ನೋಡುಗರನ್ನು ಬೆಚ್ಚಿ ಬೀಳಿಸಿದ ವಿಚಿತ್ರ ಟ್ರಕ್ ಅಪಘಾತ

ಚೀನಾ ಪೊಲೀಸರು ನಡೆಸಿರುವ ತನಿಖಾ ವರದಿಯ ಪ್ರಕಾರ ಪ್ರಸ್ತುತ ಟ್ರಕ್ ನಲ್ಲಿ ಭಾರಿ ಗಾತ್ರದ ಸ್ಟೀಲ್ ರಾಡ್ ಗಳನ್ನು ಸಾಗಿಸಲಾಗಿತ್ತು.

ನಿಯಮಿತ ವೇಗಕ್ಕಿಂತಲೂ ಹೆಚ್ಚಿನ ವೇಗದಲ್ಲಿ ಸಂಚರಿಸುತ್ತಿದ್ದ ಟ್ರಕ್ ಸಿಗ್ನಲ್ ತಲುಪಿದಾಗ ಚಾಲಕನ ನಿಯಂತ್ರಣ ತಪ್ಪುತ್ತದೆ.

ಇದರಿಂದಾಗಿ ಹಿಂದೆಯಿದ್ದ ಸ್ಟೀಲ್ ರಾಡ್ ಗಳು ರಭಸದಲ್ಲಿ ಮುಂದಕ್ಕೆ ಬಡಿಯುತ್ತದೆ. ಪರಿಣಾಮ ಟ್ರಕ್ ಮುಂಭಾಗ ಸಂಪೂರ್ಣವಾಗಿ ಕುಸಿದು ಬೀಳುತ್ತದೆ.

ಮೊದಲ ನೋಟದಲ್ಲಿ ಅಪಘಾತದ ಕಾರಣ ನಿಖರವಾಗಿ ತಿಳಿಯುವುದು ಕಷ್ಟವೆನಿಸಿದರೂ ಈ ಎರಡು ಕಾರಣಗಳಿಂದಾಗಿ ಅಪಘಾತ ಸಂಭವಿಸಿದೆ ಎಂದು ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ.

ನಿಯಮಿತ ಭಾರಕ್ಕಿಂತಲೂ ಶೇಕಡಾ 31ರಷ್ಟು ಹೆಚ್ಚು ಭಾರ ಹೊತ್ತುಕೊಂಡು ಸಾಗಿರುವುದು ಟ್ರಕ್ ಅಪಘಾತದ ಹಿಂದಿರುವ ಪ್ರಮುಖ ಕಾರಣ ಎನ್ನಲಾಗಿದೆ.

ಪ್ರಸ್ತುತ ಪ್ರಕರಣದಲ್ಲಿ ಚಾಲಕನಿಗೆ ಸಾವು-ನೋವು ಸಂಭವಿಸಿದೆಯೇ ಎಂಬುದು ತಿಳಿದು ಬಂದಿಲ್ಲ. ಅಲ್ಲದೆ ಹತ್ತಿರದಲ್ಲಿದ್ದ ವಾಹನವೊಂದು ಅದೃಷ್ಟವಶಾತ್ ಅವಘಡದಿಂದ ಪಾರಾಗಿದೆ.