗಳಲ್ಲಿ ವಾಹನಗಳ ಬಳಕೆಯು ಒಂದು. ಈ ಸಮಸ್ಯೆಗಳಿಗೆ ಸೈಕ್ಲಿಂಗ್ ಪರಿಹಾರ ನೀಡಬಲ್ಲದು ಎಂಬುದರಲ್ಲಿ ಸಂದೇಹವಿಲ್ಲ.

ಚಿತ್ರ ಕೃಪೆ: ಸಾಸ್ವತ್ ರಂಜನ್ ಸಾಹೂ/ಇನ್‌ಸ್ಟಾಗ್ರಾಂ