ರೈನ್‌ಫಾರೆಸ್ಟ್ ಸವಾಲು ಸ್ವೀಕರಿಸಲು ನೀವು ರೆಡಿನಾ?

ಆಗಸ್ಟ್ 8ರಿಂದ ಆಗಸ್ಟ್ 14ರ ವರೆಗೆ ಗೋವಾದಲ್ಲಿ ರೈನ್ ಫಾರೆಸ್ಟ್ ಚಾಲೆಂಜ್ ಆಯೋಜನೆಯಾಗಲಿದೆ. ರೈನ್‌ಫಾರೆಸ್ಟ್ ಚಾಲೆಂಜ್ (ಆರ್‌ಎಫ್‌ಸಿ) ಅಂತರಾಷ್ಟ್ರೀಯ ಪ್ರತಿನಿಧಿಗಳಾಗಿರುವ ಕೌಗಾರ್ ಮೋಟಾರುಸ್ಪೋರ್ಟ್ ಇದನ್ನು ಆಯೋಜಿಸುತ್ತಿದ್ದು, ಈ ಸಂಬಂಧ ಫೆಡರೇಷನ್ ಆಫ್ ಮೋಟಾರು ಸ್ಪೋರ್ಟ್ಸ್ ಆಫ್ ಇಂಡಿಯಾದಲ್ಲಿ (ಎಫ್‌ಎಂಎಸ್‌ಸಿಐ) ದಾಖಲಿಸಿಕೊಂಡಿದೆ.

ಈ ಬಾರಿ ಒಟ್ಟು ಆರು ದಿನಗಳಲ್ಲಾಗಿ ನಡೆಯಲಿರುವ ಈ ಆಫ್ ರೋಡ್ ಈವೆಂಟ್ 4 ಸ್ಟೇಜ್‌ಗಳಾಗಿ ವಿಂಗಡಿಸಲಾಗಿದೆ. ಸ್ಪರ್ಧಾಳುಗಳು ದಕ್ಷಿಣ ಗೋವಾದಿಂದ ಉತ್ತರದ ವರೆಗೆ ಒಟ್ಟು 250 ಕೀ.ಮೀ. ದೂರವನ್ನು ಕ್ರಮಿಸಲಿದ್ದಾರೆ. ಈ ವೇಳೆ ಸಾಹಸ ಭರಿತ ಆಫ್ ರೋಡ್ ರಸ್ತೆಯನ್ನು ಎದುರಿಸಬೇಕಾಗುತ್ತದೆ.

ಮೊದಲೆರಡು ದಿನ ಸಾರ್ವಜನಿಕ ಈವೆಂಟ್ ನಡೆಯಲಿದೆ. ಎಲ್ಲ 4x4 ಹಾಗೂ ಆಲ್ ಟರೈನ್ ವಾಹನಗಳಿಗೆ ಸ್ಪರ್ಧೆ ಮುಕ್ತವಾಗಿರಲಿದೆ.

ಸ್ಪರ್ಧೆಯಲ್ಲಿ ಭಾಗವಹಿಸುವ ಸ್ಪರ್ಧಾಳುಗಳಿಗೆ ಪ್ರವೇಶ ದರ ರು. 75,000 ಹಾಗೂ ಟೂರಿಂಗ್ ವಾಹನಗಳಿಗೆ ರು. 10,000 ಆಗಿರಲಿದೆ. ಹಾಗೆಯೇ ವಿದೇಶ ನೊಂದಾವಣಿಗಳಿಗೆ ಅನುಕ್ರಮವಾಗಿ 2,500 ಹಾಗೂ 333 ಅಮೆರಿಕನ್ ಡಾಲರ್ ಪ್ರವೇಶ ದರ ಅನ್ವಯವಾಗಲಿದೆ.

ಈ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ರೈನ್ ಫಾರೆಸ್ಟ್ ಇಂಡಿಯಾ ಅಧಿಕೃತ ವೆಬ್‌ಸೈಟ್ ಭೇಟಿ ಕೊಡಿರಿ.