ನೀರ್ಗಲ್ಲನ್ನೇ ಒಡೆಯುವ ಬಲಿಷ್ಠ ಹಡಗು; ರಷ್ಯಾಗೆ ಆನೆ ಬಲ

12,000 ನಾವಿಕ ಮೈಲು ದೂರ ವ್ಯಾಪ್ತಿಯ ವರೆಗೂ ಕಾರ್ಯಾಚರಣೆ ನಡೆಸಬಲ್ಲ ರಷ್ಯಾದ ಹಡಗು ಎಷ್ಟೇ ದಪ್ಪವಾದ ಮಂಜುಗಡ್ಡೆಗಳನ್ನು ಒಡೆಯುವಷ್ಟು ಶಕ್ತವಾಗಿದೆ.

2016 ಜೂನ್ 10ರಂದು ಸೈಂಟ್ ಪೀಟರ್ಸ್ ಬರ್ಗ್ ನಲ್ಲಿ ಲೋಕಾರ್ಪಣೆಯಾಗಿರುವ ನೂತನ ಹಡಗು 2017ರ ವೇಳೆಯಾಗುವಾಗ ರಷ್ಯಾ ನೌಕಾದಳವನ್ನು ಸೇರ್ಪಡೆಗೊಳ್ಳಲಿದೆ.

ಮುಂದಿನ ಕೆಲವು ವರ್ಷಗಳಲ್ಲಿ ಮತ್ತಷ್ಟು ನೀರ್ಗಲ್ಲು ಒಡೆಯುವ ಹಡಗನ್ನು ನಿರ್ಮಿಸುವುದು ರಷ್ಯಾ ಉದ್ದೇಶವಾಗಿದೆ.

ಆರ್ಕಟಿಕ್ ಸಮುದ್ರ ವಲಯದಲ್ಲೂ ಕಾರ್ಯಾಚರಣೆ ನಡೆಸುವುದು ರಷ್ಯಾ ಗುರಿಯಾಗಿದೆ. ಇದುವೇ ಅಮೆರಿಕದ ಅವಕೃಪೆಗೊಳಗಾಗಲು ಕಾರಣವಾಗಿದೆ.

ಆರ್ಕಟಿಕ್ ಸಮುದ್ರ ವಲಯದಲ್ಲಿ ಸಾರಿಗೆ ಮತ್ತು ಶಕ್ತಿ ಉತ್ಪಾದನೆ ಮೂಲಸೌಕರ್ಯದ ಜೊತೆಗೆ ಮಿಲಿಟರಿ ಕೇಂದ್ರವನ್ನಾಗಿ ಪರಿವರ್ತಿಸುವುದು ರಷ್ಯಾ ಇರಾದೆಯಾಗಿದೆ.

ಅಲ್ಲದೆ ಈ ಮಾರ್ಗವಾಗಿ ಯುರೋಪ್ ಮತ್ತು ಏಷ್ಯಾ ಖಂಡಗಳಿಗೆ ನೂತನ ಸಂಪರ್ಕ ಕಲ್ಪಿಸುವ ಯೋಜನೆಯನ್ನು ಹೊಂದಿದೆ.

ಡಿಸೆಲ್ ಎಲೆಕ್ಟ್ರಿಕ್ ಎಂಜಿನ್ ನಿಯಂತ್ರಿತ ನೀರ್ಗಲ್ಲು ಒಡೆಯುವ ಹಡಗು ಅತ್ಯಂತ ಶಕ್ತಿಶಾಲಿ ಹಡಗುಗಳ ಸಾಲಿನಲ್ಲಿ ಗುರುತಿಸಿಕೊಳ್ಳಲಿದೆ.

ಒಟ್ಟಿನಲ್ಲಿ ನೀರ್ಗಲ್ಲು ಒಡೆಯುವ ಬಲಿಷ್ಠ ಹಡಗಿನ ಪ್ರವೇಶದೊಂದಿಗೆ ರಷ್ಯಾಗೆ ಆನೆ ಬಲ ಬಂದಂತಾಗಿದೆ.