ವಾಕರ್ ಸಾವಿನ ಪ್ರಕರಣ; 'ತನ್ನ ಸಾವಿಗೆ ತಾನೇ ಕಾರಣ'

ತದಾ ಬಳಿಕ ನಡೆದ ಬೆಳವಣಿಗೆಯಲ್ಲಿ ಫಾಸ್ಟ್ ಆ್ಯಂಡ್ ಫ್ಯೂರಿಯಸ್ ನಾಯಕ ಖ್ಯಾತಿಯ ಪಾಲ್ ವಾಕರ್ ಪುತ್ರಿ ಮೆಡೊವ್ ರೈನ್ ವಾಕರ್ ಅವರು ಕಳೆದ ಸೆಪ್ಟೆಂಬರ್ ತಿಂಗಳಲ್ಲಿ ತಂದೆಯವರ ಅಸಹಜ ಮರಣಕ್ಕಾಗಿ ದೂರು ದಾಖಲಿಸಿದ್ದರು.

ಆದರೆ ಈ ಎಲ್ಲ ಆರೋಪಗಳನ್ನು ತಲ್ಲಿ ಹಾಕಿರುವ ಪೋರ್ಷೆ, "ಎಲ್ಲ ಗೊತ್ತಿದ್ದೇ ಉದ್ದೇಶಪೂರ್ವಕವಾಗಿಯೇ ಅಪಾಯವನ್ನು ಆಹ್ವಾನಿಸಿರುವ ಪಾಲ್ ವಾಕರ್ ಸಾವಿಗೆ ಅವರೇ ಕಾರಣ" ಎಂಬ ಸ್ಪಷ್ಟನೆ ನೀಡಿದೆ.

ಕಾರನ್ನು ತಮಗೆ ಬೇಕಾದ ರೀತಿಯಲ್ಲಿ ಬಳಕೆ ಮಾಡುತ್ತಿದ್ದ ಪಾಲ್ ವಾಕರ್, ಸರಿಯಾದ ರೀತಿಯಲ್ಲಿ ನಿರ್ವಹಣೆ ಕೂಡಾ ಮಾಡುತ್ತಿರಲಿಲ್ಲ ಎಂದು ಪೋರ್ಷೆ ಆರೋಪಿಸಿದೆ.

2013 ನವೆಂಬರ್ 30ರಂದು ನಡೆದ ಕಾರು ಅಪಘಾತದ ಬಳಿಕ ನಡೆದ ನಾಲ್ಕು ತಿಂಗಳುಗಳ ವಿಚಾರಣೆಯ ಬಳಿಕ ಪೊಲೀಸ್ ತಮ್ಮ ಹೇಳಿಕೆಯಲ್ಲಿ ಪಾಲ್ ವಾಕರ್ ಹಾಗೂ ರೋಜರ್ ರೋಡಾಸ್ ಸಂಚರಿಸುತ್ತಿದ್ದ ಕಾರು ಗಂಟೆಗೆ 151 ಕೀ.ಮೀ. ವೇಗದಲ್ಲಿ ಚಲಿಸುತ್ತಿದ್ದ ಕಾರು ವಿದ್ಯುತ್ ಕಂಬಕ್ಕೆ ಢಿಕ್ಕಿ ಹೊಡೆದ ಪರಿಣಾಮ ಬೆಂಕಿ ಹೊತ್ತಿಕೊಂಡಿತ್ತು ಎಂಬುದನ್ನು ಬಯಲು ಮಾಡಿತ್ತು.

ಆದರೆ ವಾಕರ್ ಪುತ್ರಿ ದಾಖಲಿಸಿರುವ ದೂರಿನಲ್ಲಿ, ನಿಯಂತ್ರಣ ಕಳೆದುಕೊಂಡಾಗ ಬಹಳ ನಿಧಾನವಾಗಿ ಚಲಿಸುತ್ತಿದ್ದ ಕಾರಿನ ಸೀಟು ಬೆಲ್ಟ್ ಸಹ ಕೆಲಸ ಮಾಡುತ್ತಿರಲಿಲ್ಲ ಎಂದು ಆರೋಪಿಸಲಾಗಿದೆ. ಅಲ್ಲದೆ ವಾಕರ್ ಕಾರಿನಲ್ಲಿ ಬೇಕಾದಷ್ಟು ಸುರಕ್ಷೆಯೂ ಇರಲಿಲ್ಲ. ಇವೆಲ್ಲಕ್ಕೂ ಕಾರಿನ ವಿನ್ಯಾಸ ದೋಷವೇ ಕಾರಣ. ಇಲ್ಲವಾದ್ದಲ್ಲಿ ಸಹ ಪ್ರಯಾಣಿಕನಾಗಿ ಸಂಚರಿಸುತ್ತಿದ್ದ ಅಪ್ಪನಿಗೆ ಅಪಘಾತದಿಂದ ಪಾರಾಗಲು ಸಾಧ್ಯವಾಗುತ್ತಿತ್ತು ಎಂದಿದ್ದಾರೆ.

ಅಮಿತ ವೇಗವೇ ಪಾಲ್ ವಾಕರ್ ಸಾವಿಗೆ ಕಾರಣ