ವಂದೇ ಭಾರತ್ ಆಯ್ತು ಈಗ RAPIDX: ಕೇವಲ 12 ನಿಮಿಷಗಳಲ್ಲಿ 17 ಕಿ.ಮೀ: ಆಗಸ್ಟ್ 15ಕ್ಕೆ ಚಾಲನೆ?

RapidX ರೈಲುಗಳು 17-ಕಿ.ಮೀ ದೂರದ ಸಾಹಿಬಾಬಾದ್-ದುಹೈ ಡಿಪೋ ನಡುವೆ 160 kmph ವೇಗದ ಪರೀಕ್ಷಾ ಪ್ರಯೋಗಗಳನ್ನು ಪ್ರಾರಂಭಿಸಿವೆ. ಈ ರೈಲುಗಳು ಕೇವಲ 12 ನಿಮಿಷಗಳ ಅವಧಿಯಲ್ಲಿ ಈ ದೂರವನ್ನು ಕ್ರಮಿಸಿರುವುದಾಗಿ ವರದಿಯಾಗಿದೆ. ಈ ಮಾರ್ಗದಲ್ಲಿ ಪ್ರಯಾಣಿಕರಿಗೆ ಸೇವೆಗಳು ಶೀಘ್ರದಲ್ಲೇ ಪ್ರಾರಂಭವಾಗುವ ನಿರೀಕ್ಷೆಯಿದೆ.

ಮೀರತ್, ಅಲ್ವಾರ್ ಮತ್ತು ಪಾಣಿಪತ್ ಸೇರಿದಂತೆ ದೆಹಲಿಯನ್ನು NCR ನೊಂದಿಗೆ ಸಂಪರ್ಕಿಸುವ ಭಾರತದ ಮೊದಲ ಅರೆ-ವೇಗದ ಪ್ರಾದೇಶಿಕ ಕ್ಷಿಪ್ರ ಸಾರಿಗೆ ವ್ಯವಸ್ಥೆ (RRTS) ಅನ್ನು ಈಗ RAPIDX ಎಂದು ಕರೆಯಲಾಗುತ್ತದೆ. RRTS ಹೊಸ ರೈಲು ವ್ಯವಸ್ಥೆಯನ್ನು ಹೊಂದಿರುವುದರಿಂದ, ರಾಷ್ಟ್ರೀಯ ರಾಜಧಾನಿ ಪ್ರದೇಶ ಸಾರಿಗೆ ಸಂಸ್ಥೆ (NCRTC) ಇದಕ್ಕೆ ಹೊಸ ಹೆಸರನ್ನು (RapidX) ನೀಡಲು ನಿರ್ಧರಿಸಿದೆ.

'RAPID' ಎಂಬ ಹೆಸರನ್ನು ಈಗಾಗಲೇ ಹಿಂದಿ ಮತ್ತು ಇಂಗ್ಲಿಷ್ ಎರಡರಲ್ಲೂ ಪ್ರದೇಶದಾದ್ಯಂತ ಜನರು ಅಳವಡಿಸಿಕೊಂಡಿದ್ದಾರೆ. ಇದು ವೇಗ ಮತ್ತು ಪ್ರಗತಿಯನ್ನು ಸೂಚಿಸುವುದರ ಜೊತೆಗೆ , 'X' ಮುಂದಿನ ಪೀಳಿಗೆಯ ತಂತ್ರಜ್ಞಾನ ಮತ್ತು ಹೊಸ ಯುಗದ ಚಲನಶೀಲತೆಯ ಪರಿಹಾರವನ್ನು ಸೂಚಿಸುತ್ತದೆ. ಇದು ಯುವಕರು, ಆಶಾವಾದ ಮತ್ತು ಶಕ್ತಿಯನ್ನು ಪ್ರತಿನಿಧಿಸುತ್ತದೆ" ಎಂದು ಈ ಹಿಂದೆ ಅಧಿಕಾರಿಯೊಬ್ಬರು ತಿಳಿಸಿದ್ದರು.

ಈಗ ವಿಷಯಕ್ಕೆ ಬಂದರೆ RAPIDX ಶೀಘ್ರದಲ್ಲೇ ಕಾರ್ಯಾಚರಣೆಯನ್ನು ಪ್ರಾರಂಭಿಸಲು ಸಜ್ಜಾಗಿದೆ. ಮೂಲಗಳ ಪ್ರಕಾರ ಪ್ರಧಾನ ಮಂತ್ರಿ ಮೋದಿಯವರು ಆಗಸ್ಟ್ 15 ರಂದು RRTS (ರೀಜನಲ್ ರ್ಯಾಪಿಡ್ ಟ್ರಾನ್ಸಿಟ್ ಸಿಸ್ಟಮ್) ಅನ್ನು ಉದ್ಘಾಟಿಸುವ ಸಾಧ್ಯತೆಯಿದೆ. ಇತ್ತೀಚಿನ ಕಾರ್ಯಾಚರಣೆಗಳ ಸಮಯದಲ್ಲಿ ರೈಲು ಕೇವಲ 12 ನಿಮಿಷಗಳಲ್ಲಿ 17-ಕಿ.ಮೀಗಳನ್ನು ಕ್ರಮಿಸಿ ಸದ್ದು ಮಾಡಿದೆ.

ಸಾಹಿಬಾಬಾದ್‌ನಿಂದ ದುಹೈ ನಡುವೆ ಮೂರು ನಿಲ್ದಾಣಗಳನ್ನು ಹೊಂದಿರುವ ಮಾರ್ಗದಲ್ಲಿ 17-ಕಿ.ಮೀಗಳನ್ನು ಕ್ರಮಿಸಿದ್ದು, ದಾಖಲೆಯ 160 ಕಿ.ಮೀ ವೇಗವನ್ನು ತಲುಪಿರುವುದಾಗಿ ತಿಳಿದುಬಂದಿದೆ. ಪ್ರಸ್ತುತ ಗ್ಲಿಚ್-ಫ್ರೀ ವಾಣಿಜ್ಯ ಕಾರ್ಯಾಚರಣೆಗಳನ್ನು ಖಚಿತಪಡಿಸಿಕೊಳ್ಳಲು ಈ ಕಾರ್ಯಾಚರಣೆಗಳನ್ನು ನಡೆಸಲಾಗುತ್ತಿದೆ. ಆರ್‌ಆರ್‌ಟಿಎಸ್‌ನ 82 ಕಿ.ಮೀ ವಿಭಾಗವು 2025 ರ ವೇಳೆಗೆ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ.

RRTS ಭಾರತದ ಅತ್ಯಂತ ವೇಗದ ರೈಲು ಸಾರಿಗೆ ವ್ಯವಸ್ಥೆಯಾಗಿದ್ದು, 180 kmph ವರೆಗೆ ಹೆಚ್ಚಿನ ವೇಗವನ್ನು ತಲುಪುವ ಸಾಮರ್ಥ್ಯವನ್ನು ಹೊಂದಿದೆ. ವೇಗವನ್ನು ತಡೆದುಕೊಳ್ಳಲು ಸುವ್ಯವಸ್ಥಿತವಾಗಿರುವ ರೈಲಿನ ನಯವಾದ ವಿನ್ಯಾಸದಿಂದ ಹೆಚ್ಚಿನ ವೇಗವು ಸಹಾಯ ಮಾಡುತ್ತದೆ. ಇದಲ್ಲದೆ, ಮೆಟ್ರೋ, ರೈಲ್ವೆ ಮತ್ತು ಬಸ್ ನಿಲ್ದಾಣಗಳು ಸೇರಿದಂತೆ ಇತರ ಸಾರಿಗೆ ವಿಧಾನಗಳೊಂದಿಗೆ RRTS ಅನ್ನು ಸಂಯೋಜಿಸಲು ಸರ್ಕಾರ ಯೋಜಿಸಿದೆ.

ಆರ್‌ಆರ್‌ಟಿಎಸ್ ಕಾರ್ಯಾರಂಭವಾದ ಬಳಿಕ ಅದು ದೆಹಲಿ-ಗಾಜಿಯಾಬಾದ್-ಮೀರತ್ ನಡುವೆ ಸಂಪರ್ಕವನ್ನು ಸುಧಾರಿಸುವ ನಿರೀಕ್ಷೆಯಿದೆ. ಎನ್‌ಸಿಆರ್‌ಟಿಸಿಯ ಯೋಜನೆಗಳ ಪ್ರಕಾರ, ರೈಲು ದೆಹಲಿ ಮತ್ತು ಮೀರತ್ (101 ಕಿ.ಮೀ) ನಡುವಿನ ಅಂತರವನ್ನು 60 ನಿಮಿಷಗಳಲ್ಲಿ ಕ್ರಮಿಸುತ್ತದೆ. ಅದಕ್ಕೂ ಮೊದಲು ಆದ್ಯತಾ ವಿಭಾಗವು ದುಹೈ ಡಿಪೋ, ದುಹೈ, ಗುಲ್ಧರ್, ಗಾಜಿಯಾಬಾದ್ ಮತ್ತು ಸಾಹಿಬಾಬಾದ್ ಸೇರಿದಂತೆ ಐದು ನಿಲ್ದಾಣಗಳನ್ನು ಒಳಗೊಂಡಂತೆ ಶೀಘ್ರದಲ್ಲೇ ಕಾರ್ಯನಿರ್ವಹಿಸಲಿದೆ.

ದೆಹಲಿ-ಗುರ್‌ಗಾಂವ್-ಎಸ್‌ಎನ್‌ಬಿ-ಅಲ್ವಾರ್ ಮತ್ತು ದೆಹಲಿ-ಪಾಣಿಪತ್ ಅನ್ನು ಒಳಗೊಂಡಿರುವ ಕಾರಿಡಾರ್‌ಗಳೊಂದಿಗೆ RAPIDX ಅನ್ನು ಮತ್ತಷ್ಟು ವಿಸ್ತರಿಸಲಾಗುವುದು. ಮೊದಲ ಯೋಜನೆಯನ್ನು ಮೂರು ವಿಭಾಗಗಳಲ್ಲಿ ನಿರ್ಮಿಸಲಾಗುವುದು, ಮೊದಲ ಹಂತವು ದೆಹಲಿಯ ಸರಾಯ್ ಕಾಲೇ ಖಾನ್‌ನಿಂದ ಎಸ್‌ಎನ್‌ಬಿ ಅರ್ಬನ್ ಕಾಂಪ್ಲೆಕ್ಸ್‌ವರೆಗಿನ 107 ಕಿಲೋಮೀಟರ್ ದೂರವನ್ನು ಒಳಗೊಂಡಿದೆ.

ಎರಡನೇ ಹಂತದಲ್ಲಿ ಎಸ್‌ಎನ್‌ಬಿಯಿಂದ ಸೋತನಾಳವರೆಗೆ 33.3 ಕಿಲೋಮೀಟರ್‌ಗಳವರೆಗೆ ಮಾರ್ಗವನ್ನು ವಿಸ್ತರಿಸಲಾಗುವುದು. 58 ಕಿ.ಮೀ ಉದ್ದವಿರುವ ಮೂರನೇ ಹಂತವನ್ನು ಎಸ್‌ಎನ್‌ಬಿ-ಆಲ್ವಾರ್ ವಿಸ್ತರಣೆ ಎಂದು ಸೂಚಿಸಲಾಗಿದೆ. RapidX ರೈಲುಗಳು ದೆಹಲಿ-ಪಾಣಿಪತ್ ಮಾರ್ಗದಲ್ಲಿ ಹರಿಯಾಣದ ಮುರ್ಥಾಲ್, ಗನ್ನೌರ್, ಸಮಲ್ಖಾ ಮತ್ತು ಪಾಣಿಪತ್‌ಗೆ ಪ್ರವೇಶವನ್ನು ಸುಧಾರಿಸುತ್ತದೆ.