ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆಯಾಗುತ್ತಲೇ ಇದೆ. ಎಲೆಕ್ಟ್ರಿಕ್ ವಾಹನಗಳನ್ನು, ಪೆಟ್ರೋಲ್, ಡೀಸೆಲ್ ವಾಹನಗಳಿಗೆ ಪರ್ಯಾಯವೆಂದು ಪರಿಗಣಿಸಲಾಗುತ್ತದೆ. ಆದರೆ ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಅಗತ್ಯವಿರುವ ಚಾರ್ಜಿಂಗ್ ಕೇಂದ್ರಗಳು ಹೆಚ್ಚಿನ ಸಂಖ್ಯೆಯಲ್ಲಿಲ್ಲ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಇದರಿಂದ ಎಲೆಕ್ಟ್ರಿಕ್ ವಾಹನಗಳ ಚಾರ್ಜ್ ಪ್ರಯಾಣದ ಮಧ್ಯದಲ್ಲಿ ಖಾಲಿಯಾದರೆ ಏನು ಮಾಡಬೇಕು ಎಂಬ ಚಿಂತೆ ಎಲೆಕ್ಟ್ರಿಕ್ ವಾಹನ ಗ್ರಾಹಕರನ್ನು ಕಾಡುತ್ತಿದೆ.ರಾಜ್‌ಕೋಟ್‌ನ ವಿವಿಪಿ ಎಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿಗಳು ಈ ಸಮಸ್ಯೆಗೆ ಪರಿಹಾರವನ್ನು ಕಂಡು ಹಿಡಿದಿದ್ದಾರೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಈ ವಿದ್ಯಾರ್ಥಿಗಳು ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರಲ್ಲೂ ಚಲಿಸಬಲ್ಲ ಬೈಕ್ ಅಭಿವೃದ್ಧಿಪಡಿಸಿದ್ದಾರೆ. ಈ ಹೈಬ್ರಿಡ್ ಬೈಕ್ ಈಗ ಎಲ್ಲರ ಗಮನ ಸೆಳೆಯುತ್ತಿದೆ. ತಮ್ಮ ವಿದ್ಯಾರ್ಥಿಗಳ ಸಾಧನೆ ಬಗ್ಗೆ ಮೆಕಾನಿಕಲ್ ಎಂಜಿನಿಯರಿಂಗ್ ವಿಭಾಗದ ಮುಖ್ಯಸ್ಥರಾದ ಡಾ.ಮ್ಯಾನಿಯರ್ ಹರ್ಷ ವ್ಯಕ್ತ ಪಡಿಸಿದ್ದಾರೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಅವರು ಪೆಟ್ರೋಲ್, ಡೀಸೆಲ್ ಬೆಲೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಇದೇ ವೇಳೆ ಎಲೆಕ್ಟ್ರಿಕ್ ವಾಹನಗಳ ಬೆಲೆ ಹೆಚ್ಚು, ಜೊತೆಗೆ ಎಲೆಕ್ಟ್ರಿಕ್ ವಾಹನಗಳನ್ನು ಚಾರ್ಜ್ ಮಾಡಲು ಹೆಚ್ಚು ಹೊತ್ತು ಕಾಯಬೇಕಾಗುತ್ತದೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಈ ಕಾರಣಕ್ಕೆ ನಾವು ಪೆಟ್ರೋಲ್ ಹಾಗೂ ಎಲೆಕ್ಟ್ರಿಕ್ ಎರಡರಲ್ಲೂ ಚಲಿಸುವ ಬೈಕ್ ವಿನ್ಯಾಸಗೊಳಿಸಲು ಬಯಸಿದ್ದೇವೆ. ನಮ್ಮ ವಿದ್ಯಾರ್ಥಿಗಳು ಪೆಟ್ರೋಲ್‌ನಿಂದ ಚಲಿಸುತ್ತಿದ್ದ ಬೈಕ್ ಅನ್ನು ಎಲೆಕ್ಟ್ರಿಕ್'ನಿಂದ ಚಲಿಸುವಂತೆ ಅಭಿವೃದ್ಧಿಪಡಿಸಿದ್ದಾರೆ ಎಂದು ಅವರು ಹೇಳಿದರು.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ವಿದ್ಯಾರ್ಥಿಗಳು ಈ ಬೈಕಿನಲ್ಲಿ ನಾಲ್ಕು ಬ್ಯಾಟರಿಗಳನ್ನು ಅಳವಡಿಸಿದ್ದಾರೆ. ಬ್ಯಾಟರಿ ಸಂಪೂರ್ಣವಾಗಿ ಚಾರ್ಜ್ ಆಗಲು 6 ಗಂಟೆ ಬೇಕಾಗುತ್ತದೆ. ಈ ಬ್ಯಾಟರಿಗಳು ಪೂರ್ತಿಯಾಗಿ ಚಾರ್ಜ್ ಆದ ನಂತರ ಗರಿಷ್ಠ 40 ಕಿ.ಮೀ ವೇಗದಲ್ಲಿ 40 ಕಿ.ಮೀಗಳವರೆಗೆ ಚಲಿಸುತ್ತವೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಈ ಬೈಕ್ ಅನ್ನು ಚಾಲನೆ ಮಾಡಲು ಪ್ರತಿ ಕಿ.ಮೀಗೆ ಕೇವಲ 17 ಪೈಸೆ ಖರ್ಚಾಗುತ್ತದೆ. ಈ ಬೈಕ್ ಪೆಟ್ರೋಲ್ ಹಾಗೂ ಎಲೆಕ್ಟ್ರಿಕ್ ಎರಡರಿಂದಲೂ ಚಲಿಸುತ್ತದೆ. ಇದಕ್ಕಾಗಿ 2 ಸ್ವಿಚ್‌ಗಳನ್ನು ನೀಡಲಾಗಿದೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಪ್ರಯಾಣ ಮಾಡುವಾಗ ಚಾರ್ಜ್ ಖಾಲಿಯಾದರೆ ಪೆಟ್ರೋಲ್'ನೊಂದಿಗೆ ಬೈಕ್ ಚಾಲನೆ ಮಾಡಬಹುದು. ಭಾರತದಲ್ಲಿ ಈ ರೀತಿಯ ಹೈಬ್ರಿಡ್ ಬೈಕ್ ಆನ್ನು ಅಭಿವೃದ್ಧಿಪಡಿಸುತ್ತಿರುವುದು ಇದೇ ಮೊದಲಲ್ಲ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಈ ಹಿಂದೆಯೂ ಪೆಟ್ರೋಲ್ ಬೈಕ್‌ಗಳನ್ನು ಹೈಬ್ರಿಡ್ ಬೈಕ್‌ಗಳಾಗಿ ಪರಿವರ್ತಿಸಲಾಗಿತ್ತು ಎಂಬುದು ಗಮನಾರ್ಹ. ಹಲವರು ಪೆಟ್ರೋಲ್ ಬೈಕ್‌ಗಳನ್ನು ಎಲೆಕ್ಟ್ರಿಕ್ ಬೈಕ್‌ಗಳಾಗಿ ಪರಿವರ್ತಿಸಿದ್ದಾರೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಗಮನಿಸಬೇಕಾದ ಸಂಗತಿಯೆಂದರೆ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿರುವ ಹೈಬ್ರಿಡ್ ಬೈಕ್ ಚಾಲನಾ ವೆಚ್ಚ ತೀರಾ ಕಡಿಮೆ. ಇಂಧನ ಬೆಲೆ ಗಗನಕ್ಕೇರುತ್ತಿರುವ ಈ ಸಂದರ್ಭದಲ್ಲಿ ಈ ರೀತಿಯ ಹೈಬ್ರಿಡ್ ಬೈಕುಗಳು ಮಾರಾಟಕ್ಕೆ ಬಂದರೆ ಅವುಗಳು ಹೆಚ್ಚಿನ ಸಂಖ್ಯೆಯಲ್ಲಿ ಮಾರಾಟವಾಗಲಿವೆ.

ಪೆಟ್ರೋಲ್, ಎಲೆಕ್ಟ್ರಿಕ್ ಎರಡರ ಮೂಲಕವೂ ಚಲಿಸುತ್ತದೆ ಈ ಹೈಬ್ರಿಡ್ ಬೈಕ್

ಹೈಬ್ರಿಡ್ ಬೈಕ್‌ಗಳ ಅನುಕೂಲವೆಂದರೆ ಈ ಬೈಕ್'ಗಳಲ್ಲಿ ವ್ಯಾಪ್ತಿಯ ಬಗ್ಗೆ ತಲೆ ಕೆಡಿಸಿಕೊಳ್ಳುವಂತಿಲ್ಲ. ಚಾರ್ಜ್ ಖಾಲಿಯಾದರೆ ಪೆಟ್ರೋಲ್ ಮೂಲಕ ಚಲಿಸಬಹುದು. ಬೆಲೆ ಹೆಚ್ಚಾಗಿರುವ ಕಾರಣ ಎಲೆಕ್ಟ್ರಿಕ್ ವಾಹನಗಳು ಭಾರತದಲ್ಲಿ ದೊಡ್ಡ ಪ್ರಮಾಣದಲ್ಲಿ ಜನಪ್ರಿಯವಾಗುತ್ತಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ.

ಗಮನಿಸಿ: ಕೆಲವು ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.

Most Read Articles

Kannada
English summary
Rajkot engineering students develops hybrid bike. Read in Kannada.
Story first published: Monday, July 19, 2021, 19:46 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X