ಬಲಿಷ್ಠ ರಷ್ಯಾ ಬಲ ವೃದ್ಧಿಸಿದ ದೈತ್ಯ ಯುದ್ಧ ಗಾಡಿಗಳು

ರಷ್ಯಾ ರಕ್ಷಣಾ ವಿಭಾಗಕ್ಕೆ ಹೊಸ ಸೇರ್ಪಡೆಯಾಗಿರುವ ಝಿಲ್ ಕರಟೆಲ್ (ZiL Karatel) ಯುದ್ಧ ಗಾಡಿಗಳು 'ದಿ ಪನಿಷರ್' ಎಂದು ಹೆಸರಿಸಲ್ಪಟ್ಟಿದೆ.

ಬ್ಯಾಟ್ ಮನ್ ಯುದ್ಧ ಗಾಡಿಗಳಿಗೆ ಹೋಲುವ ದಿ ಪನಿಷರ್ ಅಮೆರಿಕದ ಬಲಿಷ್ಠ ವಾಹನಗಳಿಗೆ ಸವಾಲಾಗಿ ನಿಂತಿದೆ.

ಮೊಸ್ಕೋದಲ್ಲಿ ನಡೆದ ರಹಸ್ಯ ಕಾರ್ಯಕ್ರಮದಲ್ಲಿ ರಷ್ಯಾ ಫೆಡರಲ್ ಸೆಕ್ಯೂರಿಟಿ ಸರ್ವಿಸ್‌ಗೆ (ಎಫ್‌ಎಸ್‌ಬಿ) ಬಂದು ಸೇರಿದ ಬಲಿಷ್ಠ ಆತಿಥಿಯನ್ನು ಪುತಿನ್ ಪರಿಶೀಲಿಸಿ ಮಾಹಿತಿಯನ್ನು ಪಡೆದುಕೊಂಡರು.

ಉನ್ನತ ತಂತ್ರಜ್ಞಾನವನ್ನು ಒಳಗೊಂಡಿರುವ ಶಸ್ತ್ರ ಸಜ್ಜಿತ ( cutting-edge ZiL Karatel armored car) ಯುದ್ಧ ವಾಹನ ಇದಾಗಿದ್ದು, ಬ್ಯಾಟ್ ಮನ್ ಸಿನೆಮಾ ಕಥಾ ಸರಣಿಯಲ್ಲಿ ಕಂಡುಬಂದಿರುವ ಗಾಡಿಗೆ ಹೋಲುತ್ತಿದೆ.

'ವಿ' ಆಕಾರದ ಗರಿಷ್ಠ ಭದ್ರತೆಯ ದೇಹ ಶೈಲಿಯನ್ನು ಮೈಗೂಡಿಸಿ ಬಂದಿರುವ ಈ ಯುದ್ಧ ವಾಹನದಲ್ಲಿ 10 ಮಂದಿ ಸೈನಿಕರಿಗೆ ಪ್ರಯಾಣಿಸಬಹುದಾಗಿದೆ.

ವಿಶೇಷ ಕಾರ್ಯಾಚರಣೆಗಳಿಗಾಗಿ ಮಾತ್ರ ಇದನ್ನು ನಿಯೋಜಿಸಲಾಗುವುದು ಎಂಬ ಮಾಹಿತಿಯು ರಷ್ಯಾ ಉನ್ನತ ವಲಯಗಳಿಂದ ಮಾಹಿತಿಗಳು ಬಂದಿದೆ.

ಕ್ಲಾಸ್ 6ಎ ರಕ್ಷಣಾ ಕವಚ, ಶಸ್ತ್ರಾಸ್ತ್ರ ರಕ್ಷಣೆ, ಬದಿ ಹಾಗೂ ಹಿಂದಿನ ಡೋರ್ ಗಳಲ್ಲಿ ಗುಂಡಿನ ದಾಳಿಯಿಡಲು ಹಾದಿ, ರೂಫ್ ಟಾಪ್ ಗನ್ ಪಾಯಿಂಟ್, ಪ್ಯಾರಾ ಟ್ರೂಪರ್ಸ್ ಸೀಟು ಮತ್ತು ಪ್ಯಾನರಾಮಿಕ್ ವೀಕ್ಷಣೆಗಾಗಿ ಬ್ಯಾಕ್ ಟು ಬ್ಯಾಕ್ ಆಸನಗಳನ್ನು ಆಳವಡಿಸಲಾಗಿದೆ.

ಇದೇ ಸಂದರ್ಭದಲ್ಲಿ ರಷ್ಯಾ ಅಧ್ಯಕ್ಷರು, ಕಮಾಝ್ 4911 ಎಕ್ಸ್ ಟ್ರೀಮ್ ನಿಂದ ನಿರ್ಮಿತ ವೈಕಿಂಗ್ ಯುದ್ಧ ಗಾಡಿಯನ್ನು ಪರಿಶೋಧಿಸಿದರು. ಈ ವೇಳೆಯಲ್ಲಿ ರಷ್ಯಾ ರಕ್ಷಣಾ ಸಚಿವರು ಜೊತೆಗಿದ್ದರು.

ಒಟ್ಟಿನಲ್ಲಿ ಗ್ರೇನೆಡ್ ದಾಳಿಯನ್ನು ಸಮರ್ಥವಾಗಿ ಎದುರಿಸುವ ಶಕ್ತಿ ಹೊಂದಿರುವ ರಷ್ಯಾ ಶಕ್ತಿಶಾಲಿ ವಾಹನ ಎಲ್ಲರ ಗಮನಕ್ಕೆ ಪಾತ್ರವಾಗುತ್ತಿದೆ.

ರಷ್ಯಾ ಯುದ್ಧ ವಿಮಾನ ಹೊಡೆದುರುಳಿಸಿದ ಟರ್ಕಿ