ಎರಡೇ ತಾಸಲ್ಲಿ ವಿಶ್ವದ ಯಾವುದೇ ಕೊನೆಗೂ ದಾಳಿ ನಡೆಸಬಲ್ಲ ಶಶಕ್ತಿಶಾಲಿ ಬಾಂಬರ್

ರಾಕೆಟ್ ಶೈಲಿಯ ಹೈಪರ್ ಸೋನಿಕ್ ರಹಸ್ಯ ಬಾಂಬರ್ ಜೆಟ್, ಆಕಾಶದಿಂದಲೇ ಹೈಪರ್ ಸೋನಿಕ್ ನ್ಯೂಕ್ಲಿಯರ್ ಮಿಸೈಲ್ ದಾಳಿ ನಡೆಸುವಷ್ಟು ಸಮರ್ಥವಾಗಿದೆ.

ಇದು ಶಬ್ದ ವೇಗಕ್ಕಿಂತಲೂ ಐದು ಪಟ್ಟು ಹೆಚ್ಚು ವೇಗದಲ್ಲಿ ಸಂಚರಿಸಲಿದೆ. ಅಂದರೆ ಶಬ್ದ ವೇಗ ಮ್ಯಾಕ್ 5 ಇನ್ನು ವಿವರವಾಗಿ ಬಿಡಿಸಿ ಹೇಳುವುದಾದ್ದಲ್ಲಿ ಗಂಟೆಗೆ 3840 ಮೈಲು ಅಥವಾ 6180 ಕೀ.ಮೀ. ವೇಗದಲ್ಲಿ ಗುರಿ ತಲುಪಲಿದೆ.

ವಿಶ್ವದ ಯಾವುದೇ ಅಂಚಿಗೂ ಕೇವಲ ಎರಡನೇ ತಾಸಿನಲ್ಲಿ ಗುರಿ ಮುಟ್ಟುವ ಸಾಮರ್ಥ್ಯ ಹೊಂದಿರುವ ಪರಮಾಣು ರಾಕೆಟ್‌ ಪ್ರೊಜೆಕ್ಟ್ ಗೆ 'ಪಿಎಕೆ-ಡಿಎ' ಎಂದು ಹೆಸರಿಸಿದೆ. ಇದು 2020ರ ವೇಳೆಯಾಗುವಾಗ ಸೇವೆಗೆ ಲಭ್ಯವಾಗಲಿದೆ.

ಶತ್ರು ಪಾಳೇಯದಲ್ಲಿ ಪರಮಾಣು ದಾಳಿಯನ್ನು ನಡೆಸಿ ಮತ್ತೆ ಹಿಂತಿರುಗಿ ತನ್ನ ಸೈನ್ಯ ತಲುಪುವ ಶಕ್ತಿಯನ್ನು ಇದು ಪಡೆದಿದೆ.

ಬಲ್ಲ ಮೂಲಗಳ ಪ್ರಕಾರ ಹೈಬ್ರಿಡ್ ಎಂಜಿನ್ ಟೆಸ್ಟಿಂಗ್ ಪ್ರಗತಿಯಲ್ಲಿದೆ. ಇದರ ಹೈಬ್ರಿಡ್ ಎಂಜಿನ್ ಗಳು ಜೆಟ್ ಮೋಡ್ ನಲ್ಲಿ ಕೆರೊಸಿನ್ ಹಾಗೂ ಸ್ಪೇಸ್ ಮೋಡ್ ನಲ್ಲಿ ಮಿಥೇನ್ ಹಾಗೂ ಓಕ್ಸಿಜನ್ ಬಳಕೆಯಾಗಲಿದೆ.

172 ಅಡಿ ರೆಕ್ಕೆ ಅಗಲವನ್ನು ಹೊಂದಿರುವ ಹೈಪರ್ ಸೋನಿಕ್ ಬಾಂಬರ್ ಜೆಟ್ 168 ಟನ್ ಭಾರವನ್ನು ಹೊರುವ ಸಾಮರ್ಥ್ಯ ಹೊಂದಿರುತ್ತದೆ.

11,104 ಕೀ.ಮೀ. ವ್ಯಾಪ್ತಿಯಲ್ಲಿ ಕಾರ್ಯಾಚರಣೆ ನಡೆಸಬಲ್ಲ ಈ ಅತ್ಯಾಧುನಿಕ ಯುದ್ಧ ವಿಮಾನವನ್ನು ಇಬ್ಬರು ನುರಿತ ಸಿಬ್ಬಂದಿಗಳು ಕಾರ್ಯ ನಿರ್ವಹಿಸಲಿದ್ದಾರೆ.

ಪ್ರಸಕ್ತ ಸಾಲಿನಲ್ಲೇ ಮೋಸ್ಕೋದಲ್ಲಿ (ಸೆಪ್ಟೆಂಬರ್) ನಡೆಯಲಿರುವ ಆರ್ಮಿ 2016 ಇಂಟರ್ ನ್ಯಾಷನಲ್ ಮಿಲಿಟರಿ ಟೆಕ್ನಾಲಜಿ ಫಾರಂನಲ್ಲಿ ಪಿಎಕೆ-ಡಿಎ ಬಾಂಬರ್ ಪರೀಕ್ಷಾರ್ಥ ಎಂಜಿನ್ ಪ್ರದರ್ಶಿಸಲಾಗುವುದು.

ಒಟ್ಟಿನಲ್ಲಿ ಯುರೋಪ್ ಮತ್ತು ಅಮೆರಿಕ ಅಶ್ವಶಕ್ತಿಗಳಿಗೆ ಬಲಾಬಲವಾಗಿ ಸೆಟೆದು ನಿಂತಿರುವ ರಷ್ಯಾ ಮಿಲಿಟರಿ ಬಲ ಅಭಿವೃದ್ಧಿ ಮೇಲೆ ಹೆಚ್ಚಿನ ಗಮನ ಕೇಂದ್ರಿಕರಿಸಿದೆ.