ಐಷಾರಾಮಿ ಎಲೆಕ್ಟ್ರಿಕ್ ಕಾರಿನಲ್ಲಿ ಎಂಟ್ರಿ ಕೊಟ್ಟು ಜಿ20 ಅಧ್ಯಕ್ಷ ಸ್ಥಾನವನ್ನು ಸ್ವೀಕರಿಸಿದ ಪ್ರಧಾನಿ ಮೋದಿ

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಜಿ-20 ಶೃಂಗಸಭೆಯ ಎರಡನೇ ದಿನದಂದು ಜೆನೆಸಿಸ್ ಎಲೆಕ್ಟ್ರಿಫೈಡ್ ಜಿ80 ನಲ್ಲಿ ಬಾಲಿಯ ಮ್ಯಾಂಗ್ರೋವ್ ಅರಣ್ಯವಾದ ತಮನ್ ಹುತಾನ್ ರಾಯ ನ್ಗುರಾ ರೈಗೆ ಆಗಮಿಸಿದರು. ಜಿ-20 ನಾಯಕರು ಮ್ಯಾಂಗ್ರೋವ್ ಅರಣ್ಯದಲ್ಲಿ ಪ್ರವಾಸ ಮಾಡಿದರು ಮತ್ತು ಶೃಂಗಸಭೆಯಲ್ಲಿ ಭಾಗವಹಿಸಿದ ಇತರ ವಿಶ್ವ ನಾಯಕರೊಂದಿಗೆ ಮರಗಳನ್ನು ನಟ್ಟು ಸಮಾರಂಭದಲ್ಲಿ ಪ್ರಧಾನ ಮಂತ್ರಿಗಳು ಭಾಗವಹಿಸಿದ್ದರು.

ಇದೇ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಅವರು ಬೈಡನ್ ಹಾಗೂ ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮಕ್ರಾನ್ ಜತೆ ಸಂವಾದಿಸುವುದು ಚಿತ್ರ ವೈರಲ್ ಆಗಿದೆ. ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಜೊತೆಗೆ ಮೋದಿ ಅವರು ಮಾತುಕತೆ ನಡೆಸಿದ್ದಾರೆ.

ಶೃಂಗಸಭೆಯ ಕೊನೆಯ ದಿನ ಇಂಡೋನೇಷ್ಯಾ ಅಧ್ಯಕ್ಷರು ಮುಂದಿನ ಜಿ-20 ಶೃಂಗ ಅಧ್ಯಕ್ಷತೆ ವಹಿಸುತ್ತಿರುವ ಭಾರತಕ್ಕೆ ಅಧಿಕಾರ ಹಸ್ತಾಂತರ ಮಾಡಿದರು. ಇಂಡೋನೇಷ್ಯಾ ಅಧ್ಯಕ್ಷ ಜೊಕೊ ವಿಡೋಡೋ ಅವರು ಪ್ರಧಾನಿ ಮೋದಿ ಅವರಿಗೆ ಅಧಿಕಾರ ಹಸ್ತಾಂತರಿಸಿದರು.

ಶೃಂಗಸಭೆಗೆ ಮೋದಿ ಅವರು ಹ್ಯುಂಡೈನ ಐಷಾರಾಮಿ ಬ್ರಾಂಡ್ ಜೆನೆಸಿಸ್‌ನ ಪ್ರಮುಖ ಆಲ್-ಎಲೆಕ್ಟ್ರಿಕ್ ಸೆಡಾನ್ ಜೆನೆಸಿಸ್ ಎಲೆಕ್ಟ್ರಿಫೈಡ್ G80 ಕಾರಿನಲ್ಲಿ ಆಗಮಿಸಿದ್ದರು. ಈ ಎಲೆಕ್ಟ್ರಿಫೈಡ್ G80 ಕಪ್ಪು ಬಣ್ಣವನ್ನು ಹೊಂದಿದೆ. ಇದರ ಜೊತೆ ಹ್ಯುಂಡೈ Ioniq 5 ಬೆಂಗಾವಲು ಪಡೆ ಇತ್ತು, ಇದು 2022 ರಲ್ಲಿ ವರ್ಷದ ಅಂತರರಾಷ್ಟ್ರೀಯ ಕಾರು ಪ್ರಶಸ್ತಿಯನ್ನು ಪಡೆಯಿತು.

ಎಲೆಕ್ಟ್ರಿಫೈಡ್ ಜಿ80 ಜೆನೆಸಿಸ್‌ನ ಮೊದಲ ಪ್ರಯತ್ನವಾಗಿದ್ದು, ಗಣ್ಯ ವ್ಯಕ್ತಿಗಳಿಗಾಗಿ ಆಲ್-ಎಲೆಕ್ಟ್ರಿಕ್ ಕಾರನ್ನು ತಯಾರಿಸಲಾಗಿದೆ. ಸಾಮಾನ್ಯ G80 ಫ್ಲ್ಯಾಗ್‌ಶಿಪ್ ಸೆಡಾನ್ ಆಧರಿಸಿ, ಎಲೆಕ್ಟ್ರಿಫೈಡ್ G80 ಡ್ಯುಯಲ್ ಮೋಟಾರ್ ಸೆಟಪ್‌ನಿಂದ ಚಾಲಿತವಾಗಿದೆ,

ಈ ಜೆನೆಸಿಸ್ ಜಿ80 ಎಲೆಕ್ಟ್ರಿಕ್ ಕಾರು ಮುಂಭಾಗ ಮತ್ತು ಹಿಂಭಾಗದ ಆಕ್ಸಲ್‌ಗಳಲ್ಲಿ 136 kW ಮೋಟಾರ್‌ಗಳನ್ನು ಅಳವಡಿಸಲಾಗಿದೆ. ಈ ಡ್ಯುಯಲ್ ಮೋಟಾರ್ ಸೆಟಪ್‌ನ ಸಂಯೋಜಿತ 370 ಬಿಹೆಚ್‍ಪಿ ಪವರ್ ಮತ್ತು 700 ಎನ್ಎಂ ಟಾರ್ಕ್ ಅನ್ನು ಔಟ್‌ಪುಟ್‌ಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇದು 87.2 kWh ಲಿಥಿಯಂ-ಐಯಾನ್ ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುತ್ತದೆ, ಇದು ಗರಿಷ್ಠ 520 ಕಿಮೀ ರೇಂಜ್ ಅನ್ನು ನೀಡುತ್ತದೆ. ಜೆನೆಸಿಸ್ ಎಲೆಕ್ಟ್ರಿಫೈಡ್ G80 ಒಳಗೆ ಪ್ರೀಮಿಯಂ ವೈಶಿಷ್ಟ್ಯಗಳೊಂದಿಗೆ ಲೋಡ್ ಆಗಿದೆ.

ಸೆಡಾನ್ ಹೊರಭಾಗದಲ್ಲಿ, ಗ್ರಿಲ್, ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಮತ್ತು ಟೈಲ್ ಲ್ಯಾಂಪ್‌ಗಳು, ಸೋಲಾರ್ ವಿಂಡೋ ಪ್ಯಾನೆಲ್ ಗಳು ಮತ್ತು 19-ಇಂಚಿನ ಮಲ್ಟಿ-ಸ್ಪೋಕ್ ಅಲಾಯ್ ವ್ಹೀಲ್ ಗಳನ್ನು ಒಳಗೊಂಡಿದೆ.

ಈ ಜೆನೆಸಿಸ್ ಜಿ80 ಎಲೆಕ್ಟ್ರಿಫೈಡ್ G80 ನ ಕ್ಯಾಬಿನ್ ಉನ್ನತ ದರ್ಜೆಯ ಉಪಕರಣಗಳನ್ನು ಹೊಂದಿದೆ, ಇವುಗಳ ಪಟ್ಟಿಯು 8-ಇಂಚಿನ TFT ಇನ್ಸ್ ಟ್ರೂಮೆಂಟ್ ಕನ್ಸೋಲ್, ಅಂಬೈನಡ್ ಲೈಟ್, ಮಲ್ಟಿ-ಝೋನ್ ಕ್ಲೈಮೆಂಟ್ ಕಂಟ್ರೋಲ್ ಗಾಗಿ ಟಚ್-ನಿಯಂತ್ರಿತ ಪ್ಯಾನೆಲ್, 14.5-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಹೊಂದಿದೆ.

ಇದರೊಂದಿಗೆ 17-ಸ್ಪೀಕರ್ ಲೆಕ್ಸಿಕಾನ್ ಆಡಿಯೊ ಸಿಸ್ಟಮ್, ಹಿಟೀಂಗ್ ವೆಂಟಿಲೇಷನ್ ಕಾರ್ಯಗಳೊಂದಿಗೆ 12-ವೇ ಪವರ್-ಹೊಂದಾಣಿಕೆ ಮುಂಭಾಗದ ಸೀಟುಗಳು, ಹಿಟಿಂಗ್ ಸ್ಟೀರಿಂಗ್ ವೀಲ್ ಮತ್ತು ಹಿಂದಿನ ಸೀಟುಗಳನ್ನು ಹೊಂದಿವೆ.

ಹ್ಯುಂಡೈ ತನ್ನ ಐಷಾರಾಮಿ ಬ್ರಾಂಡ್ ಜೆನೆಸಿಸ್ ಅನ್ನು ಭಾರತಕ್ಕೆ ತರಲು ಇನ್ನೂ ಸಿದ್ಧವಾಗಿಲ್ಲ, ಆದರೆ ಜೆನೆಸಿಸ್‌ನ ಕೆಲವು ಮಾದರಿಗಳು ಭಾರತೀಯ ರಸ್ತೆಗಳಲ್ಲಿ ಚಾಲನೆ ಮಾಡಲಾಗುತ್ತಿದೆ. ಈ ಜೆನೆಸಿಸ್ ಕಾರುಗಳನ್ನು ಭಾರತದ ಹ್ಯುಂಡೈನ ಉನ್ನತ ಅಧಿಕಾರಿಗಳು ತಮ್ಮ ದೈನಂದಿನ ಪ್ರಯಾಣವಾಗಿ ಬಳಸುತ್ತಿದ್ದಾರೆ ಎಂದು ಹೇಳಲಾಗುತ್ತದೆ.

ಕೆಲವು ತಿಂಗಳ ಹಿಂದೆ, ಹ್ಯುಂಡೈ ಜೆನೆಸಿಸ್ ಬ್ರಾಂಡ್ ಅನ್ನು ಭಾರತದ ತೀರಕ್ಕೆ ತರಲು ಯೋಚಿಸುತ್ತಿದೆ ಎಂಬ ವದಂತಿಗಳಿವೆ. ಹುಂಡೈ ಈ ವದಂತಿಗಳ ಬಗ್ಗೆ ಇನ್ನೂ ಯಾವುದೇ ಅಧಿಕೃತ ಮಾಹಿತಿಗಳು ಬಹಿರಂಗವಾಗಿಲ್ಲ. ಸದ್ಯಕ್ಕೆ, ಹ್ಯುಂಡೈ ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಮೆಚ್ಚುಗೆ ಪಡೆದ Ioniq 5 ಆಲ್-ಎಲೆಕ್ಟ್ರಿಕ್ ಕ್ರಾಸ್‌ಒವರ್ ಅನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ, ಇದು ಜನವರಿಯಲ್ಲಿ 2023 ಆಟೋ ಎಕ್ಸ್‌ಪೋದಲ್ಲಿ ಭಾರತದಲ್ಲಿ ಪಾದಾರ್ಪಣೆ ಮಾಡುವ ನಿರೀಕ್ಷೆಯಿದೆ.