ಭಾರತದ ಮೊದಲ ಸೀಪ್ಲೇನ್ ಸೇವೆಗೆ ಚಾಲನೆ ನೀಡಿದ ಪ್ರಧಾನಿ ಮೋದಿ

ಈ ಸೀಪ್ಲೇನ್ ಅನ್ನು ಸ್ಪೈಸ್ ಜೆಟ್ ಕಂಪನಿಯು ನಡೆಸಲಿದ್ದು, ಒಂದು ಕಡೆಯ ಪ್ರಯಾಣಕ್ಕೆ ರೂ.1,500 ನಿಗದಿಪಡಿಸಲಾಗಿದೆ. ಈ ಸೀಪ್ಲೇನ್ ಸೇವೆಯಿಂದಾಗಿ ಪ್ರಯಾಣಿಕರು ಕೇವಲ 30 ನಿಮಿಷಗಳಲ್ಲಿ ಅಹಮದಾಬಾದ್‌ನ ಸಬರಮತಿ ರಿವರ್ ಫ್ರಂಟ್‌ನಿಂದ ಏಕತಾ ಪ್ರತಿಮೆಯನ್ನು ತಲುಪಲು ಸಾಧ್ಯವಾಗಲಿದೆ.

ಅಕ್ಟೋಬರ್ 26ರಂದು ಮಾಲ್ಡೀವ್ಸ್ ನಿಂದ ಈ ಸೀಪ್ಲೇನ್ ಭಾರತಕ್ಕೆ ಆಗಮಿಸಿತ್ತು. ಗುಜರಾತ್ ರಾಜ್ಯದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಈ ಸೀಪ್ಲೇನ್ ಯೋಜನೆಯನ್ನು ಆರಂಭಿಸಲಾಗಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಸೀಪ್ಲೇನ್ ಸೇವೆಗಾಗಿ ಸ್ಪೈಸ್ ಜೆಟ್ ಕಂಪನಿಯು 15 ಸೀಟುಗಳಿರುವ ಟ್ವಿನ್ ಒಟರ್ 300 ವಿಮಾನವನ್ನು ಬಳಸಲಿದೆ. ಈ ವಿಮಾನವು ವಿಶ್ವಾದ್ಯಂತ ಹೆಚ್ಚು ಬಳಕೆಯಾಗುತ್ತಿದೆ. ತನ್ನ ವಿನ್ಯಾಸ, ಪೇಲೋಡ್ ಸಾಮರ್ಥ್ಯ, ಶಾರ್ಟ್ ಟೇಕ್ ಆಫ್‌ಗೆ ಹೆಸರುವಾಸಿಯಾದ ಈ ವಿಮಾನವು ಸುರಕ್ಷಿತೆಗೂ ಆದ್ಯತೆ ನೀಡುತ್ತದೆ.

ಈ ವಿಮಾನವನ್ನು ನಿಯಮಿತ ನಿರ್ವಹಣೆ, ಕೂಲಂಕುಷ ಪರೀಕ್ಷೆ, ಹೊಸ ಸೀಟುಗಳು, ಜೊತೆಗೆ ವಾಯು ಯೋಗ್ಯತೆ ವಿಮರ್ಶೆ ಪ್ರಮಾಣಪತ್ರದೊಂದಿಗೆ ಪರಿಚಯಿಸಲಾಗಿದೆ. ಈ ಸೀಪ್ಲೇನ್ ಹಾರಲು ಬೇಕಾದ ಎಲ್ಲಾ ನಿಯಮ ಹಾಗೂ ಅಗತ್ಯ ಮಾರ್ಗಸೂಚಿಗಳನ್ನು ಪಾಲಿಸಲಾಗುತ್ತಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಅಪಘಾತ ರಹಿತ ಇತಿಹಾಸದಿಂದಾಗಿ ಈ ಸೀಪ್ಲೇನ್ ವಿಶ್ವಾದ್ಯಂತ ಹೆಸರುವಾಸಿಯಾಗಿದೆ. ಈ ವಿಮಾನವನ್ನು ಭಾರತಕ್ಕೆ ತರುವ ಬಗ್ಗೆ ಬಹಳ ದಿನಗಳಿಂದ ಮಾತುಕತೆ ನಡೆದಿತ್ತು. ಪ್ರಧಾನಿ ಮೋದಿ ಕೆಲ ದಿನಗಳ ಹಿಂದೆ ಸಬರಮತಿ ರಿವರ್ ಫ್ರಂಟ್‌ನಲ್ಲಿ ಹಾರಾಟ ನಡೆಸಿದ್ದರು. ಈಗ ಈ ವಿಮಾನವನ್ನು ಸಾರ್ವಜನಿಕರ ಸೇವೆಗೆ ನೀಡಲಾಗಿದೆ.

ಈ ವಿಮಾನವು ಸುಲಭವಾಗಿ ಟೇಕ್‌ಆಫ್ ಹಾಗೂ ಲ್ಯಾಂಡಿಂಗ್ ಆಗುತ್ತದೆ. ಲ್ಯಾಂಡಿಂಗ್ ಸ್ಟ್ರಿಪ್ ಅಥವಾ ರನ್‌ವೇ ಇಲ್ಲದೇ ಬಳಕೆಯಾಗುವುದು ಈ ಸೀಪ್ಲೇನ್‌ನ ವೈಶಿಷ್ಟ್ಯ. ಈ ಸೀಪ್ಲೇನ್ ಕಡಿಮೆ ವೆಚ್ಚದ ವಿಮಾನ ಸೇವೆಯನ್ನು ನೀಡುತ್ತದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಸ್ಪೈಸ್ ಜೆಟ್ ಕಂಪನಿಯು ಫ್ಲೈಟ್ ಸ್ಕೀಮ್ ಅಡಿಯಲ್ಲಿ 18 ಸೀಪ್ಲೇನ್ ಮಾರ್ಗಗಳನ್ನು ನಿಗದಿಪಡಿಸಿದೆ. ಫ್ಲೈಟ್ ಸ್ಕೀಮ್ ಯೋಜನೆಯಡಿಯಲ್ಲಿ ಕೊನೆಯ ಮೈಲಿವರೆಗೂ ಸಂಪರ್ಕ ಸಾಧಿಸಲು ಇದೊಂದು ಯಶಸ್ವಿ ಹೆಜ್ಜೆಯಾಗಿದೆ. ಈ ಯೋಜನೆಯು ಪ್ರಯಾಣಿಕರಿಗೂ ರಿಯಾಯಿತಿಯನ್ನು ನೀಡುತ್ತದೆ.

ಮುಂದಿನ ದಿನಗಳಲ್ಲಿ ಸೀಪ್ಲೇನ್ ಈಶಾನ್ಯ ಭಾರತ, ಉತ್ತರಾಖಂಡ, ಉತ್ತರ ಪ್ರದೇಶ, ಆಂಧ್ರಪ್ರದೇಶ, ರಾಜಸ್ಥಾನ, ಮಹಾರಾಷ್ಟ್ರ, ಅಂಡಮಾನ್, ಲಕ್ಷದ್ವೀಪ ಹಾಗೂ ಭಾರತದ ಇತರ ಕರಾವಳಿ ಪ್ರದೇಶಗಳಲ್ಲಿ ಹಾರಾಟ ನಡೆಸುವ ಸಾಧ್ಯತೆಗಳಿವೆ.